1 Aha/ ’bora bwa ki ’bor mo mmo/ona uni aha/ gwo mo ki:

Dhalki ana iina gu’b gi Tap̱a mo.

2 Sho’k bam uni doshkin mo

e bwaman ma goŋ pini mo, ayy Urushaliim.

3 Urushaliim, a’di nyaŋkunu mo mmota ’peŋkuman bampa/ mo

a’di jin shokunu ki me’di monṯal ’de/ mo,

4 e mo jin iikin ma waḵ gi ’kwani ’kup̱ ki mis mo,

uni kun tana waḵ gi ’kwani gi Tap̱a mo,

me’d gi gwoŋḵan jin ’kawurkunu mo goma Israyiil mo

mmoc̱i mo jin ’boruwa ’bor bwa i is ki gway gi Tap̱a mo.

5 Aḵursi ma maliḵ gom gwon dwall jin toru gwo ’twa/a ’cesh mo tani uni dhukunu imun mo,

aḵursi ma maliḵ gom gu’b ma Dawuu’d mo.

6 ’Thoyi gom moŋḵu’th is gi Pa Urushaliim mo.

Dhalki uni rusa/ rus mo, uni kun enki /e mo.

7 Dhalki mo ma ḵu’th is di’d eya goŋ ma gaŋgaram pini mo

dhali mo ma ’dantar e bwaman mom pini kun tura e ki tur mo.

8 Gom gway gi iwaḵ pem mo dhali uni kun nyaḵ ii ki aha/ mo tani

aha/ mina o gwo mo ki: Moŋḵu’th is midi di e bwam um mo.

9 Gom gway gi gu’b gi Tap̱a Arumgimis bana mo,

aha/ mina simm tom ’boro’d pini e mo.