عَننَبِ عٍسَيِ.
32.
مَنفّ قَمَ نّ مَنفّيَ رَحّرّدٍ تِنشِنيِ رَ، عَ شَ كُنتِفِيٍ كِيتِ سَمَ نّ سّرِيّ كِ مَ. 
كَنكَن لُمَ نّ عَلْ بَنشِ قَنيِ تُرُننَادّ دِنمَ نَشَن نَ، عَلْ شُرٍ نَشٍيٍ يٍ شَنِنمَ فبٍنفبٍرٍن يِرٍ، عَلْ فّمّ نِينِ بْشِ عِشَرَشِ مَ. 
نَ تّمُي يَ نَشٍيٍ سٍ قٍنمَ، نٍيٍ سٍ عِفبّمَ نّ. تُلِ نَشٍيٍ عٍ مَتِمَ، نٍيٍ قٍ مّمَ نّ. 
شَشِلِتَرٍيٍ قَمَ نّ قَهَامُي سْتْدٍ، بٌبٌي نّنيِ قَمَ نّ كٍلِدٍ، نٍيٍ قَ وْيّن عَ قَنيِ رَ. 
مِشِ كٌبِ مُ شِلِمَ كُنتِفِ، مِشِ تِنشِنتَرٍ مُ بِنيّ سْتْمَ سْنْن، 
بَرِ مَ عٍ مُ نْندِ قَلَمَ، عٍ مُ قٍ قَنيِ مَحْشُنمَ. عَ قٍ سّنِيّنشِ بْتّ رَبَمَ، عَ وُلٍ قَلَمَ عَلَتَلَ شَ قٍ رَ، عَ كَامّتْي لُمَ عَ شَ كَامّ كُي، عَ تٌندِ يٍ مَ مِشِ بّ، يٍ شْلِ نَ نَشَن مَ. 
مِشِ حَاشِ وَلِ كِ مُ قَن، عَ عَ مَتٌ عَ مِسِكِينّ شُن نَكَنَمَ تْوحّفّ رَ كِ نَشّ. 
كْنْ مِشِ قَنيِ تَن عَ مَتٌمَ نّ عَ قٍ قَنيِ رَبَمَ كِ نَشّ، عَ شُن نَكٍلِ عَ شَ وَلِ قَنيِ سَابُي رَ، 
بَننَ فِنّيٍ، وٌ شَ وٌ تُلِ مَتِ ﭑ شُي رَ. وٌ تَن نَشٍيٍ لَشِ وٌ يّتّ رَ، وٌ شَ ﭑ مَ مَسٍنيِ رَ مّ. 
بٍينُن حّ كٍرٍن شَ دَنفِ، وٌ سّرّنمَ نّ فَاشُي رَ، وٌ تَن نَشٍيٍ لَشِ وٌ يّتّ رَ، بَرِ مَ وّنِ بٌفِيٍ كَنَمَ نّ، شّ شَبّ قَن مُ قَنمَ. 
بَننَ فِنّيٍ، وٌ شَ وٌ مَفٌرٌ، وٌ تَن نَشٍيٍ لَشِ وٌ يّتّ رَ، وٌ شَ فَاشُ. وٌ شَ وٌ شَ دُفِ قَنيِ مَسَرَ كَاحّ دُفِ رَ. 
وٌ شَ وَ وٌ شَ وّنِ بٌفِ نُن شّ كَنَشِيٍ شَ قٍ رَ. 
وٌ شَ وَ ﭑ مَ حَمَ شَ بْشِ شَ قٍ رَ، نَشَن بَرَ قِندِ حٌوفٍ نُن تُنبٍ يِرٍ رَ. وٌ شَ وَ وٌ شَ تَايٍ شَ قٍ رَ حّلّشِنيِ حْنشِ دّننَشّ. 
وٌ شَ يِرٍ مَكَنتَشِ رَبٌلٌمَ نّ، وٌ شَ تَا قَنيِ قِندِ مَ نّ وُلَ رَ، سٌقَلٍ نُن شُرُ سٍيٍ دّ مَدٌنمَ دّننَشّ. 
عَ لُمَ نَ كِ نّ هَن عَلَ عَ شَشِلِ سّنِيّنشِ رَفٌرٌ مَ وٌن مَ تّمُي نَشّ كٍلِ كٌورٍ مَ. نَ تّمُي نَ فبٍنفبٍرٍنيِ قِندِ مَ نّ سَنسِ يِرٍ رَ، عَ فبٌ يّ عَلْ قْتْنيِ. 
سّرِيّ رَحّرّ مَ نّ فبٍنفبٍرٍنيِ مَ، تِنشِنيِ قَن سَبَتِمَ نّ سَنسِ يِرٍ. 
تِنشِنيِ شَ وَلِ قِندِ مَ بْحّسَ نَن نَ، عَ قِندِ شَشِلِسَ نُن كَنتَرِ رَ وَشَتِ بِرِن. 
ﭑ مَ حَمَ لُمَ نّ نَا بْحّسَ كُي، مَرَشَرّ كُي. 
هَلِ قْتْنيِ كَنَ، تَا بِرَ، 
هّيرِ نَن لُمَ وٌ بّ، وٌ تَن نَشٍيٍ سَنسِ سِمَ شُرٍ دّ رَ، وٌ تَن نَشٍيٍ تِنمَ وٌ شَ نِنفٍيٍ نُن وٌ شَ سٌقَلٍيٍ شَ عٍ دّ مَدٌن.