Yaburina.
87.
Koraa diine tantun bɛtina. Sigi sariɲanxina. Ala bata a taan ti Geya Sariɲanxin fari. 
Siyon taan nafan Alatala ma Yaxuba bɔnsɔnna taane birin xa. 
Muxune Alaa taan matɔxɔma han! 
Ala naxa, “N Misiran kaane nun Babilɔn kaane sama nɛn n kolon muxune fari e nun Filisiti kaane nun Tire kaane nun Kusi kaane.” N yi a fala, n naxa, “Itoe fan barixi Siyon taan nin.” 
E a falama nɛn Siyon taan ma fa fala siyani itoe fan barixi mɛnna nin, Kore Xɔnna Ala yɛtɛɛn yi a rasabati. 
Alatala na siyane xinle sɛbɛ, a a falama nɛn ndee ma, a naxa, “Itoe fan barixi Siyon taan nin.” 
E bodonma nɛn, e bɛtin ba. E naxa, “Nxu yigin birin i tan nin.”