1 Kings - Gulagulau Naona.
6.
Solomon mai Israel i vibadei da madeḡa tonuḡa ma au vi-4-na, nawaravi au viruaina e ḡoreḡorei Ziv, tauna Bada ana tempol voana i vikarei. Wei lamna madeḡa 480 i kwa maranai mai Israel, Egypt i opu-tawanei. 
Ḡaima ḡaeḡaei numa voana aubaina anatapui au weia i ḡarai ma kampa i bori-naiei, da eḡa irama bo aniambori gugurai numavoa gabuna ita vitaniḡa-potai. 
Ma Bada Solomon i riwei, 
“Wei Tempolna voana aubaina ana riwem, mepa da riwau ma rautaniḡanei, ma au tarawatu anatapui ma votaḡotaḡoi, ma aiwai a ririwem ma kaukauei, Tau aiwai amam David a parivainuaḡani ana kauei aubaim. 
Ma tau au rava mai Israel maiteni ana mae, ma eḡa melanai ana netawanei.” 
Anina ma Solomon tempol i voa-pai.