عَننَبِ عٍسَيِ.
57.
تِنشِنتْي نَ سَيَ كِرَ شْن مَ، كْنْ مِشِ يٌ مُ عَ حْشْ سَ نَ هِننّتْي شَ قٍ شْن مَ. مِشِيٍ مُ عَ كٌلٌن عَ عَلَ نَن تِنشِنتْييٍ بَمَ تْورّ كُي. 
نَشَن لُمَ تِنشِنيِ شَ كِرَ شْن مَ، عَ مَلَبُي قَنيِ سْتْمَ نّ يَرٍ. 
«كْنْ وٌ تَن سٍمَتٌي بْنسْي، نَشٍيٍ قَتَنشِ يّنّ نُن لَنفٌيحَ رَ، وٌ قَ بٍ. 
وٌ ندٍ مَيٍلٍقٍ؟ وٌ ندٍ مَبٍرٍقٍ وٌ دّ رَ؟ مَتَندِلَيٍ نَن وٌ رَ نَشٍيٍ قَتَنشِ وُلٍ قَلّيٍ رَ. 
وٌ يّنّ رَبَمَ وُرِيٍ بُن مَ مِشِ كُيٍيٍ بَتُمَ دّننَشّ. وٌ دِيٍ قَشَمَ سّرّشّ رَ قٌلٍ كُي نَ كُيٍيٍ بّ. 
نَ كُيٍيٍ قِندِشِ وٌ شَ عَلَيٍ نَن نَ وٌ بِرَ مَ نَشٍيٍ قْشْ رَ. وٌ مِنسٍ سّرّشّ بَمَ عٍ بّ، وٌ سَنسِ شْرِ قِمَ عٍ مَ. عَ مُ لَنمَ ﭑ شَ ﭑ فبٍ حْشْ نَ قٍ مَ؟» 
«وٌ بَرَ سَدٍ يَءِلَن فٍيَ قَرِ وٌ سّرّشّيٍ بَمَ دّننَشّ. 
وٌ وٌ شَ كُيٍ تْنشُمَيٍ تِمَ وٌ شَ نَادّ سّيتِ مَ. وٌ بَرَ فبِلٍن ﭑ تَن قْشْ رَ، وٌ قَ كُيٍيٍ شِلِ عٍ شَ سَ وٌ قّ مَ سَدٍ مَ. وٌ تٌ فّ سَاتّ شِرِدٍ وٌ بٌرٍ تَفِ، وٌ نَشَ سَدٍ قٍ رَبَ. 
وٌ بَرَ تُرٍ نُن لَبُندّ شَنِن وٌ شَ مَنفّ شْن، وٌ بَرَ شّيرَيٍ شّي هَن عَلِفِيَمَ. 
نَ بِرِن قِندِشِ تَفَنيِ نَن نَ وٌ بّ، كْنْ وٌ مَن تٌندِشِ فبِلٍندٍ نَ قْشْ رَ. وٌ وٌ سّنبّ نَن تُن سٌقٍ، لُقٍ رَ نَ كِرَ شْن مَ.» 
«ثٍ، وٌ كْنتْقِلِشِ ندٍ شَ قٍ رَ، نَشَن عَ نِيَمَ وٌ شَ نّيمُ ﭑ مَ؟ وٌ فَاشُشِ ندٍ يَ رَ، نَشَن عَ نِيَمَ وٌ مُ ﭑ مَ قٍ مَتٌ سْنْن؟ مُنسٍ عَ نِيَشِ وٌ شَ ﭑ يَنقَ؟ ﭑ تٌ دُندُشِ عَ شْنكُيٍ رَ، نَ نَن عَ نِيَشِ وٌ مُ فَاشُشِ ﭑ يَ رَ سْنْن؟ 
ﭑ وٌ مَكِيتِمَ نّ وٌ شَ وَلِ مَ، وٌ نَشَن شِلِمَ وَلِ قَنيِ. نَ مُ قَنمَ وٌ بّ قٍقٍ مَ. 
وٌ شَ وٌ شَ كُيٍيٍ شِلِ. وٌن شَ عَ مَتٌ شَ عٍ نْمَ وٌ مَلِدٍ. قٌيٍ عٍ شَنِنمَ نّ! كْنْ نَشَن يٌ نَ عَ شَشِلِ تِ ﭑ تَن نَ، عَ يِ بْشِ سْتْمَ نّ كّ رَ، عَ تٍ ﭑ مَ فٍيَ سّنِيّنشِ نَن قَرِ.» 
عَلَتَلَ عَ قَلَمَ نّ، «وٌ وَكِلِ، وٌ شَ كِرَ يَءِلَن، وٌ شَ سٍ حَاشِ بِرِن بَ ﭑ مَ حَمَ يَ رَ!» 
مَرِفِ عَلَ، نَشَن مَ قٍ مُ كَنَمَ عَبَدَن، نَشَن شِلِ سّنِيّن، عَ شَ مَسٍنيِ نَن يَ، «ﭑ سَبَتِشِ كٌورٍ نَن نَ سّنِيّنيِ كُي. ﭑ مِشِ شِلِمَ نّ ﭑ سّيتِ مَ نَشَن بْحّ تْورْشِ، نَشَن بَرَ عَ يّتّ مَفٌرٌ. ﭑ وَ مَ عٍ رَلِمَنِيَقٍ، ﭑ وَ مَ عٍ شُن نَكٍلِقٍ. 
ﭑ مُ وَ مَ ﭑ مَ شْنّ شَ بُ عٍ قْشْ رَ، شَ نَ مُ ﭑ نَ ﭑ شَشِلِ قِشِ مِشِ نَشٍيٍ مَ، نٍيٍ تَفَنمَ نّ. 
عِسِرَيِلَ تٌ مِلَ يُنُبِ رَبَقٍ مَ، ﭑ نَشَ عٍ حَشَنكَتَ، ﭑ عٍ رَبٌلٌ، كْنْ عٍ شَ مُرُتّ نَن تُن شُن نُ مَسَمَ. 
ﭑ بَرَ عٍ وَلِ كِ يَتِ تٌ، كْنْ ﭑ عٍ دَندَنمَ نّ، ﭑ عٍ مَلِ، ﭑ عٍ بْحّ دْشْ، 
عَلَكٌ عٍ مَن شَ بّيتِ بَ ﭑ بّ. ﭑ تَن عَلَتَلَ نَشّ، ‹بْحّسَ شَ لُ يِرٍ مَكُيٍكَيٍ بّ! ﭑ عٍ رَيَلَنمَ نّ.› 
كْنْ مِشِ حَاشِيٍ تَن لُمَ نّ عَلْ بَا مْرْنيِيٍ، نَشٍيٍ مُ رَشَرَ، نَشٍيٍ نْشْي تُن نَتٍمَ. 
ﭑ تَن عَلَتَلَ نَشّ، ‹بْحّسَ يٌ مُ نَ مِشِ حَاشِيٍ تَن بّ.›»