Isaiah.
50.
Bada God i viararamaniu aiwai ana latoni, da ḡokokokarai ma peupeui ana vovairewapani. Ubaubanai patapatai e ravidagudaguiu, ma taniḡau a tonetonei da ana rautaniḡanana ma ana viararamana kaua. 
Bada God aramana i vereu ma eḡa ata pariḡaiei bo ata mae-puputei. 
Uporau a verei da i kwapu-kauei, ma a voterei da mutuorou i amui. Eḡa naou ata govaḡi maranai i vinimalamalaiu ma naou i ovai. 
Wate Bada God au muriu e maimairi, lamna aubaina eḡa ita vitepaubaubaiu. A vokaukaua da ana nebelei, aramanei da eḡa ina vinimalamalaiu. 
God au ririvau, ma ina vitaubabani aubaiu. Tauna ina riwemi da tau eḡa aiwai ata kauana-boai. Aiai ina viwavuiu? Tana nae tana etara Au ḡavia mepa, taumi ona nei? 
Anina Bada tauoina e gagagaloeiu, Aiai ina riwei da tau a kauana-boai? Taui anatapui ina gumaḡa me gara wadubona. Komaḡana ina ambaubauni.