Job.
38.
Ma Bada labu au orana ma Job i paribelei, i pa, 
“Tam aiai e bababani labalababa, ma au nuaulaula e paripari-virevirei? 
Ma mairi jijimana me oroto, ana vitaravirevirem ma ma paribeleu! 
Tam mepa maranai dobu tuatuana i tonei? Ma riweu, mepa da u aramanei? 
Aiai dobu ana manawa ma ana dabora i terei? U aramanei tapa? Ma aiai i ruvai? 
Aiwai dobu tuatuana e vovojijini? Ma aiai dobu tuatuana i tonei, 
maranai maratomtom ubonai i wela tagogi, ma Bada ana anela ana morelanai i voepaepa ma i vigaragaraei? 
Aiai boga ana au parata i terei maranai boga manawana ana goba i wanaiwaḡi?”