༄༅།།གསུང་མགུར་གྱི༌མདོ།.
1.
སྡིག་སྤྱོད་མི་ཡི་ཇུས་བཞིན་མི་འགྲུལ༌ཞིང༌། །སྡིག་ཅན་དག་གི་ལམ་ནང་མི་འགྲེང༌བར། །འཕྱ་མཁན་གྲལ་དུ་མི་འདུག་པ་ནི༌བདེ།། 
ཡ་ཝཱེའི་བཀའ་ཁྲིམས་ལ་ནི་ཡི་རང༌ཞིང༌། །ཉིན་མཚན་ཀུན་ཏུ་བཀའ་ཁྲིམས་སྒོམ་མཁན༌ནི།། 
ཆུ་རྒྱུན་འགྲམ་དུ་བཙུགས་པའི་ལྗོན་ཤིང༌བཞིན། །དུས་དང་མཐུན་པར་འབྲས་བུ་བསྐྱེད་བྱེད༌ཅིང༌། །ལོ་མ་དག་ཀྱང་ནམ་ཡང་མི་རྙིད༌ལ། །མི་དེས་ཅི་བྱེད་དོན་ཀུན་འགྲུབ་པར༌འགྱུར།། 
འོན་ཀྱང་སྡིག་སྤྱོད་མི་ནི་ཆ་མི༌མཚུངས། །དེ་ནི་རླུང་གིས་ཁྱེར་བའི་ཕུབ་མ༌འདྲ།། 
ཁྲིམས་ཐག་གཅོད་དུས་སྡིག་སྤྱོད་ཚུགས་མི༌ཐུབ། །དྲང་པོའི་ཚོགས་ནང་སྡིག་ཅན་དེ་བཞིན༌ཡིན།། 
ཡ་ཝཱེས་དྲང་པོ་རྣམས་ཀྱི་ལམ་གཟིགས༌ཤིང༌། །སྡིག་སྤྱོད་དག་གི་ལམ་ནི་འཇིག་པར༌འགྱུར།།