12
Rǝⱨoboam padixaⱨliⱪidin mǝⱨrum bolidu
2Tar. 10:1-19; 11:1-4
1 Rǝⱨoboam Xǝⱪǝmgǝ bardi; qünki pütkül Israil uni padixaⱨ tikligili Xǝⱪǝmgǝ kǝlgǝnidi. ■ 2Tar. 10:1 2 Nibatning oƣli Yǝroboam xu ixni angliƣanda, xundaⱪ boldiki, u tehi Misirda idi (qünki Yǝroboam Sulayman padixaⱨtin ⱪeqip Misirda turuwatatti). ■ 1Pad. 11:40 3 Əmdi ular adǝm ǝwǝtip uni qaⱪirtip kǝldi. Xuning bilǝn Yǝroboam wǝ pütkül Israil jamaiti kelip Rǝⱨoboamƣa sɵz ⱪilip: 4 — Silining atiliri boynimizƣa salƣan boyunturuⱪini eƣir ⱪildi. Sili ǝmdi atilirining bizgǝ ⱪoyƣan ⱪattiⱪ tǝlǝpliri bilǝn eƣir boyunturuⱪini yeniklitip bǝrsilǝ, silining hizmǝtliridǝ bolimiz, deyixti.■ 2Tar. 10:4
5 U ularƣa: — Ⱨazirqǝ ⱪaytip üq kündin keyin andin ⱪeximƣa yǝnǝ kelinglar, dedi. Xuning bilǝn hǝlⱪ tarilip kǝtti.
6 Rǝⱨoboam padixaⱨ ɵz atisi Sulayman ⱨayat waⱪtida uning hizmitidǝ turƣan moysipitlardin mǝsliⱨǝt sorap: — Bu hǝlⱪⱪǝ beridiƣan jawabim toƣrisida nemǝ mǝsliⱨǝt kɵrsitisilǝr? — dedi.
7 Ular uningƣa: — Əgǝr sili raziliⱪ bilǝn bügün bu hǝlⱪning hizmitidǝ bolimǝn desilǝ, (wǝ dǝrwǝⱪǝ ularning hizmitidǝ bolsila) ularƣa yahxi sɵzlǝr bilǝn jawab ⱪilsila, ular silining barliⱪ künliridǝ hizmǝtliridǝ bolidu, dedi.
8 Lekin u moysipitlarning kɵrsǝtkǝn mǝsliⱨǝtini ⱪayrip ⱪoyup, ɵzi bilǝn qong bolƣan, aldida hizmitidǝ boluwatⱪan yaxlardin mǝsliⱨǝt sorap 9 ularƣa: — Manga «Silining atiliri bizgǝ salƣan boyunturuⱪni yeniklǝtkǝyla» dǝp tiligǝn bu hǝlⱪⱪǝ jawab beriximiz toƣruluⱪ ⱪandaⱪ mǝsliⱨǝt berisilǝr? — dedi.
10 Uning bilǝn qong bolƣan bu yaxlar uningƣa: — «Silining atiliri boyunturuⱪimizni eƣir ⱪildi, ǝmdi sili uni bizgǝ yenik ⱪilƣayla» dǝp eytⱪan bu hǝlⱪⱪǝ sɵz ⱪilip: — «Mening qimqilaⱪ barmiⱪim atamning belidin tomraⱪtur. 11 Atam silǝrgǝ eƣir boyunturuⱪni salƣan, lekin mǝn boyunturuⱪunglarni tehimu eƣir ⱪilimǝn. Atam silǝrgǝ ⱪamqilar bilǝn tǝnbiⱨ-tǝrbiyǝ bǝrgǝn bolsa, mǝn silǝrgǝ «qayanliⱪ ⱪamqilar» bilǝn tǝnbiⱨ berimǝn», degǝyla, — dedi.□ «qayanliⱪ ⱪamqilar» — yaki bolmisa «qayanlar» degǝnning nemǝ ikǝnliki ⱨazir mǝlum ǝmǝs, ⱨeq bolmiƣanda padixaⱨning intayin ⱪattiⱪ muamilisini kɵrsitidu.
12 Rǝⱨoboam padixaⱨ ularƣa: «Üq kündin keyin andin ⱪeximƣa yǝnǝ kelinglar» deginidǝk, Yǝroboam wǝ barliⱪ hǝlⱪ üqinqi küni uning ⱪexiƣa kǝldi.
13 Padixaⱨ moysipitlarning uningƣa bǝrgǝn mǝsliⱨǝtini taxlap, hǝlⱪⱪǝ ⱪattiⱪliⱪ bilǝn jawab bǝrdi. 14 U yaxlarning mǝsliⱨǝti boyiqǝ ularƣa: — Atam silǝrgǝ eƣir boyunturuⱪni salƣan, lekin mǝn boyunturuⱪunglarni tehimu eƣir ⱪilimǝn. Atam silǝrgǝ ⱪamqilar bilǝn tǝnbiⱨ-tǝrbiyǝ bǝrgǝn bolsa mǝn silǝrgǝ «qayanliⱪ ⱪamqilar» bilǝn tǝnbiⱨ-tǝrbiyǝ berimǝn, dedi.
15 Xuning bilǝn padixaⱨ hǝlⱪning sɵzini anglimidi. Bu ix Pǝrwǝrdigar tǝripidin bolƣan; qünki buning bilǝn Pǝrwǝrdigarning Xiloⱨluⱪ Ahiyaⱨning wasitisidǝ Nibatning oƣli Yǝroboamƣa eytⱪan sɵzi ǝmǝlgǝ axurulidiƣan boldi.■ 1Pad. 11:11, 31
16 Pütkül Israil padixaⱨning ularning sɵzigǝ ⱪulaⱪ salmiƣinini kɵrgǝndǝ hǝlⱪ padixaⱨⱪa jawab berip: — Dawuttin bizgǝ nemǝ nesiwǝ bar? Yǝssǝning oƣlida bizning ⱨeq mirasimiz yoⱪtur! Ɵz ɵy-qedirliringlarƣa ⱪaytinglar, i Israil! I Dawut, sǝn ɵz jǝmǝtinggila igǝ bol, — dedi. Xuning bilǝn Israillar ɵz ɵy-qedirliriƣa ⱪaytip ketixti.□ «...Israillar ɵz ɵy-qedirliriƣa ⱪaytip ketixti» — ibraniy tilida «Israillar ɵz qedirliriƣa ⱪaytip ketixti». ■ 2Sam. 20:1
17 Əmma Yǝⱨuda xǝⱨǝrliridǝ olturƣan Israillarƣa bolsa, Yǝroboam ularning üstigǝ ⱨɵküm sürdi. □ «Yǝⱨuda xǝⱨǝrliridǝ olturƣan Israillar» — bularning kɵpinqisi Yǝⱨuda wǝ Binyamin ⱪǝbililiridin bolƣan. 18 Rǝⱨoboam padixaⱨ baj-alwan begi Adoramni Israillarƣa ǝwǝtti, lekin pütkül Israil uni qalma-kesǝk ⱪilip ɵltürdi. U qaƣda Rǝⱨoboam padixaⱨ aldirap, ɵzining jǝng ⱨarwisiƣa qiⱪip, Yerusalemƣa tikiwǝtti.■ 1Pad. 4:6; 5:14
19 Xu tǝriⱪidǝ Israil Dawutning jǝmǝtidin yüz ɵrüp, bügüngǝ ⱪǝdǝr uningƣa ⱪarxi qiⱪip kǝldi. □ «Xu tǝriⱪidǝ Israil Dawutning jǝmǝtidin yüz ɵrüp, ... uningƣa ⱪarxi qiⱪip kǝldi» — bu tarihta muxu yǝrdin baxlap «Israil» degǝn sɵz adǝttǝ «ximaliy padixaⱨliⱪ», yǝni «on ⱪǝbilǝ»ni kɵrsitidu. ■ 2Pad. 17:21 20 Israilning ⱨǝmmisi Yǝroboamning yenip kǝlgǝnlikini angliƣanda, adǝm ǝwǝtip uni hǝlⱪning jamaitigǝ qaⱪirdi. Ular uni pütkül Israilning üstigǝ rǝsmiy padixaⱨ ⱪildi. Yǝⱨuda ⱪǝbilisidin baxⱪa ⱨeqkim Dawutning jǝmǝtigǝ ǝgǝxmidi.
21 Rǝⱨoboam Yerusalemƣa ⱪaytip kelip, Israilning jǝmǝti bilǝn jǝng ⱪilip, padixaⱨliⱪni Sulaymanning oƣli bolƣan ɵzigǝ ⱪayturup ǝkilix üqün Yǝⱨudaning pütkül jǝmǝtidin wǝ Binyamin ⱪǝbilisidin bir yüz sǝksǝn ming hillanƣan jǝnggiwar ǝskǝrni toplidi.■ 2Tar. 11:1
22 Lekin Hudaning sɵzi Hudaning adimi Xemayaƣa kelip: —■ 2Tar. 11:2
23 «Yǝⱨudaning padixaⱨi, Sulaymanning oƣli Rǝⱨoboamƣa, pütün Yǝⱨuda bilǝn Binyaminning jǝmǝtigǝ wǝ hǝlⱪning ⱪalƣanliriƣa sɵz ⱪilip: — 24 «Pǝrwǝrdigar mundaⱪ dǝydu: — Ⱨujumƣa qiⱪmanglar, ⱪerindaxliringlar Israillar bilǝn jǝng ⱪilmanglar; ⱨǝrbiringlar ɵz ɵyünglarƣa ⱪaytip ketinglar; qünki bu ix Mǝndindur», degin» — deyildi.
Ular Pǝrwǝrdigarning sɵzigǝ ⱪulaⱪ saldi. Pǝrwǝrdigarning sɵzi boyiqǝ ular ɵylirigǝ ⱪaytip kǝtti.
«Israil» wǝ «Yǝⱨuda» degǝn ikki padixaⱨliⱪ (bir-biridin bɵlüngǝn)
«Israil» wǝ «Yǝⱨuda» degǝn ikki padixaⱨliⱪ (bir-biridin bɵlüngǝn)
Yǝroboam altun mozaylarni yasaydu
25 Yǝroboam bolsa Əfraim taƣliⱪidiki Xǝⱪǝm xǝⱨirini yasap xu yǝrdǝ turdi; keyin u yǝrdin qiⱪip Pǝnuǝlni yasidi. ■ Mis. 32:30 26 Rǝⱨoboam kɵnglidǝ ɵz-ɵzigǝ: — Əmdi padixaⱨliⱪ Dawutning jǝmǝtigǝ yenixi mumkin. 27 Əgǝr bu hǝlⱪ Pǝrwǝrdigarning ɵyidǝ ⱪurbanliⱪ ⱪilixⱪa Yerusalemƣa qiⱪsa, bu hǝlⱪning ⱪǝlbi ɵz ƣojisi, yǝni Yǝⱨuda padixaⱨi Rǝⱨoboamƣa yǝnǝ mayil bolidu, andin ular meni ɵltürüp yǝnǝ Yǝⱨuda padixaⱨi Rǝⱨoboamning tǝripigǝ yanarmikin, dedi. 28 Padixaⱨ mǝsliⱨǝt sorap, altundin ikki mozay ⱨǝykilini yasitip hǝlⱪⱪǝ: — Yerusalemƣa qiⱪix silǝrgǝ eƣir kelidu. I Israil, mana silǝrni Misir zeminidin qiⱪarƣan ilaⱨlar! — dedi.■ Mis. 32:8; 2Pad. 17:16
29 Birini u Bǝyt-Əldǝ, yǝnǝ birini Danda turƣuzup ⱪoydi. 30 Bu ix gunaⱨⱪa sǝwǝb boldi, qünki hǝlⱪ mozaylirining birining aldida bax urƣili ⱨǝtta Danƣiqǝ baratti.
31 U ⱨǝm «egiz jaylar»da ibadǝt ɵylirini yasidi wǝ ⱨǝm Lawiydin bolmiƣan adǝmlǝrni kaⱨin ⱪilip tǝyinlǝp ⱪoydi.□ «u ⱨǝm ... ibadǝt ɵylirini yasidi» — yaki «u ⱨǝm ibadǝt ɵyini yasidi». Əmma 32-ayǝtni kɵrüng. ■ Qɵl. 3:10; 1Pad. 13:33; 2Pad. 17:32; 2Tar. 11:15
32 Yǝroboam yǝnǝ sǝkkizinqi ayning on bǝxinqi künini huddi Yǝⱨudaning zeminidiki ⱨeytkǝ ohxax bir ⱨeyt ⱪilip bekitti. U ɵzi ⱪurbangaⱨ üstigǝ ⱪurbanliⱪ ⱪilƣili qiⱪti. Xundaⱪ ⱪilip u Bǝyt-Əldǝ ɵzi ǝtküzgǝn mozay mǝbudlirigǝ ⱪurbanliⱪ ɵtküzdi. U yǝnǝ Bǝyt-Əldǝ saldurƣan xu «egiz jaylar» üqün kaⱨinlarni tǝyinlidi. □ «Yǝⱨudaning zeminidiki ⱨeyt» — muxu yǝrdǝ «ⱨeyt» yǝttinqi ayning on bǝxinqi künidǝ ɵtküzülgǝn «orma ⱨeyti» yaki «kǝpilǝr ⱨeyti» idi. 33 U Bǝyt-Əldǝ yasiƣan ⱪurbangaⱨ üstigǝ sǝkkizinqi ayning on bǝxinqi küni (bu ay-künni u ɵz mǝyliqǝ talliƣanidi) ⱪurbanliⱪlarni sunuxⱪa qiⱪti; xu tǝriⱪidǝ u Israillarƣa bir ⱨeyt yaratti; u ɵzi ⱪurbangaⱨ üstigǝ ⱪurbanliⱪlarni sundi wǝ huxbuy yaⱪti.□ «Yǝroboam ɵzi ⱪurbangaⱨ üstigǝ ⱪurbanliⱪlarni sundi wǝ huxbuy yaⱪti» — muxundaⱪ ixlarni pǝⱪǝt Lawiy ⱪǝbilisi, Ⱨarunning jǝmǝtidin bolƣanlar, yǝni ⱨǝⱪiⱪiy kaⱨinlar ⱪilixⱪa bolatti, ǝlwǝttǝ.
□12:11 «qayanliⱪ ⱪamqilar» — yaki bolmisa «qayanlar» degǝnning nemǝ ikǝnliki ⱨazir mǝlum ǝmǝs, ⱨeq bolmiƣanda padixaⱨning intayin ⱪattiⱪ muamilisini kɵrsitidu.
■12:15 1Pad. 11:11, 31
□12:16 «...Israillar ɵz ɵy-qedirliriƣa ⱪaytip ketixti» — ibraniy tilida «Israillar ɵz qedirliriƣa ⱪaytip ketixti».
□12:17 «Yǝⱨuda xǝⱨǝrliridǝ olturƣan Israillar» — bularning kɵpinqisi Yǝⱨuda wǝ Binyamin ⱪǝbililiridin bolƣan.
□12:19 «Xu tǝriⱪidǝ Israil Dawutning jǝmǝtidin yüz ɵrüp, ... uningƣa ⱪarxi qiⱪip kǝldi» — bu tarihta muxu yǝrdin baxlap «Israil» degǝn sɵz adǝttǝ «ximaliy padixaⱨliⱪ», yǝni «on ⱪǝbilǝ»ni kɵrsitidu.
□12:31 «u ⱨǝm ... ibadǝt ɵylirini yasidi» — yaki «u ⱨǝm ibadǝt ɵyini yasidi». Əmma 32-ayǝtni kɵrüng.
■12:31 Qɵl. 3:10; 1Pad. 13:33; 2Pad. 17:32; 2Tar. 11:15
□12:32 «Yǝⱨudaning zeminidiki ⱨeyt» — muxu yǝrdǝ «ⱨeyt» yǝttinqi ayning on bǝxinqi künidǝ ɵtküzülgǝn «orma ⱨeyti» yaki «kǝpilǝr ⱨeyti» idi.
□12:33 «Yǝroboam ɵzi ⱪurbangaⱨ üstigǝ ⱪurbanliⱪlarni sundi wǝ huxbuy yaⱪti» — muxundaⱪ ixlarni pǝⱪǝt Lawiy ⱪǝbilisi, Ⱨarunning jǝmǝtidin bolƣanlar, yǝni ⱨǝⱪiⱪiy kaⱨinlar ⱪilixⱪa bolatti, ǝlwǝttǝ.