Psalm - Wela ma Pari.
110.
David ana wela Bada au bada wenanare i riwei, “Au oieu ma kiala da am ḡavia au ae karem ana terei da ma tuvaidoedoei.” 
Bada, am gabemani vivirewapanana Zion ana parata ina viratai, da am ḡavia ma vibadei. 
Am laraga ana nuaii ina verena-melei da ina visorodia, ma ona ḡae Bada ana ola au tepana viḡavia aubaina, ma ami rewapana ina ravivouni ubaubanai patapatana me ubaubanai turuvanina. 
Bada i parivainuaḡanim ma eḡa nuanuana ina virai; “Tam pirisi maemae nonoana me Melkisedek.” 
Bada au oiem e maimairi da e paipainim; tauna gulagulau ina piaḡi maranai amlona ina ḡaiḡai. 
Dobu nununai ai ḡoa apoapoe ina kovoḡi, ma taubeu dobuna ina vioai ma dobu gulagulaui anatapui kolai ina viaigwadagwadai. 
Wate au etanai au vuvura ina uma ma rewapana ina verei ma ina vovaiuba.