عَننَبِ عٍسَيِ.
21.
حَشَنكَتّ مَسٍنيِ نَن يَ فبٍنفبٍرٍنيِ بّ نَشَن نَ بَا دّ رَ. مِشِ مَفَاشُشِيٍ نَ قَقٍ عَلْ تُرُننَادّ كٍلِقٍ نٍفٍوِ فبٍنفبٍرٍنيِ مَ قٍ شْرْشْي كٍلِمَ دّننَشّ. 
ﭑ بَرَ لَامَتُنيِ مَفَاشُشِ تٌ. «يَنقَنتٍ نَ يَنقّ تِقٍ، كَسَرَتِ نَ كَسَرّ تِقٍ. عٍلَمَ، فٍرٍ تِ عَ بّ. مٍدِيَ، عَ رَبِلِن. ﭑ قَمَ تْورّ دَندٍ بَبِلْن قِندِشِ نَشَن سَابُي رَ.» 
«نَ كُي ﭑ قَتٍ يَتِ نَ تْورْقٍ عَلْ فِنّ دِ قُرِ نَ كٍلِ عَ رَ. ﭑ نَشَن تٌ، ﭑ نَشَن مّ، نَ بَرَ ﭑ كَابَ. 
ﭑ بْحّ نَ تْورْقٍ، ﭑ نَ سّرّنقٍ فَاشُي كُي. ﭑ نُ نَ بْحّسَ مَمّقٍ عَلَكٌ ﭑ شَ مَلَبُي سْتْ، كْنْ يَكْسِ نَ بَرَ قِندِ قٍ مَفَاشُشِ رَ ﭑ بّ.» 
«دٌنسٍ يَءِلَن، وٌن شَ وٌن دّفّ يِرٍ كٍرٍن. سْورِ يَرٍرَتِيٍ وٌ وٌ شَ كَنتَ سٍيٍ يَءِلَن.» 
عَلَتَلَ عَ مَسٍن نّ ﭑ بّ، عَ نَشّ، «يِرٍ مَكَنتّ تِ، عَلَكٌ عَ قٍ نَشَن تٌمَ عَ شَ نَ مَسٍن وٌ بّ. 
عَ قَمَ نّ سْورِيٍ تٌدٍ قِرِن قِرِن نَ، سٌييٍ، سٌقَلٍيٍ، نُن حْشْمّيٍ قَرِ. عَ شَ عٍ مَتٌ عَ قَنيِ رَ.» 
عَ مُ بُ، يِرٍ مَكَنتّ نَشَ عَ شُي رَ مِنِ عَلْ يّتّ شَاحّ، عَ قَلَقٍ رَ، «لْشْ يٌ لْشْ ﭑ تِمَ نَا قٍ مَتٌدٍ، كْي يٌ كْي ﭑ مَمّ تِمَ نَا. 
ﭑ سْورِ رَفِيٍ تٌمَ قَ رَ قِرِن قِرِن نَ. عٍ نَشّ، ‹بَبِلْن بَرَ بِرَ، عٍ شَ كُيٍيٍ بِرِن سَشِ بْشِ مَ شُنتُن شُنتُنيِ رَ.› 
وٌ تَن ﭑ مَ حَمَ نَشَن بَرَ بْنبْ عَلْ مَالٍ نَشَن نَ لٌنيِ مَ، عِسِرَيِلَ مَرِفِ عَلَتَلَ سّنبّمَ شَ مَسٍنيِ نَن يِ كِ.» 
حَشَنكَتّ نَ دُ مَكَيٍ بّ. مِشِ ندٍ ﭑ شِلِمَ كٍلِقٍ سٍيِرِ، عَ نَشّ، «يِرٍ كَنتَمَ، مُنسٍ رَبَشِ يِ كْي رَ؟ مُنسٍ دَنفِشِ نَا؟» 
يِرٍ كَنتَمَ قَ عَ يَابِ، «كُيٍ نَ عِبَقٍ، كْنْ كْي مَن سٌمَ نّ. شَ وٌ وَ مَ نَ كٌلٌنقٍ، وٌ مَن شَ قَ ﭑ مَشْرِن. عِيٌ، وٌ مَن شَ قَ.» 
حَشَنكَتّ نَ عَرَبُيٍ بّ. وٌ تَن دٍدَنكَ نَشٍيٍ يٌنكِنمَ كْي رَ عَرَبُ وُلَ عِ، 
وٌ شَ قَ يٍ رَ مِشِيٍ بّ يٍ شْلِ نَ نَشٍيٍ مَ. تٍمَكَيٍ وٌ شَ قَ تَامِ رَ مِشِ بّ 
نَشٍيٍ نَ عٍ فِقٍ سَنتِدّفّمَ يَ رَ نَشَن وَ مَ عٍ قَشَقٍ، نَشٍيٍ نَ عٍ فِقٍ شَلِ يَ رَ نَشَن وَ مَ عٍ سْنتْقٍ. 
عَلَتَلَ يِ نَن مَسٍنشِ ﭑ بّ، «حّ كٍرٍن نَن تُن لُشِ كٍدَرِ شَ قٍ شَ دَن، عَلْ وَلِكّ حّ كْنتِمَ كِ نَشّ. 
كٍدَرِ شَ سْورِيٍ شَ شَلِيٍ شُرُنمَ نّ.» عَلَتَلَ نَن شُي عَ رَ، عِسِرَيِلَ مَرِفِ عَلَ.