عَننَبِ عٍسٍكِيٍلِ.
29.
عَ حّ قُ ندٍ، كِكٍ قُ، شِ قُ نُن قِرِن ندٍ رَ، عَلَتَلَ نَشَ عَ مَسٍن ﭑ بّ، عَ نَشّ، 
«عَدَ مَدِ، عِ شَ ﭑ مَ مَسٍنيِ تِ مِسِرَ مَنفّ نُن عَ شَ حَمَ بّ. 
عَ قَلَ عَ بّ، ‹عَلَتَلَ يِ نَن مَسٍنشِ؛ ﭑ بَرَ كٍلِ عِ شِلِ مَ، عِ تَن مِسِرَ قِرَوُنَ، نَشَن لُشِ عَلْ سْحّ مَفَاشُشِ شُرٍ سّنكِنّيٍ مَ. عِ نَشّ، «ﭑ بَرَ نِلِ شُرٍ دَا ﭑ يّتّ بّ.» 
كْنْ ﭑ كْنيِ بٍلٍبٍلٍ سْتِمَ نّ عِ بَنفَنيِيٍ كُي، ﭑ عَ نِيَمَ نّ يّشّيٍ شَ بْنِ عِ شَلٍيٍ مَ، ﭑ قَ عِ رَتٍ شُرٍ كُي، عِ تَن نُن نَ يّشّيٍ بِرِن نَ. 
ﭑ عِ لُمَ فبٍنفبٍرٍنيِ نَن مَ، عِ تَن نُن نَ يّشّيٍ بِرِن. وٌ لُمَ نَا، مِشِ يٌ مُ وٌ مَكْمَ. وٌ قِندِ مَ دٌنسٍ نَن نَ وُلَءِ سُبٍيٍ نُن شْنِيٍ بّ. 
نَ تّمُي مِسِرَكَيٍ بِرِن عَ كٌلٌنمَ نّ عَ ﭑ تَن نَن نَ عَلَتَلَ رَ.›» «وٌ بَرَ لُ عَلْ كَلٍ عِسِرَيِلَ بْنسْي نَشَن سُشُ مَلِ سٍ رَ، 
كْنْ وٌ قَ عِبْو عَ بّلّشّ كُي، وٌ عَ تُنكِ سْشْ. عٍ تٌ عٍ شَشِلِ تِ وٌ رَ، وٌ عٍ يَنقَ نّ، عٍ قَ لُ تْورّ كُي. 
وٌ مَرِفِ عَلَتَلَ يِ نَن مَسٍنشِ؛ ﭑ قَمَ نّ سَنتِدّفّمَ رَ وٌ شَ مِشِيٍ نُن وٌ شَ شُرُ سٍ قَشَقٍ رَ. 
مِسِرَ بْشِ نَ قِندِ يِرٍ مَشَرَشِ رَ نَشَن نَبّحِنشِ، عٍ عَ كٌلٌنمَ نّ عَ ﭑ تَن نَن نَ عَلَتَلَ رَ.» «وٌ تٌ عَ قَلَ، ‹ﭑ بَرَ نِلِ شُرٍ دَا ﭑ يّتّ بّ،› 
ﭑ كٍلِمَ نّ وٌ شِلِ مَ نُن وٌ شَ شُرٍيٍ شِلِ مَ. ﭑ مِسِرَ بْشِ رَشَرَ مَ نّ، ﭑ عَ رَبّحِن، كٍلِقٍ مِفِدٌلِ مَ، هَن عَ سَ دْشْ عَسُوَن رَ، هَن كُسِ نَانِنيِ رَ. 
مِشِيٍ مُ دَنفِمَ نَا، سُبٍيٍ مُ دَنفِمَ نَا. مِشِ يٌ مُ سَبَتِمَ نَا هَن حّ تٌنفٌ نَانِ. 
ﭑ مِسِرَ بْشِ رَبّحِنمَ عَلْ يِرٍ فبّتّيٍ، ﭑ عَ شَ تَايٍ شُن نَكَنَمَ نّ عَلْ تَا فبّتّيٍ. ﭑ مِسِرَكَيٍ رَيٍنسٍنمَ نّ دُنِحَ يِرٍ بِرِن.» 
كْنْ وٌ مَرِفِ عَلَتَلَ مَن يِ نَن مَسٍنشِ؛ «حّ تٌنفٌ نَانِ دَنفِ شَنبِ، ﭑ مَن مِسِرَكَيٍ مَلَنمَ نّ، كٍلِقٍ حَمَنّيٍ مَ ﭑ عٍ رَيٍنسٍن دّننَشّ. 
ﭑ عٍ رَفبِلٍنمَ نّ عٍ شْنيِ ثَتِرٌ سِ مَبِرِ كٍلِقٍ كٌنيِيَ كُي. ﭑ عٍ لُمَ نّ عٍ شَ عٍ يّتّ يَمَرِ، كْنْ عٍ شَ مَنفّيَ مُ سّنبّ فبٍفبٍ سْتْمَ. 
عٍ مُ عٍ شُنيِ عِتٍمَ بْشِ فبّتّ يٌ شُن مَ سْنْن. ﭑ عٍ مَفٌرٌ مَ نّ، عَلَكٌ عٍ نَشَ نْ حَمَنّيٍ رَ. 
عٍ مُ لِمَنِيَ قِمَ عِسِرَيِلَ مَ سْنْن. عِسِرَيِلَ نَ مِسِرَ قٍ مَحْشُن، عٍ رَتُمَ عٍ شَ يُنُبِيٍ نَن تُن مَ، عٍ تٌ عٍ شَشِلِ تِ عٍ رَ. نَ تّمُي، عٍ عَ كٌلٌنمَ نّ عَ ﭑ تَن نَن نَ عٍ مَرِفِ عَلَتَلَ رَ.» 
عَ حّ مْشْحّن ندٍ، كِكٍ سِنفٍ، شِ سِنفٍ رَ، عَلَتَلَ نَشَ مَسٍن ﭑ بّ، عَ نَشّ، 
«عَدَ مَدِ، بَبِلْن مَنفّ نٍبُكَدَنسَرِ نُن عَ شَ سْورِيٍ بَرَ كَتَ تِرٍ رَفٌرٌدٍ، كْنْ عٍ مُ نْ عَ رَ قٍقٍ مَ. عٍ تْورْ نّ تُن، عٍ مُ نَاقُلِ يٌ سْتْ نَ كُي. 
نَ نَن عَ رَ، وٌ مَرِفِ عَلَتَلَ يِ نَن مَسٍنشِ؛ ﭑ مِسِرَ بْشِ تَن قِمَ نّ بَبِلْن مَنفّ نٍبُكَدَنسَرِ مَ، عَ شَ عٍ شَ نَاقُلِ بِرِن شَنِن عَ شَ سْورِ فَلِ سَرٍ رَ. 
ﭑ نَ بِرِن قِمَ نّ عَ مَ، بَرِ مَ عَ تَن نُن عَ شَ سْورِيٍ نَ نَن نَبَشِ ﭑ تَن بّ. وٌ مَرِفِ عَلَتَلَ شُي نَن نَ كِ. 
نَ لْشْي، ﭑ عِسِرَيِلَ بْنسْي سّنبّ فبٌمَ نّ، ﭑ عِ شّيمَ مَسٍنيِ تِدٍ عٍ بّ. نَ تّمُي، عٍ عَ كٌلٌنمَ نّ عَ ﭑ تَن نَن نَ عَلَتَلَ رَ.»