36
Esaú tjëyo tek beno ba irgo
1 Ëre Esaú tjëyo tek beno ba irgo. Esaú, e kowëba Edom bakoe. 2-3 Esaú orkwosmono wal̈ëga Canaán so dogl̈o mya tjok. Epga ko Ada, Aholibama, Basemat. Ba boy Ada, e Elón wa. Elón, e Het tjëyo. Ba boy Aholibama, e Aná wa. Aná, e Zibeón wa. Zibeón, e heveo. Ba boy Basemat, e Ismael wa, Nebayot dor bakoe.
4-5 Esaú sök Canaán kjokyoshko ga wapga tjeng dogl̈o shkëng (5). Ada wa buk kjl̈ara domer ko Elifaz. Basemat wa buk kjl̈ara domer ko Reuel. Aholibama wapga tjeng dogl̈o mya domer ko Jeús, Jalán, Coré.
6-7 Esaú, Jacob, e dbur ara, öng ara. Ba kjok l̈öngshko l̈i öng ara anmoyõ, ga ba öng dl̈i pjitënge. E kjĩshko ga ber l̈öng pjöyĩkong ga äe. Eni ga Esaú to kjok shto obl̈ë, ba l̈ëng sökshko dwayo. Ba boyga, ba wapga, ba parkagaga, ba öng, ba l̇l̇ëbo uunkong wl̈ẽna Canaán kjokyo l̈i, e söra jek uunkong ba tjok, 8 ga öötong Seir kjokyo dl̈up shwo l̈ëkong, ga beno l̈öng eshko.
9-14 Esaú, e Edom tjëyoga data. E beno l̈öng Seir kjokyo dl̈up shwo l̈ëkong. Ëre ba tjëyo tek beno ba irgo. Esaú boyga dogl̈o mya: Ada, Basemat, Aholibama.
Ada tjok ga Esaú wa domer kjl̈ara ko Elifaz. Elifaz, e wapga domerga ko eni: Temán, Omar, Zefo, Gatán, Cenaz. Elifaz boy obl̈ë ba parkaga wl̈eniyo ko Timná tjok ga wa domer kjl̈ara ko Amalec.
Basemat tjok ga Esaú wa domer kjl̈ara ko Reuel. Reuel, e wapga domerga ko eni: Najat, Zera, Sama, Mizá.
Aholibama tjok ga Esaú wapga domerga dogl̈o mya: Jeús, Jalán, Coré. Aholibama, e Aná wa. Aná, e Zibeón wa. Zibeón, e heveo.
15 Esaú tjëyo tek beno ba irgo l̈i tjëyoga ko eni. Esaú wa Ada tjok Elifaz l̈i tjëyo tek ber ba irgo l̈i tjëyoga ëre: Temán, Omar, Zefo, Cenaz, 16 Coré, Gatán, Amalec. Epga l̈öng Edom kjokyo.
17 Esaú wa Basemat tjok Reuel l̈i tjëyo tek beno ba irgo l̈i tjëyoga ëre: Najat, Zera, Sama, Mizá. Epga l̈öng Edom kjokyo.
18 Esaú wapga Aholibama tjok l̈i tjëyo tek beno ba irgo l̈i tjëyoga ëre: Jeús, Jalán, Coré.
19 Esaú tjëyo tek beno ba irgo l̈i tjëyoga, e beno eni.
20 Esaú öötong sök kjok eshkoshko ga nopga l̈öng eshko ko horeoga. Epga domer ko Seir l̈i tjëyo tek beno ba irgo. Seir tjëyoga ëre: Lotán, Sobal, Zibeón, Aná, 21 Disón, Ezer, Disán.
22 Lotán, e wapga domerga ko eni: Horí, Homán. Lotán, e dor ko Timná.
23 Sobal, e wapga domerga ko eni: Alván, Manajat, Ebal, Sefó, Onam.
24 Zibeón, e wapga domerga ko eni: Ayá, Aná. Pjl̈ara ga Aná, e shäng ba data öng dëshko ga di bäng wl̈ẽna kjrina kjok dogro no l̇l̇ëmshko.
25 Aná, e wa domer kjl̈ara ko Disón, wa wal̈ë kjl̈ara ko Aholibama.
26 Disón, e wapga domerga ko eni: Hemdán, Esbán, Itrán, Querán.
27 Ezer, e wapga domerga ko eni: Bilán, Zaván, Acán.
28 Disán, e wapga domerga ko eni: Uz, Arán.
29 Horeo, e tjëyoga ko eni: Lotán, Sobal, Zibeón, Aná, 30 Disón, Ezer, Disán. Epga l̈öng Seir kjokyo.
31 Israel tjëyoga pjl̈upga l̇l̇ëm obishko ga Edom so pjl̈upga, e ëre:
32 Bela, e Dinaba so, Beor wa.
33 Bela wol̈onoshko ga beno Jobab, e Bosra so, Zera wa.
34 Jobab wol̈onoshko ga beno Jusán, e Temán so.
35 Jusán wol̈onoshko ga beno Hadad, e Avit so, Bedad wa. Nopga Madián so zana Bedaddë Moab kjokyo.
36 Hadad wol̈onoshko ga beno Samla, e Masreca so.
37 Samla wol̈onoshko ga beno Saúl, e Rejobot so. Rejobot kjokyo, e buk Éufrates diyo gomyo.
38 Saúl wol̈onoshko ga beno Baal Janán, e Acbor wa.
39 Baal Janán wol̈onoshko ga beno Hadar, e Pau so, boy ko Mehitabel. Mehitabel, e mekë ko Matred. Matred, e mekë ko Mezab.
40-43 Edom tjëyoga ko eni: Timná, Alvá, Jetet, Aholibama, Elá, Pinón, Cenaz, Temán, Mibzar, Magdiel, Iram. Epga beno l̈öng kjok kjrina kjrina baĩya om go. Esaú beno Edom tjëyoga uunkong data.