Xa Alatala mi yi ti en xɔn nun,

Isirayila muxune fan xa a fala, e naxa,

2 “Xa Alatala mi yi ti en xɔn nun

yaxune yi en yɛngɛma waxatin naxan yi,”

3 e yi en ɲɛɲɛn gerunma nɛn nun

e xɔlɔ en xili ma waxatin naxan yi.

4 Nayi, walanna yi sigama en na nɛn nun,

fufaan yi en mamin,

5 ige xunfan gbeen yi sa en xun ma.

6 En barikan bira Alatala xa,

a mi tinxi en yaxune yi en ɲan.

7 Nxu bata nxu sɔtɔ

alo xɔlina a sɔtɔma xɔli suxuna lutin na kii naxan yi.

Lutin bata bolon, nxu xɔrɔya!

8 En ma maliin kelima Alatala nan yii

naxan ariyanna nun dunuɲa daxi.