Yaburina.
16.
Dawuda Ala maxandi faɲina. Ala, n kantan, bayo n bata n luxun i yi. 
N bata a fala Alatala xa, n naxa, “N Marigin nan i tan na. Se faɲi gbɛtɛ mi n yii ba i tan na.” 
N sɛwaxi yamanan muxu sariɲanxi gbeene nan ma fe ra. 
Naxanye suxurene batuma, ne tɔrɔyaan gboma ayi nɛn. Koni n tan mi saraxan bɛ e xa, n dɛ mi e xinle falɛ. 
Alatala, i tan nan keden pe n yii, i maragidi faɲin fima n ma. N ma dunuɲa yi gidina i tan nan yii. 
Ala naxan soxi n yii, na rafan n ma, n bata sɛwa n ma kɛɛ sɔtɔxin na. 
N barikan birama Alatala xa naxan n kawandima. Hali kɔɛɛn na, n xaxili sɔtɛ. 
N xaxili Alatala xɔn ma waxatin birin, bayo a n dɛxɔn ma, sese mi n mamaxɛ. 
Nanara, n bɔɲɛn sɛwaxi, n niin yi yifan n ma, n yi n matabu bɔɲɛ xunbenli. 
Amasɔtɔ, i mi i mɛ n na, n siga laxira yi. I mi tinɲɛ i ya muxu tɔgɔndiyaxin yi kun gaburun kui. 
I nii rakisi kiraan yitama n na nɛn, nanara n sɛwama nɛn i yɛtagi han! Nii fanna mi ɲanɲɛ i dɛxɔn ma habadan!