GWAY GI IDAWUU’D.
114.
Me’d jin yakin ma Israyiil ka pije/ ’peni Pam Masir mo tani gu’b ma Yakuub ’peni ’kwani kun wal ’twan tiya mo tani 
Yahuuda/ warki’d ki mom piti jin ḵogu mo, dhala Israyiil a’di ta mo jin tanu tap̱a ki sule/ sule/ mo. 
Dhan ḵumma/ yi’de/ hilki mo mo dhali ya ŋwac̱a/ mo. Dhali Ḵumma/ Yi’de/ Uurdun doḵki’d ka nyaŋ’ko’d mo. 
’Kuwosha turga/ p̱ekina ŋalbothoŋ ki ’thir ’thir mo me’d gwasiŋ ḵa’bal mo, dhali ushi wosha gwa’dga/ wana e ki ushi ḵa’bal mo. 
Ata mii /eye, ayy ḵumma/ yi’de/, ki /e guskin kan mo? Ayy Uurdun, katinta doḵkina /e ka nyaŋ’ko’d mo? 
Ayy ’kuwosha turga/, ata p̱ekina um ki ’thir ’thir me’d gwasiŋ ḵa’bal kan mo? Dhali um ushi wosha gwa’dga/ kun wana e ki ushi ḵa’bal mo? 
Deeyi ma ki bir bir mo, ayy mony’cesh, e buŋ’kus gi Tap̱a mo, e buŋ’kus ma Arumgimis ma Yakuub mo, 
a’di jin ṯu’kki wosh mo mmota a/al gom yi’de/ mo dhali wosh jin biliṯki o’d mo tani warki’d ki yi’de/ jin kasha e mo.