عَننَبِ يٍرٍ مِ.
30.
عَلَتَلَ شَ مَسٍنيِ نَن يَ عَ نَشَن مَسٍنشِ عَننَبِ يٍرٍ مِ بّ. 
عِسِرَيِلَ مَرِفِ عَلَتَلَ شَ مَسٍنيِ نَن يَ؛ «ﭑ مَ مَسٍنيِ سّبّ كِتَابُي. 
عَلَتَلَ شَ مَسٍنيِ نَن يَ؛ ﭑ شَ عَ قَلَ وٌ بّ، لْشْي قَمَ عَ لِدٍ ﭑ نَن ﭑ مَ حَمَ رَ مِنِمَ كٌنيِيَ كُي تّمُي نَشّ. ﭑ عِسِرَيِلَ نُن يُدَيَ رَفبِلٍنمَ نّ بْشِ مَ ﭑ دّننَشّ قِشِ عٍ بٍنبَيٍ مَ. نَ بْشِ مَن شَ قِندِ عٍ فبٍ رَ.» 
عَلَتَلَ شَ مَسٍنيِ نَن يَ عِسِرَيِلَ نُن يُدَيَ شَ قٍ رَ؛ 
عَلَتَلَ بَرَ عَ مَسٍن، «وٌن بَرَ سْنشْي شْرْشْي مّ، عَ مَفَاشُ، بْحّسَ يٌ مُ نَ. 
وٌ عَ كٌلٌن شّمّ مُ دِ بَرِ مَ، كْنْ يِ وَشَتِ شّمّ عٍ قُرِ سُشُمَ عٍ بّلّشّ رَ عَلْ فِنّ عٍ قُرِ سُشُمَ كِ نَشّ عٍ دِ بَرِ تّمُي. مُنقٍ رَ عٍ يَتَفِ مَسَرَشِ؟ 
فبَلٌي لْشْي نَ عَ رَ نَشَن دَنفِمَ عَ بِرِن نَ. عَ شْرْشْ يَشُبَ بْنسْي بّ، كْنْ عٍ كِسِمَ نّ.» 
مَنفّ عَلَتَلَ شَ مَسٍنيِ نَن يَ؛ «نَ وَشَتِ نَ لِ، ﭑ قَمَ نّ بَبِلْن شَ نْي بَدٍ وٌ قَرِ. ﭑ وٌ شَ يْلْنشْنيِ بٌلٌنمَ نّ، وٌ مُ لُمَ حَمَنّ فبّتّ سَفٌي سْنْن. 
وٌ قَمَ نّ وٌ مَرِفِ عَلَتَلَ بَتُدٍ، عَ نُن وٌ شَ مَنفّ دَوُدَ ﭑ نَشَن نَكٍلِمَ.» 
عَلَتَلَ شَ مَسٍنيِ نَن يَ؛ «ﭑ مَ كٌنيِ يَشُبَ، وٌ نَشَ فَاشُ. عِسِرَيِلَ، وٌ نَشَ سّرّن. ﭑ قَمَ نّ وٌ شْرّيَدٍ، ﭑ وٌ بْنسْي رَ مِنِ كٌنيِيَ كُي يِرٍ مَكُيٍ، يَشُبَ قَ سَبَتِ بْحّسَ كُي يِ بْشِ مَ. مِشِ يٌ مُ عِ تْورْ مَ سْنْن، 
بَرِ مَ وٌن بِرِن نَ عَ رَ. ﭑ وٌ تَن نَكِسِمَ نّ، كْنْ ﭑ سِ فبّتّيٍ تَن حَشَنكَتَ، ﭑ وٌ رَيٍنسٍن يّ دّننَشّ. ﭑ وٌ حَشَنكَتَمَ نّ تِنشِنيِ كُي، عَلْ عَ لَن عَ شَ رَبَ كِ نَشّ، كْنْ ﭑ مُ قَمَ وٌ سْنتْدٍ. 
عَلَتَلَ نَشَ عَ مَسٍن؛ وٌ شَ فبَلٌي مُ كَنَمَ، قٌ وٌ شَ تْورْ. 
مِشِ مُ نَ نَشَن وٌ مَلِمَ، نَشَن وٌ شَ تْورّ دَندَنمَ. سٍرِ مُ نَ وٌ بّ. 
وٌ شَنُنتٍنيِيٍ بَرَ نّيمُ وٌ مَ، عٍ مُ وٌ قٍنمَ سْنْن، بَرِ مَ ﭑ تَن بَرَ وٌ بْنبْ عَ حَاشِ رَ، ﭑ بَرَ حَشَنكَتّ شْرْشْي دْشْ وٌ مَ، وٌ شَ يُنُبِ وُيَشِيٍ نُن وٌ شَ كٌبِحَ شَ قٍ رَ. 
مُنقٍ رَ وٌ نَ وَقٍ نَ فبَلٌي شَ قٍ رَ؟ مُنقٍ رَ وٌ مُ تِنمَ نَ حَشَنكَتّ رَ؟ ﭑ نَ بِرِن نَبَشِ وٌ شَ كٌبِحَ نُن وٌ شَ يُنُبِ وُيَشِيٍ نَن مَ قٍ رَ. 
نَ نَن عَ رَ، مِشِ نَشٍيٍ بَرَ وٌ تْورْ، عٍ قَن تْورّ نَن سْتْمَ. وٌ يَشُي بِرِن سِفَمَ نّ كٌنيِيَ كُي. مِشِ نَشٍيٍ بَرَ وٌ هَرِفٍ بَ وٌ يِ، عٍ قَن هَرِفٍ بَمَ نّ عٍ يِ رَ. مِشِ نَشٍيٍ بَرَ وٌ شَ تَايٍ كَنَ، ﭑ عَ نِيَمَ نّ عٍ تَن قَن شَ تَايٍ شَ كَنَ.» 
عَلَتَلَ شَ مَسٍنيِ نَن يَ؛ «ﭑ قَمَ نّ وٌ رَكٍلِدٍ، ﭑ قَ وٌ رَيَلَندٍ. عٍ بَرَ وٌ شِلِ سِيٌن رَبّحِنشِ، 
كْنْ عَلَتَلَ بَرَ عَ مَسٍن، ﭑ يَشُبَ هَرِفٍ رَفبِلٍنمَ نّ عَ بْنسْي مَ، ﭑ عٍ شَ لِنفِرَيٍ رَكٍلِمَ نّ، ﭑ عٍ شَ تَايٍ تِمَ نّ تَا قٌرِ كَنَشِ قَرِ، ﭑ عٍ شَ مَنفّ بَنشِ يَءِلَن عَ يِرٍ قٌرِ. 
عٍ قَمَ نّ ﭑ مَتْشْدٍ عٍ شُي عِتٍشِ سّيوّ كُي. ﭑ عٍ رَوُيَمَ نّ، عٍ مُ شُرُنمَ. ﭑ عٍ بِنيَمَ نّ، عَلَكٌ عٍ نَشَ لُ يَافِ كُي سْنْن. 
يَشُبَ شَ دِيٍ مَن لُمَ نّ عَلْ عَ سِنفٍ، عَ بْنسْي سّنبّ سْتْ ﭑ يَ شْرِ. ﭑ عٍ يَشُييٍ فٍرٍ مَ نّ. 
مَنفّ مِنِمَ نّ يَشُبَ بْنسْي، عٍ شَ مَنفّ قَمَ قِندِدٍ عٍ شَ مِشِ ندٍ نَن نَ. ﭑ تَن نَ عَ رَ مِنِمَ، عَ شَ عَ مَكْرّ ﭑ نَ، شَ نَ مُ عَ رَ مِشِ يٌ مُ نْمَ نَ رَبَدٍ عَ يّتّ رَ. عَلَتَلَ شَ مَسٍنيِ نَن نَ كِ.» 
«وٌ قِندِ مَ نّ ﭑ مَ حَمَ رَ، ﭑ قَن قِندِ وٌ مَرِفِ عَلَ رَ. 
عَلَتَلَ شَ شْنّ نَن يَ، عَ بْحّ تٍمَ نّ عَلْ قٌيٍ بٍلٍبٍلٍ، عَ قَ مِشِ حَاشِ شُن نَكَنَ. 
عَلَتَلَ شَ شْنّ مُ بَمَ هَن عَ فّ وَلِ بِرِن نَبَدٍ عَ وَ مَ نَشَن شْن. وٌ قَمَ نّ نَ بِرِن قَهَامُدٍ عَ وَشَتِ.»