1 E mo ma c̱is mo tani aha/ gwokina ’twa/i Tap̱a mo,

ki a’di midi ’taki thoḵ aha/ ’twa/ mo.

2 ’Cuḵi aha/ mo, ayy Tap̱a,

’peni ’twa/ pem jin ta’da ṯor mo,

dhali ’pena le’d pem jin he’kki’da he’k e mo.

3 Ata a’di iminu c̱i /e mo?

Dhali tonta a’di iminu mii gom /e mo,

/e jin tana le’d jin he’kki’da he’k e mo?

4 Athop̱a/ jin kaaka jin ḵala wathi/ ma mee

nyaḵka ’cila’th o’d jin shwa’d ki bar bar mo ’peni cwa jin wana e ka shilgwalish mo.

5 Wayyi e aha/ ki aha/ yakina yanyc̱a/ e Pam Maashik mo,

ki aha/ c̱a’bkina e bwaman gu’b burrinye/ ma Gidar mo.

6 Ki rash rash mo tani aha/ c̱a’bkina

e bwaman uni gwansan kun shi/ki moŋḵu’th isi e mo.

7 Aha/ tana gom moŋḵu’th is mo,

hili ki aha/ okina gwo mo tani

uni ŋap̱kina nyor mo.