Nnwom.
128.
Ɔsoroforo dwom. Nhyira ne wɔn a wosuro Awurade, na wɔnantew nʼakwan so. 
Wubedi wʼadwuma so aba; nhyira ne yiyedi bɛyɛ wo de. 
Wo yere bɛyɛ sɛ bobe a ɛsow aba wɔ wo fi; na wo mmabarima ayɛ sɛ ngodua a afifi atwa wo pon ho ahyia. 
Yiw, sɛɛ ne nea wobehyira onipa a osuro Awurade no. 
Awurade nhyira wo mfi Sion na ɔmma wunhu Yerusalem yiyeyɛ; wo nkwanna nyinaa. 
Ɔmma wo ntena ase nhu wo mma mma. Asomdwoe nka Israel.