عَننَبِ عٍسٍكِيٍلِ.
48.
«بْنسْييٍ شِلِيٍ نَن يَ؛ دَنَ بْنسْي شَ بْشِ نَ كْولَ مَبِرِ نّ شٍتٍلٌن كِرَ رَ، كٍلِقٍ لٍبٌ شَمَتَ، عَ سَ دْشْ شَسَرِ عٍنَن رَ، نَشَن نَ دَ مَسِ نُن شَمَتَ نَانِنيِ رَ كْولَ مَبِرِ. عَ كٍلِ نَانِنيِ رَ نَشَن نَ سٌفٍتٍدٍ مَبِرِ هَن بَا شُنفبٍ.» 
«عَسٍرِ بْنسْي شَ بْشِ نَ دَنَ بْنسْي شَ بْشِ نَانِنيِ سّيتِ نَن نَ، كٍلِقٍ سٌفٍتٍدٍ نَانِنيِ مَ هَن سٌفٍفٌرٌدٍ نَانِنيِ.» 
«نَقَتَلِ بْنسْي شَ بْشِ نَ عَسٍرِ بْنسْي شَ بْشِ نَانِنيِ سّيتِ نَن نَ، كٍلِقٍ سٌفٍتٍدٍ هَن سٌفٍفٌرٌدٍ.» 
«مَنَسِ بْنسْي شَ بْشِ نَ نَقَتَلِ بْنسْي شَ بْشِ نَانِنيِ سّيتِ نَن نَ، كٍلِقٍ سٌفٍتٍدٍ هَن سٌفٍفٌرٌدٍ.» 
«عٍقِرَ مِ بْنسْي شَ بْشِ نَ مَنَسِ بْنسْي شَ بْشِ نَانِنيِ سّيتِ نَن نَ، كٍلِقٍ سٌفٍتٍدٍ هَن سٌفٍفٌرٌدٍ.» 
«رُبٍن بْنسْي شَ بْشِ نَ عٍقِرَ مِ بْنسْي شَ بْشِ نَانِنيِ سّيتِ نَن نَ، كٍلِقٍ سٌفٍتٍدٍ هَن سٌفٍفٌرٌدٍ.» 
«يُدَ بْنسْي شَ بْشِ نَ رُبٍن بْنسْي شَ بْشِ نَانِنيِ سّيتِ نَن نَ، كٍلِقٍ سٌفٍتٍدٍ هَن سٌفٍفٌرٌدٍ.» 
«يِرٍ سّنِيّنشِ نَ يُدَ بْنسْي شَ بْشِ نَانِنيِ سّيتِ نَن نَ، كٍلِقٍ سٌفٍتٍدٍ هَن سٌفٍفٌرٌدٍ. نَ بْشِ شَ فبٌي نْنفْن يَ وُلُ مْشْحّن نُن سُولِ، عَ كُيَ كٍلِقٍ سٌفٍتٍدٍ نَانِنيِ هَن سٌفٍفٌرٌدٍ نَانِنيِ. عَلَتَلَ شَ هْرْ مْبَنشِ تِشِ عَ تَفِ.» 
«نَ يِرٍ سّنِيّنشِ نَشَن سَمَ عَ شَتِ مَ عَلَتَلَ بّ، عَ شَ كُيّ لَنمَ نْنفْن يَ وُلُ مْشْحّن نُن سُولِ نَن مَ، عَ شَ فبٌي لَنمَ نْنفْن يَ وُلُ قُ نَن مَ. 
سّرّشّدُبّيٍ لُمَ نَ يِرٍ سّنِيّنشِ نَن كُي، نَشَن شَ كُيّ لَنمَ نْنفْن يَ وُلُ مْشْحّن نُن سُولِ مَ كْولَ بِرِ رَ، عَ شَ فبٌي نْنفْن يَ وُلُ قُ سٌفٍفٌرٌدٍ بِرِ رَ، عَ شَ فبٌي سٌفٍتٍدٍ بِرِ رَ نْنفْن يَ وُلُ قُ، عَ شَ كُيّ يِرٍقَنيِ بِرِ رَ نْنفْن يَ وُلُ مْشْحّن نُن سُولِ. عَلَتَلَ شَ هْرْ مْبَنشِ تِمَ نَ يِرٍ سّنِيّنشِ نَن تَفِ. 
مّننِ قِندِ مَ سّرّشّدُبّيٍ نَن فبٍ رَ، نَشٍيٍ سُفَندِشِ سَدْكِ بْنسْي يَ مَ. عٍ نُ ﭑ نَبَتُمَ عَ قَنيِ رَ، عٍ مُ ﭑ يَنقَ عَلْ لٍوِ بْنسْي مِشِ فبّتّ نَشٍيٍ عٍ مَكُيَ ﭑ نَ عِسِرَيِلَكَيٍ مُرُتَ تّمُي. 
نَ يِرٍ سّنِيّنشِ سَشِ عَ شَتِ مَ عٍ تَن نَن بّ لٍوِ بْنسْي شَ يِرٍ سّيتِ مَ.» 
«نَ يِرٍ شَ كُيّ نْنفْن يَ وُلُ مْشْحّن نُن سُولِ، عَ شَ فبٌي نْنفْن يَ وُلُ قُ، سّرّشّدُبّيٍ شَ بْشِ. 
عَ مُ لَنمَ عٍ شَ نَ بْشِ مَتِ، عَ مُ لَنمَ عٍ شَ نَ مَسَرَ بْشِ فبّتّ رَ، عَ مُ لَنمَ عٍ شَ نَ قِ مِشِ يٌ مَ، بَرِ مَ بْشِ هَفِفّ نَ عَ رَ نَشَن سّنِيّنشِ عَلَتَلَ بّ.» 
«بْشِ نَشَن لُشِ، نَشَن شَ فبٌي لَنمَ نْنفْن يَ وُلُ سُولِ مَ، عَ شَ كُيّ نْنفْن يَ وُلُ مْشْحّن نُن سُولِ، نَ قِندِ مَ تَا فبٍ نَن نَ بَنشِيٍ نُن مّرّ لُمَ دّننَشّ. تَا يَتِ لُمَ نّ نَ بْشِ تَفِ. 
نَ بْشِ سّيتِ نَانِيٍ بِرِن لَن نْنفْن يَ وُلُ نَانِ يَ كّمّ سُولِ نَن مَ، عَ كْولَ سّيتِ، عَ يِرٍقَنيِ سّيتِ، عَ سٌفٍتٍدٍ سّيتِ، نُن عَ سٌفٍفٌرٌدٍ سّيتِ. 
نَ بْشِ نَشَن لُمَ تَا سّيتِ رَ، نَ بْشِ سّيتِ نَانِيٍ قَن بِرِن لَن نْنفْن يَ كّمّ قِرِن يَ تٌنفٌ سُولِ نَن مَ، عَ كْولَ سّيتِ، عَ يِرٍقَنيِ سّيتِ، عَ سٌفٍتٍدٍ سّيتِ، نُن عَ سٌفٍفٌرٌدٍ سّيتِ. 
بْشِ دْنشْي نَشَن لُمَ بْشِ سّنِيّنشِ شَ كُيّ سّيتِ قِرِنيِ رَ، نَشَن نْنفْن يَ وُلُ قُ لِمَ عَ سٌفٍتٍدٍ نُن عَ سٌفٍفٌرٌدٍ، نَ قِندِ مَ مّرّ نَن نَ تَا وَلِكّيٍ بّ، 
نَشٍيٍ كٍلِمَ عِسِرَيِلَ بْنسْييٍ بِرِن مَ. 
نَ بْشِ بِرِن شَ كُيّ لَنمَ نْنفْن يَ وُلُ مْشْحّن يَ وُلُ سُولِ نَن مَ، عَ شَ فبٌي قَن لَنمَ نْنفْن يَ وُلُ مْشْحّن يَ وُلُ سُولِ نَن مَ. نَ بِرِن سَشِ عَ شَتِ نَن مَ تَا نُن هْرْ مْبَنشِ شَ قٍ رَ.» 
«بْشِ نَشَن نَ يِرٍ سّنِيّنشِ نُن تَا سّيتِ رَ، نَ قِندِ مَ مَنفّ نَن فبٍ رَ. عَ كٍلِمَ بْشِ سّنِيّنشِ نّ، نَشَن كُيَ نْنفْن يَ وُلُ مْشْحّن نُن سُولِ سٌفٍتٍدٍ مَبِرِ، عَ سِفَ هَن عِسِرَيِلَ نَانِنيِ سٌفٍتٍدٍ مَبِرِ. عَ مَن كٍلِمَ بْشِ سّنِيّنشِ نّ نَشَن كُيَ نْنفْن يَ وُلُ مْشْحّن نُن سُولِ سٌفٍفٌرٌدٍ مَبِرِ، عَ سِفَ هَن عِسِرَيِلَ نَانِنيِ سٌفٍتٍدٍ مَبِرِ. نَ بْشِ لُمَ عِسِرَيِلَ بْنسْييٍ شَ بْشِ سّيتِ نَن نَ. يِرٍ سّنِيّنشِ نُن هْرْ مْبَنشِ لُمَ نَ بْشِ نَن تَفِ. 
نَ كُي، تَا يِرٍ نُن لٍوِ بْنسْي شَ بْشِ لُمَ مَنفّ شَ بْشِ نَن تَفِ، نَشَن نَ يُدَ بْنسْي نُن بُنيَمِن بْنسْي شَ نَانِنيِيٍ سّيتِ رَ.» 
«بُنيَمِن بْنسْي شَ بْشِ نَ يُدَ بْنسْي شَ بْشِ نَانِنيِ سّيتِ نَن نَ، كٍلِقٍ سٌفٍتٍدٍ هَن سٌفٍفٌرٌدٍ.» 
«سِمٍيْن بْنسْي شَ بْشِ نَ بُنيَمِن بْنسْي شَ بْشِ نَانِنيِ سّيتِ نَن نَ، كٍلِقٍ سٌفٍتٍدٍ هَن سٌفٍفٌرٌدٍ.» 
«عِسَكَرِ بْنسْي شَ بْشِ نَ سِمٍيْن بْنسْي شَ بْشِ نَانِنيِ سّيتِ نَن نَ، كٍلِقٍ سٌفٍتٍدٍ هَن سٌفٍفٌرٌدٍ.» 
«سَبُلٌن بْنسْي شَ بْشِ نَ عِسَكَرِ بْنسْي شَ بْشِ نَانِنيِ سّيتِ نَن نَ، كٍلِقٍ سٌفٍتٍدٍ هَن سٌفٍفٌرٌدٍ.» 
«فَدِ بْنسْي شَ بْشِ نَ سَبُلٌن بْنسْي شَ بْشِ نَانِنيِ سّيتِ نَن نَ، كٍلِقٍ سٌفٍتٍدٍ هَن سٌفٍفٌرٌدٍ.» 
«فَدِ بْنسْي شَ بْشِ شَ نَانِنيِ يِرٍقَنيِ مَبِرِ، عَ كٍلِمَ تَمَرِ نّ هَن مٍرِبَ كَدٍ سِ شَ يٍ يِرٍ، مِسِرَ شُرٍ فٌرٌ مَ بَا شُنفبٍ مَ دّننَشّ.» 
«بْشِ نَن يِ كِ، وٌ قَمَ نَشَن عِتَشُندٍ عِسِرَيِلَ بْنسْييٍ مَ، عَ شَ قِندِ عٍ كّ رَ. وٌ مَرِفِ عَلَتَلَ شُي نَن نَ كِ.» 
«تَا سٌدٍ دّيٍ شِلِيٍ نَن يِ كِ؛ نَادّ نَشٍيٍ نَ تَا كْولَ سّيتِ، نَشَن كُيَ نْنفْن يَ وُلُ نَانِ كّمّ سُولِ، 
عِسِرَيِلَ بْنسْي رُبٍن، يُدَ، نُن لٍوِ شِلِيٍ نَن سَمَ عٍ شُن مَ.» 
«نَادّ نَشٍيٍ نَ تَا سٌفٍتٍدٍ سّيتِ، نَشَن كُيَ نْنفْن يَ وُلُ نَانِ كّمّ سُولِ، عِسِرَيِلَ بْنسْي يُسُقُ، بُنيَمِن، نُن دَنَ شِلِيٍ نَن سَمَ نَ نَادّ سَشَنيِ شُن مَ.» 
«نَادّ نَشٍيٍ نَ تَا يِرٍقَنيِ سّيتِ، نَشَن كُيَ نْنفْن يَ وُلُ نَانِ كّمّ سُولِ، عِسِرَيِلَ بْنسْي سِمٍيْن، عِسَكَرِ، نُن سَبُلٌن شِلِيٍ نَن سَمَ نَ نَادّ سَشَنيِ شُن مَ.» 
«نَادّ نَشٍيٍ نَ تَا سٌفٍفٌرٌدٍ سّيتِ، نَشَن كُيَ نْنفْن يَ وُلُ نَانِ كّمّ سُولِ، عِسِرَيِلَ بْنسْي فَدِ، عَسٍرِ، نُن نَقَتَلِ شِلِيٍ نَن سَمَ نَ نَادّ سَشَنيِ شُن مَ.» 
«تَا رَبِلِنيِ لَنمَ نْنفْن يَ وُلُ قُ نُن سٌلٌمَسَشَن نَن مَ. قْلْقٍ نَ لْشْي مَ، نَ تَا شِلِ قَلَمَ نّ، ‹عَلَتَلَ نَ مّننِ.›»