عَننَبِ عٍسٍكِيٍلِ.
40.
مُشُ شَ كٌنيِيَ حّ مْشْحّن نُن سُولِ ندٍ رَ، حّ كِكٍ سِنفٍ رَ، شِ قُ ندٍ رَ، نَشَن نُ عِلَنشِ دَرِ سَلَمُ شَ كَنّ دَنفِ شَنبِ حّ قُ نُن نَانِ ندٍ مَ، نَ لْشْي يَتِ يَتِ، عَلَتَلَ سّنبّ نَشَ فٌرٌ ﭑ مَ، 
عَ ﭑ شَنِن لَامَتُنيِ كِ مَ عِسِرَيِلَ فٍيَ عِتٍشِ ندٍ قَرِ. ﭑ نَشَ تَا ندٍ تٌ كْولَ مَبِرِ. 
عَلَتَلَ تٌ ﭑ شَنِن نَا، ﭑ نَشَ شّمّ ندٍ تٌ، نَشَن قَتٍ نُ يَنبَقٍ عَلْ وُرٍ فبٍيلِ. عَ نُ تِشِ سٌدٍ دّ رَ، لُوتِ نُن مَنِيَ سٍ وُرِ سُشُشِ عَ يِ رَ. 
نَ شّمّ نَشَ عَ قَلَ ﭑ بّ، عَ نَشّ، «عَدَ مَدِ، عِ يَ تِ عَ قَنيِ رَ، عِ تُلِ مَتِ ﭑ شُي رَ. ﭑ قٍ نَشَن بِرِن مَسٍنمَ عِ بّ، عِ شَ عِ حْشْ سَ عَ شْن مَ، بَرِ مَ عِ رَقَشِ نّ بٍ عَلَكٌ عِ شَ نَ كٌلٌن، عِ شَ نَ بِرِن تَفِ رَبَ عِسِرَيِلَ بْنسْي بّ.» 
ﭑ نَشَ تّتّ ندٍ تٌ نَشَن هْرْ مْبَنشِ رَبِلِنشِ. وُرِ مَنِيَ سٍ نُ نَ نَ شّمّ يِ رَ، نَشَن كُيَ نْنفْن يَ سٍننِ عَ نُن سُشُي سٍننِ. عَ نَشَ تّتّ شّلّ شَ مَءِفبٌي نُن عَ شَ مَءِتٍ مَنِيَ، عٍ قِرِنيِ بِرِن لَن نَ وُرِ مَنِيَسٍ يَ كٍرٍن نَن مَ. 
عَ نَشَ سِفَ سٌدٍ دّ رَ، نَشَن يَ رَقِندِشِ سٌفٍتٍدٍ مَ. عَ نَشَ تٍ نَ تٍدٍ رَ نَشٍيٍ نُ نَ عَ يَ رَ، عَ سٌدٍ دّ شَ مَءِتٍ مَنِيَ، نَشَن لَن نَ وُرِ مَنِيَسٍ يَ كٍرٍن مَ. 
هْرْ مْلِنفِرَ كَنتَمَيٍ شَ تٍدٍ نُ نَ سٌدٍ دّ سّيتِ مَ، كَنكَن شَ مَءِتٍ نُن مَءِفبٌي لَن نَ وُرِ مَنِيَسٍ يَ كٍرٍن نَن مَ. شّلّ نَشَن نُ نَ عٍ تَفِ، نَ لَن نْنفْن يَ سُولِ نَن مَ. بُنتُنيِ سٌدٍ دّ شَ مَءِتٍ قَن لَن نَ وُرِ مَنِيَسٍ يَ كٍرٍن نَن مَ، نَشَن يَ نُ رَقِندِشِ هْرْ مْبَنشِ مَ. 
عَ نَشَ بُنتُنيِ مَنِيَ، 
نَشَن شَ كُيّ لَن نْنفْن يَ سٌلٌمَسَشَن مَ، عَ كِنكِيٍ لَن نْنفْن يَ قِرِن مَ. نَ بُنتُنيِ يَ نُ رَقِندِشِ هْرْ مْبَنشِ نَن مَ تّتّ كُي. 
هْرْ مْبَنشِ كَنتَمَيٍ تِدٍ سٍننِ نُ نَ سٌفٍتٍدٍ سٌدٍ دّ سّيتِيٍ مَ، سّيتِ كٍرٍن سَشَن، سّيتِ بٌورٍ قَن سَشَن. نٍيٍ بِرِن شَ مَنِيّ شَسَبِ لَن، عٍ كِنكِيٍ قَن بِرِن شَ مَنِيّ شَسَبِ لَن. 
عَ نَشَ سٌدٍ دّ شَ مَءِفبٌي مَنِيَ، نَشَن لَن نْنفْن قُ مَ، عَ شَ مَءِتٍ لَن نْنفْن قُ نُن سَشَن نَن مَ. 
شّلّ دِ نُ نَ هْرْ مْبَنشِ كَنتَمَيٍ شَ تِدٍيٍ يَ رَ، نَشَن نُ عِتٍ نْنفْن يَ كٍرٍن. نَ تِدٍيٍ شَ مَءِفبٌي نُن عٍ شَ مَءِتٍ لَن نْنفْن يَ سٍننِ نَن مَ. 
عَ نَشَ عَ مَنِيَ كٍلِقٍ كَنتَمَ سِنفٍ شَ تِدٍ شَنبِ رَ، هَن بٌورٍ كَنتَمَ شَ تِدٍ شَنبِ رَ، نَ قَ لَن نْنفْن يَ مْشْحّن نُن سُولِ مَ، كٍلِقٍ يِرٍ قَنيِ مَ، هَن كْولَ مَ. 
عَ نَشَ شّلّ بِرِن مَنِيَ نَ سٌدٍ دّ لٌنفٌرِ هَن تّتّ كُي، نَ لَن نْنفْن يَ تٌنفٌ سٍننِ نَن مَ. 
كٍلِقٍ سٌدٍ دّ رَ، هَن تّتّ كُي بُنتُنيِ شَنبِ رَ، نَ لَن نْنفْن يَ تٌنفٌ سُولِ نَن مَ. 
وُندّرِيٍ نُ نَ نَ شَلّيٍ مَ سٌدٍ دّ مَبِرِ، عَلْ وُندّرِ فبّتّيٍ تٌ نُ نَ شَلّيٍ مَ هْرْ مْبَنشِ مَبِرِ. تُفِ قّنسّيٍ نُ مَسٌلِشِ نَ لٌنفٌرِ بِرِن. 
عَ تٌ ﭑ نَسٌ تّتّ كُي، ﭑ نَشَ يِرٍ تٌنفٌ سَشَن تٌ نَشٍيٍ قَتُشِ تّتّ مَ. 
بْشِ نُ يَءِلَنشِ فّمّ قَنيِيٍ نَن نَ نَشَن شَ مَءِتٍ لَن تّتّ سٌدٍ دّ مَ. 
نَ شّمّ نَشَ عَ مَنِيَ كٍلِقٍ سٌدٍ دّ قْلّ مَ، هَن تّتّ فبّتّ سٌدٍ دّ رَ نَشَن نُ نَ نَ تّتّ سِنفٍ كُي. نَ لَن نْنفْن كّمّ نَن مَ سٌفٍتٍدٍ مَبِرِ نُن كْولَ مَبِرِ. 
نَ تّمُي، نَ شّمّ نَشَ تّتّ سٌدٍ دّ مَنِيَ نَشَن نُ نَ كْولَ مَبِرِ. 
هْرْ مْبَنشِ كَنتَمَيٍ تِدٍيٍ قَن نُ نَ مّننِ عَلْ بٌورٍ سٌدٍ دّيٍ رَ. سَشَن نُ نَ سّيتِ كٍرٍن، سَشَن نُ نَ بٌورٍ سّيتِ. نَ شَ مَءِتٍ لَن نْنفْن تٌنفٌ سُولِ نَن مَ، عَ مَءِفبٌي لَن نْنفْن مْشْحّن نُن سُولِ نَن مَ. 
عَ شَ وُندّرِيٍ، عَ شَ بُنتُنيِ، عَ شَ تُفِ قّنسّ نَشٍيٍ مَسٌلِشِ عَ مَ، نٍيٍ نُن سٌفٍتٍدٍ سٌدٍ دّ شَ مَنِيّ شَسَبِ لَن. سَنتِدٍ سٌلٌقٍرٍ نَن نُ نَ عَ بّ تٍدٍ رَ، عَ شَ بُنتُنيِ نُ نَ نٍيٍ نَن يَ عِ. 
تّتّ قِرِن ندٍ سٌدٍ دّ نُ نَ تّتّ سِنفٍ سٌدٍ دّ نَن يَ رَ كْولَ نُن سٌفٍتٍدٍ مَبِرِ. نْنفْن يَ كّمّ نُ نَ عٍ تَفِ. 
نَ تّمُي، نَ شّمّ نَشَ ﭑ شَنِن تّتّ سٌدٍ دّ يِرٍقَنيِ مَبِرِ. مّننِ شَ مَنِيّ شَسَبِ لَن بٌورٍ سٌدٍ دّيٍ شَ مَنِيّ نَن مَ. 
وُندّرِيٍ نُ نَ نَ سٌدٍ دّ نُن عَ شَ بُنتُنيِ بّ عٍ رَبِلِنيِ بِرِن مَ، عَلْ بٌورٍ سٌدٍ دّيٍ. نَ سٌدٍ دّ نُ عِتٍ نْنفْن يَ تٌنفٌ سُولِ، عَ نُ عِفبٌ نْنفْن يَ مْشْحّن نُن سُولِ. 
سَنتِدٍ سٌلٌقٍرٍ نَن نُ نَ عَ بّ تٍدٍ رَ، عَ شَ بُنتُنيِ نُ نَ نٍيٍ نَن يَ عِ. تُفِ قّنسّيٍ نُ مَسٌلِشِ عَ كِنكِيٍ سّيتِ بِرِن مَ. 
تّتّ قِرِن ندٍ سٌدٍ دّ قَن نُ نَ يِرٍقَنيِ مَبِرِ. كٍلِقٍ نَ سٌدٍ دّ مَ هَن نَ تّتّ سِنفٍ سٌدٍ دّ يِرٍقَنيِ مَبِرِ، عَ لَن نْنفْن يَ كّمّ نَن مَ. 
نَ تّمُي، نَ شّمّ نَشَ ﭑ شَنِن نَ تّتّ قِرِن ندٍ كُي نَشَن نُ نَ بٌورٍ تّتّ كُي. عَ نَشَ ﭑ نَسٌ نَ يِرٍقَنيِ سٌدٍ دّ رَ. عَ نَشَ نَ مَنِيَ. عَ تَن نُن سٌدٍ دّ بٌورٍيٍ بِرِن نُ لَن. 
عَ كَنتَمَيٍ تِدٍيٍ، عَ شَ كِنكِيٍ، نُن عَ شَ بُنتُنيِ شَ مَنِيّ شَسَبِ لَن بٌورٍيٍ شَسَبِ نَن مَ. وُندّرِيٍ نُ نَ نَ سٌدٍ دّ نُن عَ شَ بُنتُنيِ بِرِن نَبِلِنيِ رَ. كٍلِقٍ نَ سٌدٍ دّ قْلّ مَ، هَن تّتّ كُي لَن نْنفْن يَ تٌنفٌ سُولِ نَن مَ، عَ عِفبٌي لَن نْنفْن يَ مْشْحّن نُن سُولِ نَن مَ. 
بُنتُنيِ نَشٍيٍ نُ نَ نَ تّتّ قِرِن ندٍ كُي، عٍ شَ مَءِفبٌي لَن نْنفْن يَ مْشْحّن نُن سُولِ نَن مَ، عٍ شَ مَءِتٍ لَن نْنفْن يَ سُولِ نَن مَ. 
نَ بُنتُنيِ يَ نُ رَقِندِشِ تّتّ سِنفٍ نَن مَ. تُفِ قّنسّيٍ نُ مَسٌلِشِ عٍ كِنكِيٍ مَ، تٍدٍ سٌلٌمَسَشَن نَن نُ نَ عٍ بّ. 
نَ تّمُي، نَ شّمّ نَشَ ﭑ شَنِن يِ تّتّ قِرِن ندٍ سٌدٍ دّ رَ نَشَن نُ نَ سٌفٍتٍدٍ مَبِرِ. عَ نَشَ نَ مَنِيَ. عَ تَن نُن سٌدٍ دّ بٌورٍيٍ بِرِن نُ لَن. 
عَ كَنتَمَيٍ تِدٍيٍ، عَ شَ كِنكِيٍ، نُن عَ شَ بُنتُنيِ شَ مَنِيّ نُ لَنشِ بٌورٍيٍ شَ مَنِيّ نَن مَ. وُندّرِيٍ نُ نَ نَ سٌدٍ دّ نُن عَ شَ بُنتُنيِ رَبِلِنيِ بِرِن مَ. عَ شَ مَءِفبٌي لَن نْنفْن يَ مْشْحّن نُن سُولِ نَن مَ، عَ شَ مَءِتٍ لَن نْنفْن يَ سُولِ نَن مَ. 
نَ بُنتُنيِ يَ نُ رَقِندِشِ تّتّ سِنفٍ نَن مَ. تُفِ قّنسّيٍ نُ مَسٌلِشِ عٍ كِنكِيٍ مَ، تٍدٍ سٌلٌمَسَشَن نَن نُ نَ عٍ بّ. 
نَ تّمُي، نَ شّمّ نَشَ ﭑ شَنِن يِ تّتّ قِرِن ندٍ سٌدٍ دّ رَ، نَشَن نُ نَ كْولَ مَبِرِ. عَ نَشَ نَ مَنِيَ. عَ تَن نُن سٌدٍ دّ بٌورٍيٍ بِرِن نُ لَن. 
عَ كَنتَمَيٍ تِدٍيٍ، عَ شَ كِنكِيٍ، نُن عَ شَ بُنتُنيِ شَ مَنِيّ نُ لَنشِ بٌورٍيٍ شَ مَنِيّ نَن مَ. وُندّرِيٍ نُ نَ نَ سٌدٍ دّ نُن عَ شَ بُنتُنيِ رَبِلِنيِ بِرِن مَ. عَ شَ مَءِفبٌي لَن نْنفْن يَ مْشْحّن نُن سُولِ نَن مَ، عَ شَ مَءِتٍ لَن نْنفْن يَ سُولِ نَن مَ. 
نَ بُنتُنيِ يَ نُ رَقِندِشِ تّتّ سِنفٍ نَن مَ. تُفِ قّنسّيٍ نُ مَسٌلِشِ عٍ كِنكِيٍ مَ، تٍدٍ سٌلٌمَسَشَن نَن نُ نَ عٍ بّ. 
يِرٍ ندٍ نُ نَ كَنكَن شَ سٌدٍ دّ رَ، شُرُ سٍ نَشٍيٍ بَمَ سّرّشّ فَن دَاشِ رَ، نٍيٍ نُ مَشَمَ مّننِ نّ. 
تٍيبِلِيٍ نُ نَ سٌدٍ دّ بُنتُن قِرِنيِ كُي، قِرِن نُ نَ سّيتِ كٍرٍن مَ، قِرِن نُ نَ بٌورٍ سّيتِ قَن مَ. شُرُ سٍيٍ كْن نَشَبَمَ نَ تٍيبِلِيٍ نَن قَرِ، نَشٍيٍ قِندِ سّرّشّ فَن دَاشِ رَ، يُنُبِ شَقَرِ سّرّشّ رَ. 
تٍيبِلِ فبّتّيٍ نُ نَ سٌدٍ دّ تٍدٍ سّيتِيٍ مَ، قِرِن سّيتِ كٍرٍن، قِرِن بٌورٍ سّيتِ قَن مَ، تّتّ قَرِ مَ بُنتُنيِ كُي. 
نَ نَن عَ رَ تٍيبِلِ نَانِ نُ نَ سٌدٍ دّ سّيتِ كٍرٍن نَ، نَانِ نُ نَ بٌورٍ سّيتِ رَ. شُرُ سٍيٍ نُ رَقَلَمَ نَ تٍيبِلِيٍ نَن قَرِ بٍينُن عٍ شَ بَ سّرّشّ رَ. 
نَ تٍيبِلِ نَانِيٍ نُ يَءِلَنشِ فّمّيٍ نَن نَ، عٍ نُ كُيَ نْنفْن يَ كٍرٍن نُن عَ تَفِ، عٍ نُ عِفبٌ نْنفْن يَ كٍرٍن. يِرَبَسٍيٍ نُ سَمَ نٍيٍ نَن قَرِ، نَشٍيٍ نُ لَنمَ عٍ شَ رَوَلِ شُرُ سٍ رَقَلَقٍ رَ نَشٍيٍ نُ قِندِ مَ سّرّشّ فَن دَاشِيٍ نُن سّرّشّ مْولِ فبّتّيٍ رَ. 
وُرٍيٍ نُ نَ بَنشِ شّلّ مَ شُرُ سٍيٍ نُ فبَكُمَ دّننَشّ، عٍ سُبٍ سَ تٍيبِلِيٍ قَرِ. 
تّتّ قِرِن ندٍ سٌدٍ دّ سّيتِ قِرِنيِيٍ مَ، يِرٍ ندٍ نُ نَ نَشَن يَ رَقِندِشِ يِرٍقَنيِ مَ، يِرٍ ندٍ قَن نُ نَ نَشَن يَ رَقِندِشِ كْولَ مَ. 
نَ شّمّ نَشَ عَ قَلَ ﭑ بّ، عَ نَشّ؛ «يِرٍ نَشَن يَ رَقِندِشِ يِرٍقَنيِ مَ، نَ قِندِشِ سّرّشّدُبّيٍ فبٍ نَن نَ، نَشٍيٍ هْرْ مْبَنشِ مَكَنتَمَ. 
يِرٍ نَشَن يَ رَقِندِشِ كْولَ مَ، نَ قِندِشِ سّرّشّدُبّيٍ فبٍ نَن نَ، نَشٍيٍ سّرّشّبَدٍ مَكَنتَمَ. نٍيٍ قِندِ سَدْكِ شَ دِيٍ نَن نَ، نَشٍيٍ قِندِ لٍوِ بْنسْي مِشِ رَ، نَشٍيٍ فبَنسَن لَن عٍ شَ مَكْرّ عَلَتَلَ يِرٍ رَ عٍ شَ وَلِ كُي.» 
نَ شّمّ نَشَ تّتّ مَنِيَ. عَ شَ كُيّ لَن نْنفْن يَ كّمّ نَن مَ، عَ شَ فبٌي قَن لَن نْنفْن يَ كّمّ نَن مَ. سّرّشّبَدٍ نُ تِشِ هْرْ مْبَنشِ نَن يَتَفِ. 
نَ شّمّ نَشَ ﭑ شَنِن هْرْ مْبَنشِ شَ بُنتُنيِ رَ. عَ نَشَ بُنتُنيِ شّلّ بُن سٍ مَنِيَ. كٍرٍن لَن نْنفْن يَ سُولِ نَن مَ، بٌورٍ قَن نَشَ لَن نْنفْن يَ سُولِ مَ. سٌدٍ دّ شَ فبٌي لَن نْنفْن يَ قُ نُن نَانِ نَن مَ. بَنشِ شّلّ نَشٍيٍ نُ نَ نَ سّيتِ قِرِنيِيٍ مَ لَن نْنفْن يَ سَشَن نَن مَ. 
نَ بُنتُنيِ شَ مَءِفبٌي لَن نْنفْن يَ مْشْحّن نَن مَ، عَ شَ مَءِتٍ لَن نْنفْن يَ قُ نُن قِرِن نَن مَ. تٍدٍيٍ نُ نَ عَ بّ. كِنكِ قِرِن نُ تِشِ بُنتُنيِ شّلّ سّيتِيٍ مَ.