1 མིང་རྟགས་བཀོད་པའི་མི་རྣམས་ནི། ཧ་ཁལ་ཡཱའི་བུ་སྟེ་འགོ་དཔོན་ནེ་ཧེམ་ཡཱ་དང་། ཚིད་ཀི་ཡཱ། 2 སེ་ར་ཡཱ། ཨ་ཟར་ཡཱ། ཡེ་རེམ་ཡཱ། 3 ཕཱ་ཤུར། ཨ་མར་ཡཱ། མལ་ཀི་ཡཱ། 4 ཧད་ཏུས། ཤེ་བན་ཡཱ། མལ་ལུག 5 ཧ་རིམ། མེ་རེ་མོད། ཨོ་བད་ཡཱ། 6 དཱ་ནེ་ཨེལ། གིན་ནེ་ཐོན། པཱ་རུག 7 མཱེ་ཤུལ་ལིམ། ཨ་བི་ཡཱ། མི་ཡཱ་མིན། 8 མ་ཨ་ཟི་ཡཱ། པིལ་ག་ཨི། ཤེ་མ་ཡཱ་བཅས་མཆོད་དཔོན་རྣམས་སོ། ། 9 ཡང་ལེ་ཝི་པ་ཨ་ཟན་ཡཱའི་བུ་ཡེ་ཤུ་ཨ་དང་། ཧེ་ན་དད་ཀྱི་བུ་རྒྱུད་ལས་པིན་ནུ་ཨི། ཀད་མི་ཨེལ་དང་། 10 དེ་དག་གི་སྤུན་རྣམས་ནི། ཤེ་བན་ཡཱ། ཧོ་དི་ཡཱ། ཀེ་ལི་ཏ། ཕེ་ལ་ཡཱ། ཧ་ནན། 11 མི་ཀ རེ་ཧོབ། ཧ་ཤབ་ཡཱ། 12 ཟག་ཀུར། ཤེ་རེབ་ཡཱ། ཤེ་བན་ཡཱ། 13 ཧོ་དི་ཡཱ། པཱ་ནི། པེ་ནེ་ནོ་བཅས་སོ། ། 14 འབངས་མིའི་འགོ་དཔོན་རྣམས་ནི། ཕཱར་ཨོ་སི། ཕཱ་ཧད་མོ་ཨབ། ཨེ་ལཱམ། ཟད་ཐུ། པཱ་ནི། 15 པུན་ནི། ཨས་གད། པེ་བཱ་ཨི། 16 ཨ་དོ་ནི་ཡཱ། པིག་ཝ་ཨི། ཨ་དིན། 17 ཨ་ཏེར། ཧི་ཟི་ཀི་ཡཱ། ཨ་ཟུར། 18 ཧོ་དི་ཡཱ། ཧ་ཤུམ། པེ་ཙ་ཨི། 19 ཧ་རིབ། ཨ་ན་ཐོད། ནོ་བཱ་ཨི། 20 མག་བི་ཨ་སི། མཱེ་ཤུལ་ལིམ། ཧེ་ཟིར། 21 མེ་ཤེ་ཟ་བ་ཨེལ། ཟཱ་ཏོག ཡད་དུ་ཨ། 22 ཕེ་ལད་ཡཱ། ཧ་ནན། ཨ་ན་ཡཱ། 23 ཧོ་ཤེ་ཨ། ཧ་ནན་ཡཱ། ཧ་ཤུབ། 24 ཧ་ལོ་ཧེས། ཕིལ་ཧཱ། ཤོ་བེག 25 རེ་ཧུམ། ཧ་ཤབ་ནཱ། མ་ཨ་སེ་ཡཱ། 26 ཨ་ཧི་ཡཱ། ཧ་ནན། ཨ་ནན། 27 མལ་ལུག ཧ་རིམ། པ་ཨ་ནཱ་རྣམས་སོ། །

28 གཞན་འབངས་མི་དང་མཆོད་དཔོན་དང་། ལེ་ཝི་པ། སྒོ་སྲུང་། མགུར་ལེན་མཁན། མཆོད་གཡོག ཉེ་འཁོར་གྱི་མི་རིགས་རྣམས་ལས་ལོགས་སུ་བཀར་ནས་དཀོན་མཆོག་གི་བཀའ་ཁྲིམས་ལ་བསྟུན་མཁན་དག་དང་། དེ་རྣམས་ཀྱི་ཆུང་མ་དང་བུ་དང་བུ་མོ་ལས་གོ་རྟོགས་ཡོད་པ་ཐམས་ཅད་ཀྱིས། 29 རང་རང་གི་སྐུ་དྲག་སྤུན་རྣམས་ལ་བསྟུན་ནས་དཀོན་མཆོག་གིས་ཞབས་ཕྱི་མོ་ཤེ་བརྒྱུད་ནས་གནང་བའི་བཀའ་ཁྲིམས་བཞིན་དུ་བྱེད་པ་དང་། བདག་ཅག་གི་གཙོ་བོ་ཡ་ཝཱེའི་བཀའ་རྒྱ་དང་སྒྲིག་ཁྲིམས་དང་ཁྲིམས་སྲོལ་བཞིན་དུ་གཟབ་ནན་ངང་བསྲུང་བར་མནའ་བསྐྱལ་བའོ། ། 30 ངེད་ཀྱིས་རང་གི་བུ་མོ་རྣམས་ཡུལ་འདིའི་མི་རྣམས་ལ་བག་མར་མི་སྟེར་བ་དང་། དེ་དག་གི་བུ་མོ་རྣམས་ཀྱང་རང་གི་བུ་རྣམས་ལ་མནའ་མར་མི་ལེན། 31 གལ་ཏེ་ཡུལ་མི་རྣམས་ཀྱིས་ངལ་གསོ་བའི་ཉིན་མོའམ་ཉིན་དམ་པར་ཚོང་རྫས་སམ་ཟས་རིགས་འཚོང་དུ་ཁྱེར་ཡོང་ན། ངེད་རྣམས་ཀྱིས་གཏན་ནས་མི་ཉོ། ལོ་བདུན་པ་རེ་ལ་ཞིང་ཡང་མི་རྨོ། དོམ་ཆད་པ་དག་ཀྱང་གཏན་ནས་འདེད་པར་མི་བྱའོ། ། 32 ངེད་རྣམས་ཀྱིས་དམ་བཅས་པ་ལྟར་ལོ་རེ་བཞིན་དངུལ་སྲང་གསུམ་ཆ་གཅིག་ཕུལ་ཏེ། དཀོན་མཆོག་གི་མཆོད་ཁང་དུ་བཀོལ་སྤྱོད་བྱེད་དོ། ། 33 སྤྱན་བསྟར་བག་ལེབ་དང་། རྒྱུན་དུ་འབུལ་བའི་འབྲུ་རིགས་ཀྱི་མཆོད་པ་དང་སྦྱིན་སྲེག ངལ་གསོ་བའི་ཉིན་མོ་དང་། ཚེས་གཅིག་དང་དུས་ཆེན་ལ་འབུལ་བའི་སྦྱིན་སྲེག་དང་རྫས་དམ་པ་དང་། ཡེས་ར་ཨེལ་གྱི་སྡིག་བཤགས་མཆོད་པ་དང་། ངེད་ཀྱི་དཀོན་མཆོག་གི་མཆོད་ཁང་གི་ལས་ཐམས་ཅད་ཀྱི་ཕྱིར་བཀོལ་བ་ཡིན། 34 ངེད་རྣམས་ཀྱི་མཆོད་དཔོན་དང་ལེ་ཝི་པ་དང་འབངས་མི་རྣམས་ཀྱི་ནང་དུ་རྒྱན་བླངས་ཏེ། ལོ་རེར་ཕ་མེས་ཀྱི་དུས་བཅད་ལྟར་ཕུལ་བའི་བུད་ཤིང་ནི་རང་གི་དཀོན་མཆོག་གི་མཆོད་ཁང་དུ་བསྐྱལ་བ་དང་། བཀའ་ཁྲིམས་ནང་དུ་བཀོད་ཡོད་པ་བཞིན་རང་གི་དཀོན་མཆོག་ཡ་ཝཱེའི་མཆོད་ཁྲི་སྟེང་མེར་བསྲེགས་པའོ། ། 35 གཞན་ཡང་། ལོ་རེ་བཞིན་བདག་ཅག་གིས་ས་སྟེང་གི་ཐོན་རྫས་ཐོག་ཕུད་དང་ལྗོན་ཤིང་གི་འབྲས་བུ་ཐོག་མ་ཐམས་ཅད་དཀོན་མཆོག་ཡ་ཝཱེའི་མཆོད་ཁང་དུ་འབུལ་ལོ། ། 36 ཡང་བཀའ་ཁྲིམས་ནང་བཀོད་ཡོད་པ་བཞིན་དུ། ངེད་རྣམས་ཀྱིས་རང་གི་བུ་སྐྱེས་འགོ་དང་སྒོ་ཕྱུགས་ནས་སྐྱེས་པའི་སྔོན་མ་རྣམས་ངེད་ཀྱི་དཀོན་མཆོག་གི་མཆོད་ཁང་དུ་འབུལ་བ་དང་། དཀོན་མཆོག་གི་མཆོད་ཁང་དུ་ཞབས་ཏོག་སྒྲུབ་པའི་མཆོད་དཔོན་རྣམས་ལ་འབུལ་བར་བྱའོ། ། 37 རང་གི་ཐོག་ཕུད་ཀྱི་གྲོ་ཕྱེ་དང་། ཤིང་ཏོག་རིགས་ཐམས་ཅད་ཀྱི་འབྲས་བུ་དང་། རྒུན་ཆང་གསར་པ་དང་སྣུམ་གསར་པ་མཆོད་དཔོན་ལ་འབུལ་བ་དང་། བདག་ཅག་གི་དཀོན་མཆོག་གི་མཆོད་ཁང་གི་མཛོད་ཁང་དུ་བསྡུ་བར་བྱ། ངེད་ཅག་གི་ས་ཞིང་ནས་སྐྱེ་དངོས་ཐམས་ཅད་ཀྱི་བཅུ་ཆའི་གཅིག་ལེ་ཝི་པ་རྣམས་ལ་འབུལ་བ་དང་། ལེ་ཝི་པ་རྣམས་ཀྱིས་ངེད་ཅག་གི་མཁར་གྲོང་ནས་ས་ཞིང་ལས་བཅུ་ཆའི་གཅིག་ལེན་འོས་པས་སོ། ། 38 ལེ་ཝི་པ་རྣམས་ཀྱིས་བཅུ་ཆའི་གཅིག་ལེན་དུས། ཨ་རོན་གྱི་བུ་རྒྱུད་ཀྱི་མཆོད་དཔོན་ཞིག་ལེ་ཝི་པ་དང་མཉམ་དུ་ཡོད་དགོས། ལེ་ཝི་པ་རྣམས་ཀྱིས་ཀྱང་བཅུ་ཆའི་གཅིག་ལས་བཅུ་ཆའི་གཅིག་ངེད་ཀྱི་དཀོན་མཆོག་གི་མཆོད་ཁང་དུ་འབུལ་བ་དང་། མཛོད་ཁང་གི་ཁང་མིག་རྣམས་ཀྱི་ནང་དུ་འཇོག་དགོས། 39 གང་ལ་ཞེ་ན། ཡེས་ར་ཨེལ་པ་དང་ལེ་ཝི་པ་རྣམས་ཀྱིས་བསྡུ་བའི་འབྲུ་དང་། རྒུན་ཆང་གསར་པ་དང་། སྣུམ་གསར་པ་དག་གནས་མཆོག་གི་ཡོ་བྱད་ཡོད་པའི་མཛོད་ཁང་དུ་བསྡུས་ནས། ཞབས་ཏོག་འབུལ་བའི་མཆོད་དཔོན་དང་སྒོ་སྲུང་དང་། མགུར་ལེན་མཁན་ཐམས་ཅད་དེར་ཡོད་པ་དང་། ངེད་ཅག་གིས་རང་གི་དཀོན་མཆོག་གི་མཆོད་ཁང་སྣང་མེད་དུ་མི་བྱའོ་ཞེས་དམ་བཅས་སོ། །