Yaburina.
64.
Dawudaa bɛtina, bɛti baane kuntigin xa. 
Ala, i tuli mati n ma mawuga xuiin na! N bata gaxu n yaxune yɛɛ ra. N niin natanga! 
N luxun muxu ɲaxine ma naxanye e bode toma wundoni, e nun fe ɲaxi raba ganla. 
E lɛnne xanxan alo silanfanna. Fala ɲaxine minima e dɛ alo xalimakuli ralemunxina. 
E e xanle tima sɔntaren na wundoni. E mafura bunna tiyɛ, e mi gaxuma. 
E e bode rawɛkilɛma kɛwali ɲaxin ma. E e bode toma, e lutine ratima dɛnaxan yi. E naxa, “Nde nɔɛ e toɛ?” 
E tinxintareyani tɔnma, e naxa, “En ma kɔtɛ yitɔnxin mi fulɛ mumɛ!” Muxun kui feene kolon naxɔlɔ! 
Koni Alaa xalimakunle wolima e ma nɛn, a e li keden na. 
E gbee fala xuine xɛtɛma e ma nɛn, e yi halagi. Naxan yo na e to, ne e xunne yimaxama nɛn e mageledeni. 
Nayi, gaxun adaman birin suxuma nɛn. E e xaxili lu Ala a wanla xɔn, e yi a fe rabaxine famu. 
Tinxin muxune xa sɛwa Alatala yi, e yi a findi e luxunden na. Muxu sɔndɔmɛ faɲin birin xa a matɔxɔ.