Yaburina.
11.
Dawudaa bɛtina bɛti baane kuntigin xa. N bata Alatala findi n luxunden na. I mɔn a falama n xa nanfera nayi fa fala, “Tugan alo xɔlina, i siga geyaan ma, 
amasɔtɔ a mato, muxu ɲaxine bata e xanle ba, e e xalimakunle ti muxu sɔndɔmɛ faɲine ra e bun xinla ma dimini. 
Xa sariya mi fa na, tinxin muxune nɔɛ nanse ligɛ?” 
Alatala a Batu Banxi Sariɲanxini. Alatala a manga gbɛdɛni ariyanna yi. A adamadiine xun matoma a ra a e rakɔrɔsima a yɛɛn na. 
Alatala tinxin muxune nun muxu ɲaxine rakɔrɔsima. Gbalo feen nafanxi naxanye ma, a ne raɲaxuma a niin birin yi nɛn. 
A tɛɛ wolonna nun dole tɛɛn nagodoma nɛn muxu ɲaxine ma. A e tɔrɔma foye wolonna ra nɛn. 
Alatala tinxin, tinxinyaan nafan a ma. Muxu faɲine a yɛtagin toma nɛn.