Lamentation.
3.
Bada, A tenam nae, eḡa matave kaua, iniviara maiteni, a vinuapoapoe kaua, notana i viḡora kaua. 
A notanota-maelei ma au orau a toutou. 
Wate Bada a vinua-notenotei ma orau e vovovaivirewapani. Lamnei a vitumaḡana: 
da Bada ana nuavaina mamae-nonoana. Ma ana raunuapoapoe eḡa ina kwa. 
Ubaubanai, e raviravivouni; am vipatutu i rata kaua. 
A ririwana-meleu, Bada au buderi lamna a vivitumaḡanem. 
Taui daBada e vivitumaḡanei ma e baibaiei, ina viaiaini. 
I ai da tana volaḡota ma Bada tana paini da ina vilawanita. 
I aii da vilamolamona ma nola ma aramanei. Am au vilaraga, 
maranai Bada e viviaramanita, ma mae genuatau. 
Tana mae-ḡaira au debidebi, mepa da agu ina nei. 
Navanavami ona verei da ina ravi, ma ina vijiboḡimi. Wate eḡa ona vobelei aubaina. 
Bada eḡa ina geduaiana-nonoeta. 
Avena da maraḡela nuabola e neineiai, wate ana raunua apoapoe i rata kaua. Aubaina ana nuavaina i rata kaua, eḡa damona. 
Wate wei kauai eḡa ita vinuaiaiei.