1 སྤུན་ཟླ༌རྣམས། ངའི་སེམས་ཀྱི་འདོད་མོས་དང་དཀོན་མཆོག་ལ་གསོལ་བ་འདེབས་པ་ནི་ཡེས་ར་ཨེལ་གྱི་མི་རིགས་ལ་ཐར་པ་འཐོབ་རྒྱུ་དེ་ཡིན་ནོ།། 2 མི་དེ་རྣམས་དཀོན་མཆོག་ལ་སྤྲོ་སེམས་ཆེ་ནའང་ཤེས་བྱ་བཞིན་དུ་མ་ཡིན་པ་ནི་བདག་གིས་བདེན་དཔང་བྱེད་དོ།། 3 རྒྱུ་མཚན་ནི་དཀོན་མཆོག་གི་རྣམ་དག་མ་ཤེས་པར་རང་ཉིད་ཀྱི་རྣམ་དག་གཏན་ལ་འབེབ་འདོད་པས་དཀོན་མཆོག་གི་རྣམ་དག་ལ་མི་བསྟུན་པའི་ཕྱིར༌རོ།། 4 བཀའ་ཁྲིམས་ཀྱི་མཐར་ཐུག་ནི་སྐྱབས་མགོན་མཱ་ཤི་ཀ་ཡིན༌ཞིང༌། ཁོང་ལ་དད་པ་བྱེད་མཁན་ཐམས་ཅད་རྣམ་དག་ཏུ་བརྩི་བར་འགྱུར་རོ།།

5 དེ་ལ་མོ་ཤེ་ཡིས་འདི་ལྟར་བྲིས་ཡོད་དེ། སུ་ཞིག་གིས་བཀའ་ཁྲིམས་ལས་བྱུང་བའི་རྣམ་དག་བཞིན་དུ་བྱེད༌ན། མི་དེའང་དེ་ལ་བརྟེན་ནས་སྲོག་འཚོ་བར་ངེས་ཞེས་པའོ།། 6 འོན༌ཀྱང༌། དད་པ་ལས་བྱུང་བའི་རྣམ་དག་གིས་འདི་སྐད༌དུ་གསུངས་པ་སྟེ། ཁྱོད་ཀྱིས་རང་གི་སེམས་ནང༌དུ། སུ་ཞིག་ནམ་མཁའི་ཞིང་ཁམས་སུ་འཕགས་པར་འགྱུར་རམ་ཞེས་སྨྲ་བར་མི་བྱའོ༎ དེ་ནི་སྐྱབས་མགོན་མཱ་ཤི་ཀ་མར་སྤྱན་དྲངས་ཡོང༌བ་ཡིན་ཞེས་པ་དང་། 7 ཡང་ན་འདི་སྐད་དུ། སུ་ཞིག་མར་ཞབས་མེད་པའི་དོང་དུ་འགྲོ་བར་འགྱུར་རམ་ཞེས་སྨྲ་བར་མི་བྱའོ༎ དེ་ནི་སྐྱབས་མགོན་མཱ་ཤི་ཀ་གཤིན་པོའི་ཡུལ་ནས་ཡར་སྤྱན་དྲངས་ཡོང་བ་ཡིན་ཞེས་པའོ།། 8 དོན་དམ་དུ་ཇི་ལྟར་གསུང་ངམ་ཞེ༌ན། བཀའ་དེ་ནི་ཁྱོད་དང་ཉེ༌ཞིང༌། ཁྱོད་ཀྱི་སྨྲ་སྒོ་དང་ཡ་ཆུང་སེམས་ཀྱི་ནང་དུ་བཞུགས་ཞེས་གསུངས་སོ།། དེ་ནི་ངེད་ཅག་གིས་སྒྲོག་པའི་དད་པའི་བཀའ་ཡིན༌ཏེ། 9 ཁྱོད་ཀྱིས་ངག་ནས་སྐྱབས་མགོན་ཡེ་ཤུ་ནི་གཙོ་བོ་ཡིན་པར་ཁས་ལེན༌ཞིང༌། དཀོན་མཆོག་གིས་ཁོང་ཉིད་གྲོངས་པ་ནས་སླར་གསོན་པར་མཛད་པ་ལ་སེམས་ནས་དད་པ་བྱེད་ན་ཁྱོད་རང་ཐར་བར་འགྱུར་རོ།། 10 ཅིའི་ཕྱིར་ཞེ་ན། སེམས་ནས་དད་པ་བྱས་ན་རྣམ་དག་ཏུ་བརྩི༌ཞིང༌། ངག་ནས་ཁས་བླངས་ན་ཐར་པ་འཐོབ་ངེས་པའི་ཕྱིར༌རོ།། 11 དེ་ལ་གསུང་རབ་ཀྱི་མདོ་ལས་ཇི་སྐད༌དུ།

14 འོ་ན། ཁོང་ལ་དད་པ་མ་བྱས་པ་རྣམས་ཀྱིས་ཁོང་ལ་ཞུ་བ་ཇི་ལྟར༌འབུལ་ལམ། ཁོང་ཉིད་ཐོས་མ་མྱོང་བ་རྣམས་ཀྱིས་ཁོང་ལ་དད་པ་ཇི་ལྟར་བྱེད༌དམ། བཀའ་སྒྲོག་མཁན་མེད་ན་ཇི་ལྟར་ཐོས༌སམ། 15 མངགས་པ་མིན༌ན་འཕྲིན་བཟང་ཇི་ལྟར་སྒྲོག༌གམ། དེ་ལ་གསུང་རབ་ཀྱི་མདོ་ལས་ཇི་སྐད༌དུ། དོན་ལེགས་པོའི་འཕྲིན་བཟང་སྒྲོག་མཁན་གྱི་རྐང་པ་ནི་ཇི་འདྲའི་མཛེས་ཤིང་སྡུག་པ་ལ་ཨང་ཞེས་བཀོད་པ་ལྟར༌རོ།།

16 འོན༌ཀྱང༌། ཡེ་ཤ་ཡཱ་ཡིས་འདི་སྐད༌དུ།

18 འོན༌ཀྱང༌། བདག་གིས་འདི་ལྟར་སྨྲ་བར་བྱ༌སྟེ། མི་དེ་རྣམས་ཀྱིས་འཕྲིན་བཟང་མ་ཐོས་སམ་ཞེ༌ན། ཁོ་རྣམས་ཀྱིས་ཐོས་མྱོང་བར་གདོན་མི་ཟ༌སྟེ།