عَننَبِ عٍسَيِ.
48.
«يَشُبَ بْنسْي نَشَن شِلِ عِسِرَيِلَ، نَشَن قَتَنشِ يُدَيَ رَ، وٌ وٌ تُلِ مَتِ ﭑ نَ. وٌ تَن نَشٍيٍ وٌ كَلِمَ عَلَتَلَ شِلِ رَ، وٌ تَن نَشٍيٍ عِسِرَيِلَ مَرِفِ عَلَ مَشَندِ مَ تِنشِنتَرٍيَ كُي، 
وٌ تَن نَشٍيٍ وٌ يّتّ شِلِمَ تَا سّنِيّنشِ كَنيِيٍ، وٌ تَن نَشٍيٍ وٌ شَشِلِ تِمَ عِسِرَيِلَ مَرِفِ عَلَتَلَ رَ، 
ﭑ نَشَن مَسٍنشِ وٌ بّ تّمُي دَنفِشِ، ﭑ بَرَ فّ نَ رَفِرِدٍ. 
ﭑ تٌ عَ كٌلٌن وٌ شَشِلِ شْرْشْ عَلْ وُرٍ، 
ﭑ نَشَ وٌ رَكٌلٌن نَ قٍ رَ بٍينُن عَ شَ رَبَ، عَلَكٌ وٌ نَشَ قَ عَ قَلَ، ‹مُشُ شَ كُيٍ وُرِ دَاشِيٍ نُن وُرٍ دَاشِيٍ نَن نَ قٍ نَتّشِ.› 
وٌ بَرَ نَ مّ؟ وٌ بَرَ سٌ نَ قٍ كُي؟» «يَكْسِ ﭑ قٍ نّينّيٍ مَسٍنمَ نّ وٌ بّ، نَشٍيٍ نُ بَرَ نْشُن وٌ مَ. 
نٍيٍ مِنِشِ يِ وَشَتِ نّ، وٌ مُ نُ نَشٍيٍ كٌلٌن. نَ كُي وٌ مُ نْمَ عَ قَلَدٍ، ‹عِيٌ، مُشُ نُ نٍيٍ كٌلٌن.› 
وٌ مُ نَ قٍيٍ قَهَامُشِ تّمُي دَنفِشِ بَرِ مَ وٌ تُلِ شْرْشْ. يَنقَنتٍيٍ نَن وٌ رَ كَبِ وٌ بَرِ تّمُي. 
ﭑ شِلِ شَ قٍ رَ، ﭑ مُ ﭑ مَ شْنّ رَ مِنِ وٌ مَ كٍرٍنيِ رَ. ﭑ مَ مَتْشْي شَ قٍ رَ، ﭑ مُ وٌ رَبٌلٌ. 
ﭑ بَرَ وٌ مَتٌ، كْنْ ﭑ مُ عَ رَبَشِ عَلْ شَبُي عَ رَبَمَ كِ نَشّ فبٍتِ رَ. ﭑ وٌ مَتٌمَ تْورّ نَن سَابُي رَ. 
ﭑ يِ رَبَمَ ﭑ يّتّ بّ عَلَكٌ ﭑ شِلِ نَشَ كَنَ، عَلَكٌ ﭑ مَ مَتْشْي نَشَ قِ ﭑ قِرِن ندٍ مَ.» 
«يَشُبَ بْنسْي، وٌ وٌ تُلِ مَتِ ﭑ نَ. عِسِرَيِلَ ﭑ نَشَن شِلِشِ، وٌ وٌ تُلِ مَتِ ﭑ نَ. ﭑ تَن نَن نَ عَ سِنفٍ رَ، ﭑ تَن نَن نَ عَ دْنشْي رَ. 
ﭑ بّلّشّ نَن دُنِحَ بُنيِ سَشِ، ﭑ سّنبّ نَن كٌورٍ عِتَلَشِ. ﭑ نَ عٍ شِلِ، عٍ تِمَ نّ كٍرٍن نَ.» 
«وٌ شَ وٌ مَلَن، وٌ شَ وٌ تُلِ مَتِ ﭑ نَ. كُيٍ مُندُن بَرَ يِ قٍ مَسٍن وٌ بّ بٍينُن عَ شَ رَبَ؟ عَلَتَلَ بَرَ مِشِ ندٍ سُفَندِ نَشَن عَ سَفٌي رَبَمَ بَبِلْن نَ، نَشَن عٍ شِلِ شُن نَكَنَمَ. 
عِيٌ، ﭑ تَن يَتِ بَرَ ﭑ مَ مَسٍنيِ تِ، ﭑ بَرَ عَ شِلِ، عَ شَ نَ وَلِ رَكَمَلِ.» 
«وٌ وٌ مَسٌ ﭑ نَ، وٌ شَ وٌ تُلِ مَتِ. كَبِ عَ قْلّ، ﭑ مُ وْيّن دُنشُي رَ. نَ قٍ رَبَمَ ﭑ يَ شْرِ.» يَكْسِ، ﭑ مَرِفِ عَلَتَلَ نَ ﭑ شّيقٍ، عَ عَ شَشِلِ رَفٌرٌشِ ﭑ مَ. 
وٌ رَكِسِمَ عَلَتَلَ، عِسِرَيِلَ شَ سّنِيّنتْي، عَ شَ مَسٍنيِ نَن يَ، «ﭑ تَن قِندِشِ وٌ مَرِفِ عَلَتَلَ نَن نَ، نَشَن وٌ شَ قٍ سْونّيَ كِ مَسٍنمَ، نَشَن وٌ رَحّرّ مَ حّرّ كِ قَنيِ رَ. 
شَ وٌ وٌ حْشْ سَ ﭑ مَ سّرِيّ شْن مَ نُ، بْحّسَ نُن كِسِ نُ فبٌمَ نّ وٌ يِ رَ عَلْ يٍ نَشَن نَ بَا مَ. 
وٌ بْنسْي نُ وُيَمَ نّ عَلْ مّيّنيِ نَشَن نَ بَا دّ رَ، وٌ شَ دِيٍ شِلِيٍ مُ نُ بَمَ ﭑ يَ عِ. 
وٌ شَ كٍلِ بَبِلْن سّيوّ شُي رَ. وٌ شَ نَ مَسٍن دُنِحَ بِرِن بّ. وٌ شَ عَ قَلَ، ‹عَلَتَلَ بَرَ عَ كٌنيِ يَشُبَ شُن سَرَ.› 
يٍ شْلِ مُ لُمَ عٍ مَ فبٍنفبٍرٍنيِ مَ، عَ قَنيٍ عِبْو مَ، عَ يٍ رَ مِنِ عَ كُي. 
مِشِ حَاشِ شَ قٍ مُ سْونّيَمَ.» عَلَتَلَ شَ مَسٍنيِ نَن نَ كِ.