Peroveta  Jeremiah  ana buka.
1.
Bada i riweu i pa: 
“A vinem, muriai da alom au manawana a teretagogiem. Muriai da uta tupua, A tereriem, rava anatapui ai peroveta.” 
A paribelei, “Oo Bada God, tau tevera ota, ma babani eḡa ata aramanei.” 
Bada i riweu, “Eḡa ma riwa, ‘Tau tevera ota.’ Ma nae mepa a pariparitawanem, ma aiwai a ririwem taui ma pariverei. 
Eḡa ma rovoei aubaina Tau a paritawanem. Tau tam maiteni ana mae da ana gagaloem. Tau Bada a babani.” 
Anina ma Bada urana i viloloi da ipiriu i tapedadani ma i riweu, “Marina riwau au gamom a terei. 
Ma aramana-kauei da marina rewapana a vereverem, da dobu anatapui ai gulagulau ai kovoḡa ma vinolenolei wenanare, Ḡelaui ma orumi, ma viairikarikai, ma vovaiubai ma vipupui. Ḡelaui ma voepai ma ma paewi.” 
“Ma vokaukaua Jeremiah! Ma vomairi ma aiwai anatapuna a riwem ravai ma pariverei. Eḡa ravai ma rovoei, bo au matai, ana virorovoim. 
Amadodo a vovaivirewapanim me melagai vivirewapanana, tuatuana ma garina iramei voavoana. Tam ma mairi ma eḡa maiJudah ma ai gulagulau, ai gabemani ravai, ai pirisi ma dobuna ravai ina tereḡairem. 
Taui ina viḡaviem wate ina kauana-avei. Aubaina tau tam maiteni, ma ana gagaloem. Tau Bada a babani!”