PSALMS.
120.
(Ilu se temple te nama tarigira ko wur) Aninga ikup ningi Yawe arusam, se nu agiring iluso. 
O Yawe, kariimet nuguring kawel karogo wore nuguting te aga sangaru toko, ale kariimet nungamili guruga patawura karogo mu nuguting te aga sangaru toko. 
Nina kariimet nigiring memek mu, nu awuk ninga bitiruk i? Ale anape bo karogo nengete bitirukko? 
Nu kager kari ko daga gotek kore buguyam mu te ninga moruk, ale tuwer giturum kaniwara mu te ninga kaiyokko. 
Bare ani Meshek kariimet nunga ningi baga maguwu lagasam; ani Kedar kariimet nunga ningi memek baga lagasam. 
Ani kariimet, lila te bagara ko kiwem mu me ko kuawara umu nunga ningi tom maiya biya bagerem. 
Ani mu angamang lila ko kari; bare tom ani bagara lila mu ko balukasam, mu nuna kager ko la balukasan.