Yaburina.
53.
Dawudaa fala ɲaxumɛna, bɛti baane kuntigin xa. A xa ba xulenna ra. 
Xaxilitarena a falama a bɔɲɛni, a naxa, “Ala mi na.” E birin yifu, e haramu feene ligama. Muxu yo mi a faɲin nabama. 
Ala a yɛɛn nagodoma adamadiine ma keli ariyanna yi, a xa a to xa nde na naxan xaxili sɔtɛ, a Ala fen. 
Koni birin bata kiraan fata, e ɲaxu ayi. Hali keden pe mi a faɲin ligama. 
Fe ɲaxi rabane mi fe kolon ba? E n ma yamaan tɔnɔn donma alo donsena, koni e mi Ala xandima mumɛ! 
Awa nayi, gaxun ne suxuma nɛn e tan naxanye mi yi gaxuma. Ala e kalama nɛn, a e rayarabi bayo e raɲaxu a ma. 
Nde kelɛ Siyon yi a Isirayila rakisi? Ala mɔn na a yamaan sɛnbɛ so, Yaxuba bɔnsɔnna sɛwama nɛn, Isirayila yi ɲaxan!