عَلَ شَ مَسٍنيِ عَننَبِ عَمٌسِ بّ.
1.
عَننَبِ عَمٌسِ، تٍكٌوَكَ شُرُ سٍ كَنيِ، نَشَ لَامَتُنيِ تٌ عِسِرَيِلَ شَ قٍ رَ يُدَيَ مَنفّ يُسِيَ نُن عِسِرَيِلَ مَنفّ يٍرٌبٌوَ مِ، يٌوَ سِ شَ دِ شَ وَشَتِ، حّ قِرِن بٍينُن بْشِ شَ سّرّن. عَننَبِ عَمٌسِ شَ مَسٍنيِ نَن يَ؛ 
«عَلَتَلَ عَ شَاحّ شُي رَ مِنِمَ سِيٌنِ مَ عَلْ يّتّ، عَ عَ شُي عِتٍشِ رَ مِنِمَ كٍلِ دَرِ سَلَمُ. سّشّ مُ نَ قِيلِيٍ مَ شُرُ سٍيٍ نَشَن دٌنمَ، كَرٍ مٍلٍ فٍيَ قَن بَرَ شَرَ.» 
عَلَتَلَ نَشَ عَ مَسٍن، «دَ مَسِ شَ يُنُبِ رَبَشِ سَشَنيِ، شَ نَ مُ عَ رَ نَانِ شَ قٍ رَ، ﭑ مُ فبِلٍنمَ ﭑ مَ نَتّ قْشْ رَ. عٍ بَرَ فَلَدِ كَنَ عَ حَاشِ رَ، عَلْ بْشِ بُشَمَ كِ نَشّ. 
ﭑ تّ دِنمَ شَسَيٍلِ شَ بَنشِ رَ نَ نَن مَ. نَ تّ نَن قَمَ بٍن هَدَدَ شَ يِرٍ مَكَنتَشِيٍ فَندٍ. 
ﭑ دَ مَسِ شَ نَادّ بَلَن سٍ فِرَ مَ نّ. ﭑ عَوٍنِكَيٍ هَلَكِمَ نّ فُلُنبَ كُي، عَ نُن مَنفّ نَشَن نَ بٍتِ عٍدٍن. سِرِيَ حَمَ شَنِنمَ نّ كِرِيَ كٌنيِيَ كُي.» عَلَتَلَ شَ مَسٍنيِ نَن نَ كِ. 
عَلَتَلَ نَشَ عَ مَسٍن، «فَسَ شَ يُنُبِ رَبَشِ سَشَنيِ، شَ نَ مُ عَ رَ نَانِ شَ قٍ رَ، ﭑ مُ فبِلٍنمَ ﭑ مَ نَتّ قْشْ رَ. عٍ بَرَ تَا ندٍيٍ شَ حَمَ بِرِن شَنِن عٍدٌن كٌنيِيَ كُي. 
ﭑ تّ دِنمَ فَسَ تّتّ رَ نَ نَن مَ. نَ قَمَ نّ عَ يِرٍ مَكَنتَشِيٍ فَندٍ. 
ﭑ عَسِدٌدِكَيٍ هَلَكِمَ نّ، عَ نُن مَنفّ نَشَن نَ عَسِكَلْن. ﭑ عٍكِرٌن حَشَنكَتَمَ نّ، قِلِسِتَكَيٍ بِرِن قَشَمَ نّ.» مَرِفِ عَلَتَلَ شَ مَسٍنيِ نَن نَ كِ. 
عَلَتَلَ نَشَ عَ مَسٍن، «تِرٍ شَ يُنُبِ رَبَشِ سَشَنيِ، شَ نَ مُ عَ رَ نَانِ شَ قٍ رَ، ﭑ مُ فبِلٍنمَ ﭑ مَ نَتّ قْشْ رَ. عٍ بَرَ تَا ندٍيٍ شَ حَمَ بِرِن شَنِن عٍدٌن كٌنيِيَ كُي، عٍ سَاتّ كَنَ عٍ نَشَن تٌنفٌ عٍ نُن عٍ نفَشَكٍرٍنيِ عِسِرَيِلَكَيٍ تَفِ. 
ﭑ تّ دِنمَ تِرٍ تّتّ رَ نَ نَن مَ. نَ تّ قَمَ نّ عَ يِرٍ مَكَنتَشِيٍ فَندٍ.» 
عَلَتَلَ نَشَ عَ مَسٍن، «عٍدٌن شَ يُنُبِ رَبَشِ سَشَنيِ، شَ نَ مُ عَ رَ نَانِ شَ قٍ رَ، ﭑ مُ فبِلٍنمَ ﭑ مَ نَتّ قْشْ رَ. عٍ بَرَ عٍ نفَشَكٍرٍنيِيٍ فٍرٍ سَنتِدّفّمَ رَ. عٍ مُ كِنِكِنِ عٍ مَ، عٍ شَ شْنّ شُن نَن تُن مَسَمَ. 
ﭑ تّ دِنمَ نّ تٍمَن نَ. نَ تّ نَن قَمَ بٌسَرَ يِرٍ مَكَنتَشِيٍ فَندٍ.» 
عَلَتَلَ نَشَ عَ مَسٍن، «عَمٌنِكَيٍ شَ يُنُبِ رَبَشِ سَشَنيِ، شَ نَ مُ عَ رَ نَانِ شَ قٍ رَ، ﭑ مُ فبِلٍنمَ ﭑ مَ نَتّ قْشْ رَ. عٍ بَرَ فَلَدِ فِنّ قُرُشِيٍ قُرِيٍ رَبْو سَنتِدّفّمَ رَ، عَلَكٌ عٍ شَ بْشِ شُن شَ مَسَ. 
ﭑ تّ رَدّشّمَ رَابَ تّتّ رَ نَ نَن مَ. نَ تّ نَن قَمَ عَ يِرٍ مَكَنتَشِيٍ فَندٍ. 
عٍ شَ مَنفّ نُن عَ شَ كُنتِفِيٍ قَمَ نّ شَنِندٍ كٌنيِيَ كُي، فٍرٍ سْنشْي رَتٍ فٍرٍ سٌ لْشْي، تُرُننَادّ قٌيٍ مِنِ شُي لْشْي.» عَلَ شَ مَسٍنيِ نَن نَ كِ.