1 ༼དབུ་མཛད་ལ་སྤྲད་པའི་དཱ་བིད་ཀྱི་མགུར་མ་རྒྱུད་མང་རོལ་ཆས་སྤེལ༌མ།༽ དཀོན་མཆོག་ང་ཡི་འོ་དོད་གསན་པར༌མཛོད། །བདག་གི་གསོལ་འདེབས་ལ་ནི་སྙན་གཏོད༌རོགས།། 2 ངའི་སེམས་ཕམ་པའི་དུས་སུ་ས་མཐའ༌ནས། །བདག་གིས་ཁྱེད་ལ་འོ་དོད་འབོད་པ༌ཡིན། །ང་ལས་མཐོ་བའི་བྲག་སྟེང་འདྲེན་པར༌མཛོད།། 3 གང་ལ་ཞེ་ན་ཁྱེད་ངའི་སྐྱབས་གནས༌དང༌། །དགྲ་ལས་ཐར་བའི་མཁར་རྫོང་ཡིན་ཕྱིར༌རོ།། 4 ང་རང་གཏན་དུ་ཁྱེད་ཀྱི་གུར་ནང༌གནས། །ཁྱེད་ཀྱི་འདབ་གཤོག་གྲིབ་བསིལ་འོག་ཏུ༌ཡིབ།།༼ སེ༌ལཱ། ༽ 5 དཀོན་མཆོག་ཁྱེད་ཀྱིས་ང་ཡི་དམ་བཅར༌གསན། །ཁྱེད་ཀྱི་མཚན་ལ་གུས་ཤིང་འཇིགས་པ༌ཡི། །མི་ལ་ཁྱེད་ཀྱིས་ནོར་སྐལ་གནང་བ༌ཡིན།། 6 ཁྱེད་ཀྱིས་རྒྱལ་པོ་སྐུ་ཚེ་རིང་བར༌མཛོད། །མི་རབས་མང་པོར་ཚེ་ལོ་བརྟན་པར༌ཤོག། 7 ཁྱེད་དྲུང་གཏན་དུ་རྒྱལ་ཁྲིར་བཞུགས་པར༌མཛོད། །བྱམས་བརྩེ་དྲང་བདེན་བསྩལ་ནས་བསྲུང་བར༌ཞུ།། 8 དེ་ནས་རྟག་ཏུ་ཁྱེད་ཀྱི་མཚན་ལ༌བསྟོད། །ཉིན་རེ་བཞིན་དུ་དམ་བཅའ་བསྒྲུབ་པར༌བྱ།།