عَننَبِ يٍرٍ مِ.
13.
عَلَتَلَ نَشَ عَ مَسٍن ﭑ بّ، «سَ بّلّتِ دُفِ دَاشِ سَرَ، عِ تَفِ شِرِ. عِ نَشَ عَ بُندَ يٍ رَ.» 
ﭑ نَشَ سِفَ بّلّتِ سَرَدٍ عَلْ عَلَتَلَ عَ قَلَ ﭑ بّ كِ نَشّ. ﭑ نَشَ ﭑ تَفِ شِرِ. 
نَ دَنفِ شَنبِ، عَلَتَلَ مَن نَشَ عَ مَسٍن ﭑ بّ، 
«بّلّتِ تٌنفٌ عِ نَشَن سَرَشِ، عِ نَشَن شِرِشِ عِ تَفِ. كٍلِ، عِ سِفَ عٍقِرَتِ شُرٍ مَبِرِ. مّننِ عِ شَ نَ بّلّتِ نْشُن فّمّ لٌنفٌرِ رَ.» 
ﭑ نَشَ سِفَ، ﭑ نَشَ بّلّتِ نْشُن عٍقِرَتِ مَبِرِ عَلْ عَلَتَلَ عَ مَسٍنشِ ﭑ بّ كِ نَشّ. 
كِكٍ وُيَشِ دَنفِ شَنبِ، عَلَتَلَ مَن نَشَ عَ مَسٍن ﭑ بّ، «كٍلِ، عِ سِفَ عٍقِرَتِ عِ بّلّتِ تٌنفٌ عِ نَشَن نْشُنشِ.» 
ﭑ نَشَ سِفَ عٍقِرَتِ شُرٍ بّلّتِ نْشُنشِ تٌنفٌدٍ. ﭑ نَشَ عَ تٌ عَ بَرَ نُ بْرْ، ﭑ مُ نْمَ عَ رَوَلِدٍ سْنْن. 
عَلَتَلَ نَشَ يِ مَسٍنيِ تِ ﭑ بّ، 
«عَلَتَلَ بَرَ عَ مَسٍن، عَ نَ نَ كِ نّ يُدَيَ نُن دَرِ سَلَمُ شَ يّتّ عِفبٌحَ شَ قٍ رَ. 
حَمَ حَاشِ نَن عٍ رَ نَشَن تٌندِ ﭑ مَ مَسٍنيِ سُشُدٍ، نَشَن بْحّ شْرْشْ، عٍ بِرَ مَ عَلَ فبّتّيٍ نَن قْشْ رَ، عٍ تُوبِ عٍ بّ. عٍ قَمَ نّ لُدٍ عَلْ نَ بّلّتِ نَشَن كَنَشِ، نَشَن مُ قَنشِ سْنْن.» 
عَلَتَلَ شَ مَسٍنيِ نَن يَ؛ «ﭑ نُ بَرَ عِسِرَيِلَ نُن يُدَيَ بْنسْي شِرِ ﭑ تَفِ، عَلْ مِشِ بّلّتِ شِرِ مَ عَ تَفِ كِ نَشّ. ﭑ نُ وَ مَ نّ عٍ شَ قِندِ ﭑ مَ حَمَ رَ، عٍ شَ قٍ شَ قِندِ بِنيّ نُن مَتْشْي رَ ﭑ بّ، كْنْ عٍ مُ تِن ﭑ مَ مَسٍنيِ رَ.» 
«نَ كُي عِ شَ عَ قَلَ عٍ بّ، عِسِرَيِلَ مَرِفِ عَلَتَلَ بَرَ عَ مَسٍن، ‹وّنِ قّحّ بِرِن نَقٍ وّنِ رَ.› عٍ قَمَ نّ عِ يَابِدٍ، ‹مُشُ عَ كٌلٌن عَ لَنمَ وّنِ قّحّ شَ رَقٍ وّنِ رَ.› 
عِ مَن شَ عٍ يَابِ، عَلَتَلَ بَرَ عَ مَسٍن، ‹مَنفّ بِرِن نَشٍيٍ نَ دَوُدَ شَ كِبَنيِ كُي، عَ نُن سّرّشّدُبّيٍ، نُن نَمِحْنمّيٍ، نُن دَرِ سَلَمُكَيٍ، ﭑ قَمَ نّ عٍ بِرِن لُدٍ عَلْ سِيسِلَيٍ.›» 
عَلَتَلَ شَ مَسٍنيِ نَن يَ؛ «ﭑ قَمَ نّ فٍرٍ سٌدٍ حَمَ يَ مَ، ﭑ دِيٍ نُن عٍ بَبَيٍ تَفِ عِسٌ. ﭑ مُ كِنِكِنِمَ، ﭑ مُ دِحّمَ. ﭑ قَمَ نّ عٍ بِرِن شُن نَكَنَدٍ. 
وٌ شَ وٌ تُلِ مَتِ ﭑ نَ، وٌ نَشَ وٌ يّتّ عِفبٌ، بَرِ مَ عَلَتَلَ شَ مَسٍنيِ نَن نَ كِ. 
وٌ شَ وٌ مَرِفِ عَلَتَلَ مَتْشْ، بٍينُ عَ شَ دِ مِ رَ سِن بْشِ مَ، بٍينُ وٌ شَ بِرَ فٍيَيٍ قَرِ كْي رَ. وٌ وَ مَ نَءِيَلَنيِ شْن مَ، كْنْ عَلَتَلَ دِ مِ حَاشِ نَن نَفٌرٌ مَ وٌ مَ. عَ لُشِ نّ عَلْ نُشُي نَشَن قْورْشِ عَ قِندِ قَشّ رَ وٌ بّ. 
شَ وٌ مُ وٌ تُلِ مَتِمَ يِ مَسٍنيِ رَ، ﭑ قَمَ نّ وَدٍ ﭑ كٍرٍنيِ مَ وٌ شَ يّتّ عِفبٌحَ شَ قٍ رَ. يَ يٍ قَمَ نّ مِنِدٍ ﭑ يَيٍ رَ، بَرِ مَ عَلَتَلَ شَ حَمَ بَرَ شَنِن كٌنيِيَ كُي.» 
«عَ قَلَ مَنفّ نُن عَ شَ فِنّ بّ، وٌ فٌرٌ بْشِ مَ، بَرِ مَ مَنفّيَ بَرَ بَ وٌ يِ رَ. مَنفّ تْنشُمَ مُ لُمَ وٌ شُن مَ سْنْن. 
نٍفٍوِ شَ تَايٍ بَلَنشِ، مِشِ يٌ مُ نْمَ عٍ نَادّيٍ رَبِدٍ. يُدَيَ بْنسْي بِرِن بَرَ شَنِن حَمَنّ مَ. 
وٌ عَ مَتٌ، حَمَ ندٍ نَ قَقٍ كٍلِقٍ كْولَ مَ. حَمَ نَ مِندٍن، ﭑ نَشَن تَشُشِ عِ رَ، نَشٍيٍ لُشِ عَلْ عِ شَ شُرُ سٍيٍ فَلِ عِ حّلّشِنشِ نَشٍيٍ رَ؟ 
وٌ مُنسٍ قَلَمَ وٌ دّقَنبٌورٍيٍ تِمَ وٌ شُن مَ تّمُي نَشّ يَنقَنتٍيَ رَ؟ نَ تْورّ مُ لُمَ شّ عَلْ دِ بَرِ شَ تْورّ؟ 
شَ وٌ وٌ يّتّ مَشْرِن، مُنقٍ رَ يِ بَرَ مُشُ لِ، وٌ شَ عَ كٌلٌن وٌ يَافِ نُن قٍ حَاشِ سْتْمَ نّ وٌ شَ يُنُبِ وُيَشِ شَ قٍ رَ. 
مِشِ قْورّ كِرِ نْمَ قِيشّدٍ؟ بَرَتّ شَ مَكَتُنيِ نْمَ مَسَرَدٍ؟ وٌ تَن فٌ، وٌ تَن نَشٍيٍ دَرِشِ قٍ حَاشِ رَ؟ وٌ نْمَ لُدٍ كِرَ قَنيِ شْن مَ؟ 
ﭑ قَمَ نّ وٌ رَيٍنسٍندٍ عَلْ مَالٍ لَفِ نَشَن لْيمَ فبٍنفبٍرٍنيِ قٌيٍ كُي.» 
عَلَتَلَ شَ مَسٍنيِ نَن يَ؛ «ﭑ بَرَ نَ حَشَنكَتّ مْولِ نَتّ وٌ بّ، بَرِ مَ وٌ بَرَ نّيمُ ﭑ مَ، وٌ بَرَ لَ وُلٍ رَ. 
ﭑ قَمَ نّ وٌ رَيَافِدٍ عَ حَاشِ رَ. 
ﭑ بَرَ وٌ شَ يّنّ نُن وٌ شَ لَنفٌيحَ تٌ، وٌ بِرَ مَ نَشَن قْشْ رَ فٍيَيٍ قَرِ نُن دَاشَيٍ كُي. ﭑ بَرَ وٌ شَ قٍ حَاشِيٍ تٌ. حَشَنكَتّ نَ وٌ بّ دَرِ سَلَمُكَ سّنِيّنتَرٍيٍ. وٌ لُمَ نَ كِرَ شْن مَ هَن مُن تّمُي؟»