عَننَبِ عٍسَيِ.
44.
«ﭑ مَ كٌنيِ يَشُبَ بْنسْي، وٌ شَ وٌ تُلِ مَتِ، ﭑ مَ حَمَ سُفَندِشِ عِسِرَيِلَ، وٌ شَ ﭑ شُي رَ مّ. 
عَلَتَلَ شَ مَسٍنيِ نَن يَ، نَشَن وٌ دَاشِ وٌ نفَ تّيفّ عِ، نَشَن وٌ بُن تِمَ. ﭑ مَ كٌنيِ يَشُبَ، هَلِ عِ مُ هَنمّ، وٌ تَن يٍسُرُن ﭑ نَشَن سُفَندِشِ، 
بَرِ مَ ﭑ يٍ رَفٌرٌ مَ نّ وٌ شَ بْشِ مَشَرَشِ مَ، ﭑ شُرٍ رَ مِنِمَ نّ فبٍنفبٍرٍن يِرٍ مَ. ﭑ نَن ﭑ شَشِلِ رَفٌرٌ مَ نّ وٌ بْنسْي مَ، ﭑ بَرَكّ سَمَ نّ وٌ شَ دِيٍ مَ. 
عٍ قَنمَ نّ عَلْ حٌوفٍ نَشَن تٌمَ قِيلِ تَفِ، عَلْ وُرِ نَشٍيٍ سِشِ شُرٍ دّ عِ. 
ندٍ عَ قَلَمَ نّ، ‹عَلَتَلَ فبٍ نَن ﭑ نَ،› عَ يَشُبَ شِلِ سَ عَ شُن مَ. ندٍ عَ سّبّمَ نّ عَ بّلّشّ مَ، ‹عَلَتَلَ فبٍ،› عَ عِسِرَيِلَ شِلِ سَ عَ شُن مَ.» 
«عَلَتَلَ شَ مَسٍنيِ نَن يَ، عَلَتَلَ سّنبّمَ نَشَن قِندِشِ عِسِرَيِلَ مَنفّ نُن عَ رَكِسِمَ رَ. ﭑ تَن نَن نَ قٍ قْلّ رَ، ﭑ تَن نَن نَ قٍ رَحْنيِ رَ. عَلَ فبّتّ يٌ مُ نَ بَقٍ ﭑ تَن نَ. 
ندٍ مَنِيَشِ ﭑ تَن نَ؟ عَ شَ نَ قَلَ. نَ كَنيِ شَ وْيّن بَ، عَ شَ قٍ دَنفِشِ مَسٍن كَبِ ﭑ مَ حَمَ دَا تّمُي. عَ شَ قٍ مَسٍن نَشَن قَمَ رَبَدٍ، عِيٌ عَ شَ نَ قَلَ كّنّ مَ. 
وٌ نَشَ فَاشُ، وٌ نَشَ سّرّن. ﭑ مُ نَ مَسٍنشِ وٌ بّ شّ، بٍينُ نَ قٍيٍ شَ رَبَ؟ ﭑ مَ سٍيدٍيٍ نَن وٌ رَ. عَلَ فبّتّ نَ نَ، بَ ﭑ تَن نَ؟ عَدٍ، قَنيٍ فبّتّ مُ نَ هَلِ كٍرٍن.» 
قُيَنتٍيٍ نَن كُيٍ يَءِلَنمَيٍ رَ. عٍ شَ وَلِ تِدٍ يٌ مُ نَ. عٍ شَ سٍيدٍيٍ يَ مُ نَ، عٍ شَشِلِ عِقُشِ. عٍ قَمَ لُدٍ نَ يَافِ نَن كُي. 
ندٍ كُيٍ يَءِلَنمَ، نَشَن مُ نْمَ عَ مَلِدٍ قٍقٍ رَ؟ 
نَ كَنيِيٍ يَافِمَ نّ. عَدَ مَدِ نَن تُن نَ عٍ رَ. عٍ بِرِن شَ عٍ مَلَن، عٍ شَ تِ ﭑ يَ رَ. ﭑ عٍ بِرِن نَفٌرٌ مَ نّ فَاشُي نُن حَشَنكَتّ رَ. 
كُيٍ يَءِلَنمَ وُرٍ شَبُمَ تّ شْورَ، عَ كُيٍيٍ يَءِلَن دّرّ مَ رَ، عَ عَ رَوَلِ عَ يّتّ سّنبّ رَ. كَامّ نُن يٍ شْلِ لُمَ نّ عَ سُشُ رَ، عَ قَ تَفَن. 
كَمُدّرِ لُوتِ عِتَلَمَ نّ عَ مَنِيَقٍ رَ، عَ عَ كْورِن. عَ وَلِ قْلْ وَلِ سٍيٍ رَ، عَ عَ يَءِلَن هَن عَ لُ عَلْ مِشِ تٌقَنيِ نَشَن تِمَ عَ شَ بَنشِ كُي. 
عَ نُ وُرِ ندٍيٍ سِ قْتْنيِ يِرٍ، عَ مَمّ تِ هَن تُنّ يٍ عَ رَ مْ، عَ قَ عَ سّفّ. 
عَ ندٍ قِندِ يٍفٍ رَ، عَلَكٌ شِنبٍلِ نَشَ عَ سُشُ، عَ ندٍ رَوَلِ تَامِ فَنقٍ رَ. كْنْ نَشَن لُشِ، عَ نَ قِندِ عَلَ رَ عَ نَشَن بَتُمَ، عَ كُيٍ رَقَلَ، عَ سُيِدِ عَ بّ. 
عَ سّيتِ قِندِ يٍفٍ رَ، عَ سُبٍ فَنمَ نَشَن نَ، عَ قَ عَ دّفٍ، عَ عَ قَلَ، «يِ تّ قَن. شِنبٍلِ مُ ﭑ سُشُمَ بٍ.» 
عَ وُرِ دْنشْي نَن قِندِ مَ عَ شَ كُيٍ عَلَ رَ، عَ سُيِدِ نَشَن بّ عَ بَتُقٍ رَ. عَ مَشَندِ تِ عَ بّ، عَ قَلَقٍ رَ، «ﭑ نَكِسِ، بَرِ مَ عِ تَن نَن ﭑ مَ عَلَ رَ.» 
كْنْ نَ مِشِ مُ فّشِ قَهَامُي سْتْدٍ. عَ لُشِ عَلْ دْنشُي نَشَن مُ سٍ تٌمَ، عَ شَشِلِ مُ قَتَ قٍيٍ تَفِ رَبَدٍ. 
سٍسٍ مُ عَ عَ بْحّ رَتِمَ سْنْن، عَ شَ عَ مَحْشُن، «ﭑ بَرَ وُرِ سّيتِ سَ تّ عِ، عَلَكٌ ﭑ شَ تَامِ نُن سُبٍ فَن عَ تّ وٌلٍ رَ ﭑ نَشَن دٌنمَ. عَ لَنمَ ﭑ شَ نَ وُرِ دْنشْي رَقَلَ كُيٍ رَ عَلَ نَشَن شْنمَ؟ ﭑ شَ ﭑ سُيِدِ وُرِ شُنتُنيِ بّ؟» 
نَ كُيٍ يَءِلَنمَ بِرَ مَ سٍ نَن قْشْ رَ نَشَن قِندِ مَ تّ شُبٍ رَ. عَ بْحّ بَرَ عَ يّتّ يَنقَ. عَ مُ قَتَ عَ يّتّ رَكِسِدٍ، عَ مَن مُ شَشِلِ سْتْ عَ قَلَقٍ رَ، «ﭑ نَشَن تِشِ ﭑ بّلّشّ رَ وُلٍ عَلَ نَن عَ رَ.» 
«يَشُبَ بْنسْي، وٌ شَ رَتُ يِ قٍيٍ مَ، وٌ تَن عِسِرَيِلَ حَمَ نَشَن قِندِشِ ﭑ مَ كٌنيِ رَ. ﭑ وٌ دَا نّ، عَلَكٌ وٌ شَ قِندِ ﭑ مَ كٌنيِ رَ. عِسِرَيِلَ، ﭑ مُ نّيمُمَ وٌ مَ. 
ﭑ بَرَ وٌ شَ يُنُبِيٍ شَقَرِ، وٌ نَشَن سْتْ وٌ شَ مُرُتّ كُي، ﭑ بَرَ نٍيٍ بَ نَا عَلْ نُشُي بَمَ كٌورٍ مَ كِ نَشّ. وٌ شَ فبِلٍن ﭑ مَ، بَرِ مَ ﭑ بَرَ وٌ شُن سَرَ.» 
كٌورٍ شَ سّيوَ عَلَتَلَ شَ وَلِ شَ قٍ رَ. بْشِ بُنيِ شَ عَ شُي رَ مِنِ. فٍيَيٍ شَ عٍ شُي عِتٍ عَلْ وُرِ نَشٍيٍ نَ قْتْنيِ كُي، بَرِ مَ عَلَتَلَ بَرَ يَشُبَ شُن سَرَ، عَ بَرَ عَ نْرّ مَسٍن عِسِرَيِلَ يَ مَ. 
وٌ رَكِسِمَ عَلَتَلَ شَ مَسٍنيِ نَن يَ نَشَن وٌ رَقَلَشِ وٌ نفَ تّيفّ، «ﭑ تَن، عَلَتَلَ نَن ﭑ نَ، نَشَن قٍ بِرِن دَاشِ، نَشَن كٌورٍ عِتَلَ، نَشَن بْشِ رَقَلَ عَ بّلّشّ رَ، 
نَشَن نَمِحْنمّ وُلٍ قَلّيٍ شَ تْنشُمَيٍ كَنَ، نَشَن سٍمَتٌي رَيَافِ، نَشَن لْننِلَيٍ شَ مَرَ سِ مَقِندِ لْننِتَرٍحَ رَ، 
نَشَن عَ شَ نَمِحْنمّ كٌنيِيٍ شَ مَسٍنيِيٍ رَكَمَلِ، نَشَن عَ شَ شّيرَيٍ شُي قِندِ نْندِ رَ، نَشَن عَ مَسٍنمَ دَرِ سَلَمُ شَ قٍ رَ، ‹حَمَ قَمَ سَبَتِدٍ نَا،› نَشَن عَ مَسٍنمَ يُدَيَ تَايٍ شَ قٍ رَ، ‹عٍ مَن قَمَ نّ تِدٍ،› 
نَشَن عَ قَلَمَ بَا بّ، ‹شَرَ، ﭑ عِ شَ يٍ رَشْرِ مَ نّ،› 
نَشَن مَنفّ سِرُ سِ شّيمَ عَ سَفٌ رَبَدٍ، عَلْ شُرُ سٍ مَدٌنيِ عَ رَبَمَ كِ نَشّ، نَشَن عَ مَسٍنمَ دَرِ سَلَمُ شَ قٍ رَ، ‹عَ مَن شَ تِ،› نَشَن عَ مَسٍنمَ هْرْ مْبَنشِ شَ قٍ رَ، ‹عَ مَن شَ تِ!›»