عَننَبِ هٌسٍ.
5.
«سّرّشّدُبّيٍ، وٌ يِ رَ مّ. عِسِرَيِلَكَيٍ، وٌ عَ مَتٌ. مَنفّ شَ دٍنبَيَ، وٌ وٌ تُلِ مَتِ. كِيتِ نَ وٌن تَفِ، بَرِ مَ وٌ بَرَ قِندِ فَنتَنيِ رَ مِسِثَ، وٌ بَرَ قِندِ يّلّ رَ تَبٌرٌ فٍيَ قَرِ. 
وٌ نَ مِشِ نَن تُن مَقَشَقٍ يِ كِ، ﭑ شَ ﭑ يَشَسٍرِ مَسَ وٌ بّ.» 
«ﭑ عٍقِرَ مِ كٌلٌن، عِسِرَيِلَ مُ نْشُنشِ ﭑ مَ. عٍقِرَ مِ نَ لَنفٌيحَ رَبَقٍ، عِسِرَيِلَ قَن بَرَ سٌ سّنِيّنتَرٍحَ كُي. 
عٍ شَ قٍ كٌبِيٍ بَرَ عٍ مَكُيَ عٍ مَرِفِ عَلَ رَ. لَنفٌيحَ شَشِلِ بَرَ لُ عٍ يَ مَ. عٍ مُ عَلَتَلَ كٌلٌن. 
عِسِرَيِلَ شَ يّتّ عِفبٌيَ نَن عَ نِيَمَ عٍ شَ بِرَ، عٍ نُن عٍقِرَ مِ. يُدَيَ قَن بِرَ مَ نّ عٍ شَ يُنُبِ سَابُي رَ. 
عٍ شُرُ سٍيٍ شَنِنمَ سّرّشّ رَ، عٍ شَ عَلَتَلَ قٍن، كْنْ عٍ مُ عَ تٌمَ بَرِ مَ عَ مَكُيَ عٍ رَ. 
عٍ بَرَ عَلَتَلَ يَنقَ، عٍ حّنفّ دِيٍ بَرِ. بٍينُن كِكٍ كٍرٍن، عٍ شَ بْشِ قَمَ نّ كَنَدٍ، عٍ قَ هَلَكِ.» 
«وٌ سَرَ قٍ فِبِيَ. وٌ شَ عَ قٍ رَ مَ. وٌ فٍرٍ سْنشْي عِتٍ بٍتِ عَوٍنِ. بُنيَمِنكَيٍ، يَشُييٍ نَ وٌ شَنبِ رَ. 
عٍقِرَ مِ حَشَنكَتَمَ نّ نَ لْشْي. عِسِرَيِلَ بْنسْي، ﭑ شَ نْندِ مَسٍن وٌ بّ.» 
«يُدَيَ كُنتِفِيٍ قَمَ نّ ﭑ مَ شْنّ كٌلٌندٍ، بَرِ مَ عٍ عِقُ بْشِ نَانِنيِيٍ مَ. 
عٍقِرَ مِكَيٍ قَن قَمَ نّ حَشَنكَتَدٍ، بَرِ مَ عٍ بِرَشِ عٍ يّتّ وَشْنقٍ نَن قْشْ رَ. 
ﭑ قِندِ مَ سُورِ نَن نَ عٍقِرَ مِ بْنسْي بّ، ﭑ لُ يُدَ بْنسْي بّ عَلْ قِ حَاشِ. 
عٍقِرَ مِ نُن يُدَيَ عَ كٌلٌن عٍ قُرَشِ. عٍقِرَ مِ سِفَمَ عَسِرِيَ، عَ شّيرَيٍ شّيمَ نَا مَنفّ شُنفبٍ شْن مَ، كْنْ عَ مُ نْمَ وٌ رَيَلَندٍ، عَ مُ نْمَ وٌ شَ قِيٍ بَرِدٍ. 
ﭑ لُمَ نّ عَلْ يّتّ عٍقِرَ مِ بّ، عَلْ يّتّ يْرّ يُدَيَ بّ. ﭑ نٍيٍ عِبْو مَ نّ، ﭑ سِفَ عٍ رَ، مِشِ يٌ مُ عٍ بَمَ ﭑ يِ. 
ﭑ شَ فبِلٍن ﭑ شْنيِ، هَن عٍ شَ عٍ شَ يُنُبِ كٌلٌن، عٍ قَ ﭑ قٍن. عٍ قَمَ نّ ﭑ قٍندٍ عٍ شَ تْورّ كُي.»