عَننَبِ يٍرٍ مِ قِرِن ندٍ.
5.
عَلَتَلَ، مُشُ شَ تْورّ مَتٌ، مُشُ شَ يَافِ عِفبّ! 
شْحّيٍ بَرَ مُشُ كّ تٌنفٌ. مِشِيٍ بَرَ سَبَتِ مُشُ شَ بَنشِيٍ كُي، مُشُ كٌلٌنمَيٍ مُ نَشٍيٍ رَ. 
مُشُ بَرَ قِندِ مِسِكِينّ بَبَتَرٍيٍ رَ، مُشُ نفَيٍ بَرَ لُ عَلْ كَاحّ فِنّيٍ. 
مُشُ مُ نْمَ مُشُ شَ يٍ مِندٍ، قٌ مُشُ شَ عَ سَرَ كْبِرِ رَ. مُشُ مُ نْمَ مُشُ شَ يٍفٍ قَن فَندٍ، قٌ مُشُ شَ عَ سَرَ. 
مُشُ حَشَنكَتَمَيٍ دْشْشِ مُشُ قَرِ. مُشُ بَرَ تَفَن، مَلَبُي يٌ مُ نَ. 
مُشُ بَرَ مُشُ بّلّشّ عِتَلَ مِسِرَ نُن عَسِرِيَ بِرِ رَ، عَلَكٌ عٍ شَ مُشُ كِ تَامِ رَ. 
مُشُ بَبَيٍ بَرَ يُنُبِ رَبَ، كْنْ عٍ مُ نَ دُنِحَ سْنْن. مُشُ تَن نَن قَ عٍ شَ قٍ كٌبِيٍ تْرُحْي شَنِنقٍ. 
كٌنيِيٍ نَن قَ تِشِ مُشُ شُن مَ، مِشِ يٌ مُ نَ نَشَن مُشُ بَمَ عٍ يِ رَ. 
مُشُ بَلٌي قٍنمَ وُلَ عِ فَاشُي كُي، بَرِ مَ سَنتِدّفّمَ كَنيِيٍ نَ يِرٍ بِرِن. 
كَامّ بَرَ مُشُ سُشُ. 
مُشُ يَشُييٍ بَرَ عٍ وَشْنقٍ رَبَ سِيٌن نُن يُدَيَ فِنّدِ مّدِيٍ رَ. 
عٍ بَرَ كُنتِفِيٍ فبَكُ وُرِيٍ مَ، عٍ بِنيّ بَ قٌرِيٍ يِ. 
قٌنِكٍيٍ مّنفِ دِنمَ، عٍ يٍفٍ مَشَنِن هَن يٍفٍ كٌتٍ بَرَ بِرَ عٍ مَ. 
قٌرِيٍ بَرَ بَ عٍ مَلَنقٍ، قٌنِكٍيٍ قَن بَرَ بَ حَشَحَشَقٍ. 
مُشُ بْحّيٍ بَرَ بَ سّيوَقٍ، مُشُ شَ شُلُنيِ بَرَ مَسَرَ سُننُنيِ رَ. 
شُننَكٍلِ بَرَ بَ مُشُ يِ، مُشُ بَرَ مَكِنِكِنِ مُشُ شَ يُنُبِيٍ شَ قٍ رَ. 
نَ نَن عَ تٌشِ، مُشُ بْحّيٍ تْورْشِ، مُشُ يَ قَن بَرَ رَقْورْ. 
سِيٌن فٍيَ بَرَ قِندِ فبٍنفبٍرٍنيِ رَ، عَ بَرَ قِندِ شُلُمَسٍيٍ مَحّرّدٍ رَ. 
كْنْ عِ تَن، مَرِفِ عَلَتَلَ، عِ تَن نَن مَنفّ رَ تّمُي بِرِن. دَنيِ مُ نَ عِ شَ مَنفّيَ مَ، كٍلِ لَنقَنمَيٍ مَ، سَ دْشْ لَنقَنمَيٍ بِرِن نَ. 
مُنقٍ رَ، عِ قَ نّيمُشِ مُشُ مَ يِ مْولِ رَ، كَ عِ مُشُ رَبّحِنمَ نّ مُشُ شَ سِمَيَ بِرِن كُي؟ 
عَلَتَلَ، مُشُ رَفبِلٍن عِ مَ، مُشُ شَ قَ عِ مَ عَلْ عَ سِنفٍ. 
عِ مّيشِ نّ مُشُ رَ كٍرٍنيِ رَ؟ عِ شْنْمَ نّ مُشُ مَ عَبَدَن؟