100
Gway jin yuḵu mo gom mo jin ’boruwa ’borim bwa i is gom to jin ’ciṯẖu/ ’kus mo.
1 Ḵumi cuuwa/ ki moŋ’kuny bwa e Tap̱a mo, aris um ’kwaniny’cesh mo.
2 Miiyi Tap̱a to ki bwaŋ ’kunyka/ mo.
Iiyu/ i buŋ’kusi a’di ki gway ilu/ mo.
3 Mishi mo mo ki a’di ta Tap̱a jin ta’da Arumgimis mo.
A’di ta a’di jin uḵki ana mo dhali ana tana kum piti mo be.
Ana tana ’kwanim piti mo dhali ana tana ḵa’bal ma shon dhii/i’d piti mo.
4 Cic̱i e ’twaŋkal ma goŋ piti ki mo jin ’boruwa ’bor bwa i is mo,
dhali e mom piti jin di ’kup̱ ḵany nyaḵki mo jin maŋuwa maŋ mo.
C̱iyi a’di mo jin ’boruwa ’bor bwa i is mo, dhali ’bori gway piti mii mo.
5 Haali/ Tap̱a a’di ’bora’bor mo.
Mo/en piti jin ṯelu sho’k mo tani a’di ’dimki ’kup̱ ki sule/ sule/ mo,
dhali mo ma isiŋ ganam piti eya risa nyaḵum yil ki ’kwani mo.