GWAY GI IDAWUU’D.
93.
Tap̱a a’di jiki’da ji mo. A’di hi’thkunu ki burrinye/ ma maliḵ mo. Tap̱a a’di hi’thkunu is ki burrinye/ mo. A’di ’kamkunu is ki mom’bi’th mo. Nye, mony’cesh a’di ṯelkunu sho’k mo. A’di molu joc̱ ki sule/ sule/ mo be. 
Ḵursi ma maliḵ pini a’di ṯelkunu sho’k mo ’peni kadhamo/ mo. /E idikin ’peni kadhamo/ ki sule/ sule/ mo. 
Agannu/ yi’de/ uni uluc̱kin ki mis mo, ayy Tap̱a, agannu/ yi’de/ uni uluc̱kin ki mis ki ’twam buni mo, agannu/ yi’de/ uni uluc̱kin ki mis ki ’twam buni jin gwokina uni aḵuku/ ḵuku/ mo. 
Mo ta gi mom’bi’th kagahara mmobol yi’de/ e jin alki is is ka ris mo, dhali mo ta gi mom’bi’th mmobol yi’de/ jin birki bakal e mo. Tap̱a jin diki’d e mo jin ḵa’dama/ ḵa’dam mo tani a’di c̱a’bki dem dem mo. 
Gwoŋḵan pini kun ’kawurkunu mo tani uni ’kon eya tente/ ki ’koŋ gana/ mo. Moŋḵo/ piti a’di gama gam gom gu’b pini mo, ayy Tap̱a, gom ki sule/ sule/ mo.