Nabi Dawudaa Bɛtine.
1.
Sɛwan na kanna xa, naxan mi muxu ɲaxine maxadi xuine suxuma, naxan mi birama yulubitɔne kiraan fɔxɔ ra, naxan mi a sama magele tiine fari. 
Na kanna sɛwama nɛn Alatalaa sariyan suxudeni, a a xaxili lu Alaa sariyan xɔn kɔɛɛn nun yanyin na. 
A sabatima nɛn alo wudi binla naxan xude dɛni, a bogima nɛn a waxatini, a dɛɛne mi xarɛ. Na kanna na fefe suxu, a sɔnɔyama nɛn a xa. 
Koni muxu ɲaxine mi na kiini mumɛ, e luxi nɛn alo foyen se dagin naxan xalima. 
Nanara, muxu ɲaxine yalagima nɛn kiti sa waxatini, yulubitɔne mi tiyɛ tinxin muxune yɛ. 
Alatala a ɲɔxɔ luma nɛn tinxin muxune xɔn, koni muxu ɲaxine kiraan sigama gbalon nin.