Zebur.
129.
«Yuqirigha chiqish naxshisi» «Yashliqimdin tartip ular köp qétim méni xar qilip keldi» — — Ah, Israil hazir buni désun — 
«Ular yashliqimdin tartip köp qétim méni xar qilip keldi, Biraq üstümdin ghelibe qilghan emes. 
Qosh heydigüchiler dümbemde heydigen, Chöneklirini intayin uzun tartqan». 
Perwerdigar heqqaniydur; U rezillerning asaretlirini sunduruwetti; 
Ular shermende bolup arqisigha yandurulsun, Ziondin nepretlinidighanlarning hemmisi! 
Ular ögzide ünüp chiqqan chöptek bolsun; Üzülmey turupla soliship kétidighan; 
Ot-chöp orighuchigha uningdin bir tutammu chiqmaydu; Bagh baghlighuchigha bir quchaqmu chiqmaydu; 
Ötüp kétiwatqanlarmu: «Perwerdigarning berikiti üstünglarda bolghay; Perwerdigarning nami bilen silerge bext tileymiz!» — dégen salamni héch bermeydu.