5
10 Aiavoi mane nuanuai e vaivaia eḡa melanai nuanuai ina rauei;
aiavoi e ḡoeḡoei da ina vipurapura;
taui eḡa melanai ai rauoḡara anatapuna ina vaia.
A inanai da wei anona eḡa.
11 Maranai am maura e rarata,
lamna maranai patara e ḡeḡetai da e amam vereverem.
Wate wei maurana aiwai aiaina e vereverem?
Eḡa aiwai, anina e viatataim da tam maumauram, wate rava ḡelauna am maura ina tawanei aubaim.
12 Taunola e amam kaua bo eḡa,
wate e matamatave kaua.
Mane ravana eḡa nanare, tauna ana maura e notanota-maratomei.
13 Au dobu kaua apoapoe kaukauana a inanai;
Mane ma purapura ravana ana maura au anara e tereterei muriai aubaina. Wate wei lamnei, ana nuabola ḡaeḡaena i tuarui.
14 Ana mane ma ana maura i kauana
labalababai ma anatapuna i vine-boai.
Natuna eḡa ana buderi ita terei.
15 ✡ Job 1:21Menanarena dobuna ta ruinei
nanarena tana nae me, kovakovata ma ana ura kwakwavita.
Amapo eḡa ata purapura, ta vopolepolei tana vinimavoei.