Proverbs - Nuaulaula Riwai.
8.
“Au karena, Bada tau i tereu. Muriai da aiwai ḡelaui i kauei. 
Tau kampa au kare oina, muriai da dobu. 
Tau a tupua muriai da Bada gabinou i kauei, muriai da waira vuvura i kwakwa-ḡetai. 
Tau a tupua muriai da ola, muriai da ola muomuoi ai au gabu i terei, tau kampa. 
Muriai da dobu bo wapu bo doa pokauna. 
Tau kampa maranai mara ana au gabu i terei, maranai parata i taini da mara au tepana ma boga au gabaura. 
Maranai apau i terei au mara ma vuvura doa au orana i votawanei. 
Tau kampa, ma boga ana parata i terei ma i egari da nai paratana eḡa ina raḡoni. Tau kampa, maranai dobu oḡona i tonana-naiei. 
Nai marana tau Bada au ririvana a mamae me tauvioga, marana patapatai a vinuaiaini ma tau a vinuaiai. 
A vinuaiai kaua maranai dobu i kaukaueia a inanai, a vinuaiai kaua maranai rava a inanai.”