عَننَبِ عٍسٍكِيٍلِ.
30.
عَلَتَلَ نَشَ عَ مَسٍن ﭑ بّ، عَ نَشّ، 
«عَدَ مَدِ، عِ شَ يِ مَسٍنيِ تِ ﭑ شِلِ رَ؛ ‹وٌ مَرِفِ عَلَتَلَ يِ نَن مَسٍنشِ؛ وٌ فبٍلٍفبٍلٍ! فبَلٌي لْشْي بَرَ قَ! 
عَلَتَلَ شَ لْشْي بَرَ مَكْرّ، دِ مِ بَرَ قَ فبَلٌي لْشْي رَ حَمَنّيٍ بّ. 
سَنتِدّفّمَ قَمَ نّ مِسِرَ شِلِ مَ، تْورّ دِنمَ نّ كُسِكَيٍ رَ. مِسِرَكَيٍ قَشَمَ نّ، عٍ شَ نَاقُلِ شَنِن، عٍ شَ تّتّيٍ بِرَ.›» 
كُسِ، ثُتِ، لُدُ، عَرَبُ، لِبِيَ، نُن عَلَ شَ حَمَ عَ سَاتّ تٌنفٌشِ نَشَن بّ، عٍ بِرِن قَشَمَ نّ سَنتِدّفّمَ رَ عَ نُن مِسِرَ. 
«عَلَتَلَ يِ نَن مَسٍنشِ؛ ‹مِسِرَ مَلِمَيٍ بِرَ مَ نّ، عَ يّتّ سّنبّ حْنمَ نّ، عَ نُ لَشِ نَشَن نَ. كٍلِقٍ مِفِدٌلِ، هَن عَسُوَن، عٍ قَشَمَ نّ سَنتِدّفّمَ رَ. وٌ مَرِفِ عَلَتَلَ شُي نَن نَ كِ.›» 
«ﭑ مِسِرَ بْشِ رَبّحِنمَ نّ عَلْ يِرٍ فبّتّيٍ، ﭑ عَ شَ تَايٍ شُن نَكَنَ عَلْ تَا فبّتّيٍ. 
ﭑ نَ تّ سٌ مِسِرَ رَ، ﭑ نَ نْ عٍ مَلِمَيٍ رَ، عٍ عَ كٌلٌنمَ نّ عَ ﭑ تَن نَن نَ عَلَتَلَ رَ.» 
«نَ لْشْي، ﭑ شّيرَيٍ شّيمَ نّ كُنكُييٍ كُي، عٍ شَ كُسِكَيٍ مَفَاشُ، عَلَكٌ عَ شَ بِرَ ﭑ قْشْ رَ. كْنتْقِلِ دُ سُمَ نّ عٍ شُن نَ مِسِرَكَيٍ شَ فبَلٌي لْشْي نَشَن قَقٍ، عَ مُ كَنَمَ.» 
«وٌ مَرِفِ عَلَتَلَ يِ نَن مَسٍنشِ؛ ‹ﭑ مِسِرَ شَ حَمَ وُيَشِ سْنتْمَ نّ بَبِلْن مَنفّ نٍبُكَدَنسَرِ سّنبّ رَ. 
عَ تَن نُن عَ شَ سْورِ فَلِ، نَشَن مَفَاشُشِ سْورِ فَلِ بِرِن بّ، ﭑ عٍ قَمَ نّ نَ بْشِ شُن نَكَنَدٍ. عٍ مِسِرَكَيٍ قَشَمَ نّ سَنتِدّفّمَ رَ، عٍ بْشِ رَقٍمَ نّ نَ بِنبِيٍ رَ. 
ﭑ نِلِ شُرٍ شْرِ مَ نّ، ﭑ عَ بْشِ مَتِ مِشِ حَاشِيٍ مَ، نَشٍيٍ عَ نِيَ نَ بْشِ بِرِن شُن شَ رَكَنَ. عَلَتَلَ شُي نَن نَ كِ.›» 
«وٌ مَرِفِ عَلَتَلَ يِ نَن مَسٍنشِ؛ ﭑ وٌ شَ كُيٍيٍ كَنَمَ نّ، ﭑ وٌ شَ كُيٍيٍ رَحْنمَ نّ نٌقِ تَا كُي. مَنفّ يٌ مُ لُمَ مِسِرَ بْشِ مَ سْنْن. ﭑ فَاشُي لُمَ نّ نَ بْشِ بِرِن مَ. 
ﭑ ثَتِرٌ سِ شُن نَكَنَمَ نّ، ﭑ تّ دِن سٌوَن نَ، ﭑ تٍبٍسٍ حَشَنكَتَ. 
ﭑ نَ ﭑ مَ شْنّ رَ مِنِمَ نّ سِنِ مَ، مِسِرَ سّنبّ نَ دّننَشّ، ﭑ تٍبٍسٍ شَ حَمَ بِرِن سْنتْ. 
ﭑ تّ سٌمَ نّ مِسِرَ رَ، ﭑ سِنِ رَ سّرّن تْورّ كُي، ﭑ تٍبٍسٍ شُن نَكَنَ، ﭑ نٌقِ سٌ عَ يَشُييٍ يِ رَ. 
عٌنِ نُن ثِ بّسّتِ سْورِيٍ بِرِن قَشَمَ نّ سَنتِدّفّمَ رَ، تَاكَيٍ شَنِنمَ نّ كٌنيِيَ كُي. 
تَثَنشّسِ بِرَ لْشْي شْرْشْمَ نّ مِسِرَ بّ، بَرِ مَ نَ تّمُي، عَ سّنبّ حْنمَ نّ، عَ سّنبّ عَ نُ لَشِ نَشَن نَ. 
ﭑ مِسِرَ حَشَنكَتَمَ نّ، عٍ قَ عَ كٌلٌن عَ ﭑ تَن نَن عَلَتَلَ رَ.» 
عَ حّ قُ نُن كٍرٍن ندٍ، كِكٍ سِنفٍ، شِ سٌلٌقٍرٍ ندٍ رَ، عَلَتَلَ نَشَ عَ مَسٍن ﭑ بّ، عَ نَشّ، 
«عَدَ مَدِ، ﭑ بَرَ مِسِرَ قِرَوُنَ بّلّشّ فِرَ. عَ مُ مَشِرِ مَ، سٍرِ مُ سَمَ عَ مَ، سٍسٍ مُ رَبَمَ عَ يَلَنقٍ رَ، عَ قَ نْ سَنتِدّفّمَ تٌنفٌدٍ. 
وٌ مَرِفِ عَلَتَلَ يِ نَن مَسٍنشِ؛ ﭑ قَقٍ مِسِرَ قِرَوُنَ شِلِ مَ، ﭑ شَ عَ بّلّشّ قِرِنيِيٍ فِرَ، عَ بّلّشّ قَنيِ نُن عَ بّلّشّ كَنَشِ، عَلَكٌ عَ شَ سَنتِدّفّمَ لُ نَا عَبَدَن. 
ﭑ مِسِرَكَيٍ رَيٍنسٍنمَ نّ دُنِحَ بِرِن مَ. 
ﭑ نَ ﭑ مَ سَنتِدّفّمَ سٌمَ نّ بَبِلْن مَنفّ يِ، ﭑ سّنبّ قِ عَ مَ، كْنْ ﭑ قِرَوُنَ بّلّشّيٍ فِرَ مَ نّ، عَ نُونُ عَ يَ عِ عَلْ مِشِ نَشَن نَ قَشَقٍ. 
ﭑ سّنبّ قِمَ نّ بَبِلْن مَنفّ مَ، كْنْ ﭑ قِرَوُنَ تَن بّلّشّيٍ عِفٌرٌ. ﭑ نَ ﭑ مَ سَنتِدّفّمَ سَ بَبِلْن مَنفّ بّلّشّ تّمُي نَشّ، عَ نَشَ عَ عِتٍ مِسِرَ شِلِ مَ، عٍ عَ كٌلٌنمَ نّ عَ ﭑ تَن نَن نَ عَلَتَلَ رَ. 
ﭑ مِسِرَكَيٍ رَيٍنسٍنمَ نّ دُنِحَ بِرِن مَ. نَ تّمُي، عٍ عَ كٌلٌنمَ نّ عَ ﭑ تَن نَن نَ عَلَتَلَ رَ.»