عَننَبِ يٍرٍ مِ.
18.
عَلَتَلَ نَشَ يِ مَسٍنيِ تِ عَننَبِ يٍرٍ مِ بّ، 
«كٍلِ، عِ شَ سِفَ قّحّ يَءِلَنيِ شْنيِ. مّننِ عِ قَمَ نّ ﭑ مَ مَسٍنيِ مّدٍ.» 
«عَوَ، ﭑ نَشَ سِفَ قّحّ يَءِلَنيِ شْنيِ. عَ نُ نَ قّحّ يَءِلَنقٍ، 
كْنْ نَ قّحّ تٌ بْو يِرٍ ندٍ، عَ مَن نَشَ فبِلٍن عَ يَءِلَن نَ، عَلَكٌ عَ شَ لُ عَلْ عَ نُ وَ مَ عَ شْن مَ كِ نَشّ.» 
«عَلَتَلَ نَشَ عَ مَسٍن ﭑ بّ، 
‹عَلَتَلَ شَ مَسٍنيِ نَن يَ؛ عِسِرَيِلَ بْنسْي، ﭑ تَن قَن قٍ رَبَمَ نّ وٌ رَ، نَشَن مَنِيَشِ يِ قّحّ يَءِلَنيِ شَ وَلِ رَ. عِسِرَيِلَ بْنسْي، وٌ نَ ﭑ بّلّشّ كُي عَلْ بٌورَ نَ قّحّ يَءِلَنيِ بّلّشّ كِ نَشّ. 
شَ ﭑ نَتّ تٌنفٌ سِ، شَ نَ مُ عَ رَ مَنفّيَ، رَبِرَقٍ رَ، ﭑ شَ عٍ هَلَكِ، ﭑ شَ عٍ شُن نَكَنَ، 
كْنْ عٍ قَ فبِلٍن عٍ شَ قٍ حَاشِ قْشْ رَ، نَ تّمُي ﭑ قَن فبِلٍنمَ نّ ﭑ مَ نَتّ قْشْ رَ، ﭑ مُ عٍ حَشَنكَتَمَ سْنْن. 
شَ ﭑ نَتّ تٌنفٌ سِ، شَ نَ مُ عَ رَ مَنفّيَ، تِقٍ رَ، 
كْنْ عٍ قَ قٍ حَاشِ رَبَ ﭑ نَ، عٍ فبِلٍن ﭑ شُي قْشْ رَ، نَ تّمُي ﭑ قَن فبِلٍنمَ نّ قٍ قَنيِ قْشْ رَ ﭑ نُ وَ مَ نَشَن نَبَقٍ عٍ بّ.›» 
«عَ قَلَ يُدَيَكَيٍ نُن دَرِ سَلَمُكَيٍ بّ، عَلَتَلَ بَرَ عَ مَسٍن، ‹ﭑ بَرَ نَتّ تٌنفٌ وٌ شِلِ مَ، ﭑ شَ وٌ حَشَنكَتَ. وٌ شَ فبِلٍن وٌ شَ كِرَ حَاشِ قْشْ رَ، وٌ شَ وٌ حّرّ كِ مَسَرَ.› 
كْنْ عٍ نَشَ عَ يَابِ، ‹نَ مُ قَمَ سْونّيَدٍ، بَرِ مَ مُشُ تَن بِرَ مَ مُشُ شَشِلِ نَن قْشْ رَ. مُشُ تَن بِرَ مَ مُشُ وَشْنقٍ نَن قْشْ رَ، هَلِ عَ حَاشُ.›» 
«عَلَتَلَ مَن بَرَ عٍ يَابِ، ‹وٌ شَ عَ مَتٌ شَ يِ مْولِ نُ بَرَ رَبَ سِيٍ تَفِ. ندٍ بَرَ نَ قٍ مْولِ مّ سِندٍن؟ عِسِرَيِلَ سّنِيّنشِ بَرَ قٍ شْنشِ رَبَ. 
شِنبٍلِ نْمَ كٍلِدٍ لِبَن فٍيَ قَرِ؟ شُرٍ شُنشُرِ نَشٍيٍ يٍ فٌرٌ مَ نَا، عٍ نْمَ شْرِدٍ؟› 
كْنْ ﭑ مَ حَمَ تَن بَرَ نّيمُ ﭑ مَ قٍ رَ، عٍ سُرَيِ فَن سّرّشّ رَ كُيٍيٍ بّ، عٍ بِرَ كِرَ فبّتّ يَءِلَنتَرٍيٍ قْشْ رَ، عٍ كِرَ قٌرِ لُ نَ. 
عٍ بَرَ عَ نِيَ عٍ شَ بْشِ شَ فبَلٌي سْتْ. دَنفِ مِشِيٍ نَ نَ تٌ، عٍ دّ عِشَرَ مَ نّ، عٍ قَ عٍ مَبٍرٍ. 
ﭑ قَمَ نّ عٍ رَيٍنسٍندٍ عٍ يَشُييٍ يَ رَ، عَلْ قٌيٍ نَشَن كٍلِمَ سٌفٍتٍدٍ. ﭑ نَن ﭑ كٌبٍ رَ سٌمَ عٍ رَ فبَلٌي لْشْي.» 
مِشِ ندٍيٍ بَرَ عَ قَلَ، «وٌن شَ عَننَبِ يٍرٍ مِ شَ قٍ مَبٍرٍ بَرِ مَ سّرّشّدُبّيٍ مُ حْنمَ نَشٍيٍ عَلَ شَ سّرِيّ مَسٍنمَ، لْننِلَيٍ مُ حْنمَ نَشٍيٍ مِشِ رَ سِمَ، نَمِحْنمّيٍ مُ حْنمَ نَشٍيٍ مَسٍنيِ تِمَ. وٌن شَ وُلٍ سَ عَ شُن مَ، وٌن تٌندِ عَ شَ مَسٍنيِ رَ.» 
«عَلَتَلَ، ﭑ مَلِ، عِ تُلِ مَتِ ﭑ يَشُييٍ وْيّن شُي رَ. 
عٍ لَنمَ عٍ شَ قٍ قَنيِ مَسَرَ قٍ حَاشِ رَ؟ عٍ وَ مَ ﭑ قَشَقٍ نّ. عِ شَ رَتُ عَ مَ ﭑ قِندِشِ عِ شَ شّيرَ نَن نَ، عَلَكٌ عٍ شَ رَتَنفَ عِ شَ شْنّ مَ. 
نَ كُي عِ شَ عٍ شَ دِيٍ قَشَ كَامّ رَ، عِ شَ عٍ قَشَ سَنتِدّفّمَ رَ. عٍ شَ فِنّيٍ شَ قِندِ دِبَرِتَرٍيٍ رَ، شَ نَ مُ عَ رَ كَاحّ فِنّيٍ. عِ شَ عَ لُ عٍ شَ مْرِيٍ شَ قَشَ، عٍ شَ قٌنِكٍيٍ شَ بِرَ سَنتِدّفّمَ رَ. 
عِ نَ عٍ يَشُييٍ شّي عٍ يِرٍ، وَ شُي شَ مِنِ عٍ شَ بَنشِيٍ كُي، بَرِ مَ عٍ بَرَ وَ ﭑ نَبِرَقٍ يِلِ كُي، عٍ بَرَ وَ ﭑ سُشُقٍ فَنتَنيِ رَ. 
عِ تَن عَلَتَلَ، عِ عٍ شَ مَحْشُنيِ كٌبِ بِرِن كٌلٌن، عٍ وَ مَ نَشَن نَبَقٍ ﭑ نَ. عِ نَشَ عٍ شَ يُنُبِ شَقَرِ. عِ نَشَ دِحّ عٍ شَ يُنُبِ مَ. عِ شَ عٍ رَبِرَ عِ يَ تٌدٍ رَ، عِ شَ شْنْ عٍ مَ عَ حَاشِ رَ.»