عَننَبِ هَبَكُكُ.
2.
«ﭑ قَ تِمَ تّتّ نَن قَرِ. ﭑ شَ مَمّ تِ. ﭑ شَ عَ كٌلٌن عَ نَشَن مَسٍنمَ ﭑ بّ، عَ ﭑ مَ يَشَسٍرِ مَسَ يَابِمَ كِ نَشّ.» 
عَلَتَلَ نَشَ ﭑ يَابِ يِ مَسٍنيِ رَ؛ «عِ شَ ﭑ مَ مَسٍنيِ سّبّ، عِ شَ عَ سّبّ عَ قَنيِ رَ وَلَشّيٍ مَ، عَلَكٌ نَشٍيٍ عَ شَرَنمَ، عٍ شَ نْ بِرَدٍ عَ قْشْ رَ سّنبّ رَ. 
يِ مَسٍنيِ كَمَلِ وَشَتِ قَقٍ، عَ مُ كَنَمَ، وُلٍ مُ عَ رَ. شَ عِ عَ تٌ عَ تَاشِرِ مَ كَمَلِدٍ، عِ شَ مَمّ تِ. عَ كَمَلِقٍ مُ بُمَ.» 
«يّتّ عِفبٌي مَتٌ. عَ وَشْنقٍ مُ تِنشِن، كْنْ تِنشِنتْي تَن كِسِمَ عَ شَ دَنشَنِيَ نَن سَابُي رَ. 
بٍيرٍ مِشِ مَيَنقَمَ. يّتّ عِفبٌي مُ رَشَرَشِ. عَ مُ وَ سَمَ، عَلْ عَلِفِيَمَ مُ وَ سَمَ كِ نَشّ. عَ حَمَنّ بِرِن قِندِ مَ عَ فبٍ نَن نَ، عَ سِ بِرِن سَ عَ شَ نْي بُن مَ. 
نَ سِيٍ مُ يٌمَ عَ مَ شّ؟ عٍ مُ عَ مَيٍلٍمَ شّ، عٍ عَ قِندِ دّءِ سِفِ رَ؟» «عٍ قَمَ نّ عَ قَلَدٍ، ‹حَشَنكَتّ نَ مِشِ بّ نَشَن سٍ مَلَنمَ عَ فبٍ مُ نَشَن نَ. عَ شَ دٌنِ شُن نَن تُن لُمَ مَسَ رَ. يِ قٍ مْولِ بُمَ هَن مُن تّمُي؟ 
نَشٍيٍ شَ دٌنِ نَ عِ مَ، نٍيٍ مُ كٍلِمَ شّ، عٍ عِ رَشُنُ، عٍ عِ سُشُ، عٍ عٍ فبٍ حْشْ عِ مَ؟ 
عِ تٌ بَرَ سِ فبٍفبٍ شُن نَكَنَ، نَشٍيٍ لُشِ قَ، نٍيٍ نَن قَمَ عِ قَن شُن نَكَنَدٍ. عٍ نَ رَبَمَ نّ عِ تٌ بَرَ مِشِ وُلِ عِقِلِ، عِ تٌ بَرَ بْشِيٍ نُن تَايٍ كَنَ، عِ نَاكَيٍ قَن قَشَ.›» 
«حَشَنكَتّ نَ مِشِ بّ نَشَن فٍينِمَ تِنشِنتَرٍيَ كُي عَلَكٌ عَ شَ بَنشِ قَنيِ تِ عَ يّتّ بّ تْورّ يٌ مُ نَ دّننَشّ. 
عِ نَشَن نَبَشِ عَ قِندِ مَ يَافِ نَن نَ عِ شَ مِشِيٍ بّ. عِ حَشَنكَتّ نَشَن سَشِ حَمَيٍ مَ، عَ قَمَ فبِلٍندٍ نّ عِ مَ. 
عِ شَ بَنشِ تِشِ فّمّ نَشَن نَ، وُرِ نَشَن بَنبَنشِ عَ قَرِ، عٍ قَمَ نّ سٍيدٍحْشْيَ بَدٍ عِ شِلِ مَ.» 
«حَشَنكَتّ نَ مِشِ بّ نَشَن تَا تِمَ قَشّ تِ سَابُي رَ، نَشَن عَ شَ تَا رَفبٌمَ قٍ كٌبِ سَابُي رَ. 
مَنفّ عَلَتَلَ بَرَ عَ نِيَ، حَمَيٍ شَ وَلِ بِرِن شَ فَن، عٍ شَ وَكِلِ قِندِ مَ قٍ قُقَقُي نَن نَ. 
دُنِحَ بِرِن قَمَ نّ عَلَتَلَ شَ نْرّ كٌلٌندٍ، عَلْ بَنبَرَنيِ فبٌمَ كِ نَشّ بَا مَ.» 
«حَشَنكَتّ نَ مِشِ بّ نَشَن عَ بٌورٍ رَ سِيسِمَ عَلَكٌ سَدٍ قٍ شَ لُ عٍ تَفِ. 
عِ شَ شُننَكٍلِ قِندِ مَ نّ يَافِ رَ. عِ قَن شَ بٍيرٍ مِن، عِ شَ سَدٍ قٍ كٌلٌن. عَلَتَلَ شَ شْنّ قَقٍ عِ مَ، عَ عِ شَ شُننَكٍلِ مَقِندِ مَ يَافِ نَن نَ. 
عِ قٍ كٌبِ نَشَن نَبَشِ لِبَن، نَ سَرٍ قَمَ نّ فبِلٍندٍ عِ مَ. عِ بَرَ شُرُ سٍيٍ كَسَرَ، عِ بَرَ مِشِيٍ قَشَ، عِ بَرَ بْشِ نُن تَايٍ كَنَ، عَ نُن عٍ شَ مِشِيٍ. نَ حَشَنكَتّ بِرِن قَمَ نّ فبِلٍندٍ عِ مَ.» 
«كُيٍ مُنسٍ قَنشِ مِشِ مَ؟ مِشِ شَ مُ عَ يَءِلَنمَ؟ عَ وُلٍ نَن تُن مَسٍنمَ. عَ يَءِلَنمَ مَن قَ عَ يّتّ تَشُ عَ رَ. عَ بَرَ عَلَ بٌبٌي يَءِلَن. 
حَشَنكَتّ نَ مِشِ بّ نَشَن عَ قَلَمَ وُرِ مَسٌلِشِ بّ، ‹كٍلِ،› نَشَن وْيّنمَ فّمّ بٌبٌشِ بّ، ‹شُنُ.› كُيٍ مُنسٍ مَسٍنمَ عِ بّ؟ هَلِ شّيمَ نُن فبٍتِ لُ عَ مَ، شَشِلِ تَن يٌ مُ نَ عَ بّ. 
كْنْ عَلَتَلَ نَ عَ شَ هْرْ مْبَنشِ كُي. دُنِحَ بِرِن شَ عَ سَبَرِ عَ يَ عِ.»