Deuteronomy - Tarawatu Viruaina.
8.
Moses ana rava i riwei i pa, “Nuanuami eḡa ina vuru; menanare Bada ami God au mutulua i ravenimi da madeḡai 40 da volaḡota ota aramanei ma orami ana rewapana ita inanai. Ma ita aramanei ana tarawatu ona voteletelei bo eḡa. 
Ee nanare! I viamiraḡenimi da o volaḡota ma mannei i viambagibagim. Amamami maiteni manna o vinuanainei; eḡa mepa ota amdadani. I kauei da ita viararamanimi da rava eḡa lam ava awarinei ita mamae, wate riwa anatapui Bada gamonei e opuopu. 
—Maranai o amam kaua, ma numa aiaii o maemaeni, 
ma maranai ami bulumakau ma sipu borui e maḡamaḡa, ma e vivipurapura; ma e maumaura-kaua. 
Ona inana-kaua da eḡa ona mae-ḡaeḡae, ma nuanuami ina vuru! Da Bada menanare Egypt ei panipani au dobuna i tere-opunemi. 
I taravaina-naiemi au mutulua ḡaeḡaena ma viʼnirovorovona mota ḡaiḡaiawai ma tanara ai dobu. Dobu paipairana ma eḡa waira. Wate i kauei da kira i ravi ma waira i ruba-opu taumi aubaimi. 
Au mutulua manna i veremi da o am; amamami nai lamna eḡa ita am-dadani. Wei lamnei i raudadanimi da ota volaḡota; da au damona ami lawana ita ai. 
Ona inana-kaua da eḡa au nuanuami ona riwa, ‘Tauai ai rewapanei ma ai egolei a vipurapura ma a maura.’ 
Wate Bada am God eḡa nuanuami ina vuru aubaina tauna tepanei ta maumaura, ma lamnei parivainuaḡana bagibagina noinoimi maiteni i kaukauei e rarauano.”