Yaburina.
70.
Dawudaa bɛtina, bɛti baane kuntigin xa. Maxandina. 
Ala, n nakisi! Alatala, fa n mali iki sa! 
Ala xa ne yarabi naxanye n faxa feni tɔnma, e yifu. Ala xa ne raxɛtɛ marafɛyani n ma tɔrɔn nafanxi naxanye ma. 
E yagixin xa xɛtɛ naxanye a falama, e naxa, “Yɔ! I suxi!” 
Naxanye birin i tan fenma, i xa ne birin nasɛwa. Naxanye waxi i ya kisi feen xɔn, ne xa lu a falɛ, “Ala gbo!” 
Koni, yiigelitɔɔn nun tɔrɔ muxun nan n tan na. Ala, fa n fɛma mafurɛn! I tan nan n malimaan nun n natangamaan na. Alatala, i nama buyɛ ayi.