1 Waḵki/ a’di midi diki ’taki ta Tap̱a jin di’di ’ko’d gwar bana mo tani,

dhalka Israyiil o gwo mo shwane/ –

2 waḵki/ a’di midi diki ’taki ta Tap̱a jin di’di ’ko’d gwar bana mo shwane/

ki ’kwani ’kon mmocu mis ap̱o/ ana mo,

3 dhali yan’ko’d uni mini ’taki los ana ki ’kolo’c ki e mo,

ka nyor buni jin ’thakina uni ap̱o/ ana mo.

4 Dhali yan’ko’d agannu/ yi’de/ midi ’taki dhi’th ana sho’k ka pupush mo,

dhali yi’de/ jin mishi’da ŋwac̱a/ midi ’taki kum ana ’twa/a ’cesh mo,

5 dhali yan’ko’da p̱o/ ana mo tani yi’de/ jin wuluski eŋ ḵuthar mo.

6 Mom’bor mii gom Tap̱a mo,

a’di jin diki c̱i ana

ki shem buni mmo’kwar mo.

7 Ana yekina me’d ’dii

’pena gume/ ma mancesh to jin cesha a’di to mo,

dhala gume/ ’ce’dki bwa mo

dhali ana yekina mo.

8 Mowoṯẖ bana a’di diki’d e gway gi Tap̱a mo,

a’di jin uḵki momis dhali mony’cesh mo.