Yaburina.
29.
Dawudaa bɛtina. Ɛ tan malekane, ɛ fa Alatala tantun, ɛ a tantun a binyen nun a sɛnbɛna fe ra. 
Ɛ binyen fi Alatala ma a xinla fe ra, ɛ Alatala batu a nɔrɔ sariɲanxini. 
Alatala xuiin mɛma fɔxɔ igene yi, Ala binye kanna sarinma, Alatala a xuiin nasigama ige gbeene xun ma. 
Alatala xuiin sɛnbɛn gbo, Alatala xuiin nɔrɔxi. 
Alatala xuiin suman binle yigirama, hali sumunna naxanye Liban yamanani. 
Ala Liban geyane ratuganma alo ɲinge diina, e nun Siriyon geyana alo burunna ɲingena. 
Alatala xuiin sigama ayi alo kuye sarinna. 
Alatala xuiin tonbon yirene yimaxama, a Kadesi tonbonni maxa. 
Xɛnle diin xalima Alatala xuiin ma, a mɔn yi warine dɛɛne rayolon, yamaan birin sɔnxɔma a Batu Banxini, e naxa, “Binyen xa fi a ma!” 
Alatala dɔxi fufane xun na. A mangayaan na habadan! 
Alatala nan sɛnbɛn fima a yamaan ma, a bɔɲɛ xunbeli barakan sa e yi.