36
Muxu ɲaxina
1 Alatalaa walikɛɛn Dawudaa bɛtina, bɛti baane kuntigin xa.
2 Yulubin falan tima muxu ɲaxin xa a bɔɲɛni.
A mi gaxuma Ala yɛɛ ra mumɛ!
3 Bayo a lugoxi a yɛtɛ ra
a mi nɔɛ a yulubine kolonɲɛ,
a a mɛ e ra.
4 A falane ɲaxu,
wulen nan gbansan e ra.
A mi fa xaxilimaya feeye rabama.
A mi fe faɲi ligama.
5 A nɛma saxi a saden ma,
a fe ɲaxine mirima,
a kira kobine natama,
a mi a mɛma fe ɲaxi yo ra.
6 Alatala, i ya hinanna gbo
han ariyanna,
i ya lannayaan gbo han kore.
7 I ya tinxinna gbo alo geyane.
I ya kiti sa kiin tilin alo fɔxɔ igena.
Daɲɔxɔne nun subene i tan nan yii, Alatala.
8 Ala, i ya hinanna kɛndɛ han!
Adamadiine birin luxunden sɔtɔma nɛn i yi
alo tɔxɛ diine e nga gabutɛne bun kii naxan yi.
9 E lugoma i ya donse gbeen nan na.
E e min i ya fanni alo xudena.
10 Niin binla i tan nan yi.
Nxu bata kɛnɛnna to i ya kɛnɛnna xɔn.
11 I xa hinan ne ra
naxanye i kolon.
I ya tinxinyaan yita sɔndɔmɛ faɲi kanne ra.
12 I nama tin yandadene yi n yɛngɛ,
hanma muxu ɲaxine yi n kedi.
13 A mato,
fe ɲaxi rabane bata bira.
E saxi, e mi nɔɛ kelɛ.